Եվրոպան կկրճատի սոցիալական ծախսերը՝ ռազմական բյուջեի ավելացման համար

Ռազմական ծախսերի ավելացումը եվրոպական երկրներից կպահանջի կրճատել բնակչության սոցիալական աջակցության ծրագրերը, ինչը կարող է հանգեցնել զանգվածային բողոքների: Այս մասին գրում է Financial Times թերթը։

Moody ‘s Analytics ընկերության գլխավոր տնտեսագետ Մարկ Զանդիի կարծիքով՝ սառը պատերազմի ավարտից հետո Եվրոպան ստացել է «խաղաղության դիվիդենտներ», որոնց շնորհիվ «ազատագրվել են տնտեսական ռեսուրսները մասնավոր կապիտալում ներդրումների համար, իսկ պետությունները կարողացել են ընդլայնել սոցիալական աջակցության ծրագրերը»։

Փորձագետի խոսքով՝ այդ ժամանակահատվածն ավարտվել է։ Եվրոպան պետք է պատասխանի ԱՄՆ նախագահ Դոնալդ Թրամփի՝ ռազմական ծախսերն ավելացնելու պահանջին, որպեսզի ինքը ապահովի մայրցամաքի անվտանգությունը։

Պարբերականի տեղեկություններով՝ 1980-ականների ռազմական ծախսերի մակարդակին վերադառնալը կպահանջի բյուջետային քաղաքականության փոփոխություն և պետական փոխառությունների ծավալների ավելացում։ Ընդ որում, Եվրոպայի շատ երկրներ արդեն բախվում են պետական պարտքի բարձր մակարդակի հետ։ Իտալիայում ՀՆԱ-ի նկատմամբ պետական պարտքի հարաբերակցությունը 1960-ականների 31%-ից 2024 թվականին հասել է 137%-ի։ Ֆրանսիայում և Մեծ Բրիտանիայում պետական պարտքը նույնպես գերազանցում է տնտեսության ծավալը։ Արդյունքում «վերազինման ծախսերն ի վերջո կընկնեն հարկատուների ուսերին»,-նշում է թերթը։

Եվրոպական խորհրդի տվյալներով՝ 2024 թվականին ԵՄ երկրները պաշտպանության վրա ծախսել են շուրջ 326 միլիարդ եվրո (ՀՆԱ-ի 1,9%-ը), ինչը 2021 թվականին 214 միլիարդ եվրոյից բարձր է, իսկ 15 տարի առաջ մինչև 2019 թվականը 150 միլիարդ եվրոյի միջին մակարդակն է: Pantheon Macroeconomics վերլուծական կենտրոնում կարծում են, որԵվրոպան ստիպված կլինի պաշտպանական ծախսերը հասցնել տարեկան 230-460 մլրդ եվրոյի՝ հաշվի առնելով ԱՄՆ-ի պահանջները։ Այդ կենտրոնի փորձագետ Կլաուս Վիստեսենը ենթադրում է, որ պաշտպանական ծախսերի ավելացումը կարող է նույնիսկ պահանջել «պատերազմի հարկի» սահմանում եվրոպական մի շարք երկրներում։