Հայաստան-Թուրքիա սահմանին թուրք երիտասարդ է կորել

Թուրքական լրատվամիջոցները գրում են, որ Թուրքիա-Հայաստան սահմանին՝ Իգդիրում, ապօրինի ճանապարհով սահմանը հատել փորձած չորս ընկերներից մեկը՝ 28 տարեկան Իսմայիլ Ադիրը, անհետացել է:

Ըստ թուրքական Haber Global-ի Իգդիրում 28-ամյա Իսմայիլ Ադիրը ընկերների հետ ձկնորսության ժամանակ կորցրել է ոտքը, ընկել Արաքս գետն ու անհետ կորել:

Ընկերների հաղորդումից հետո դեպքի վայր են մեկնել թուրքական ժանդարմերիայի ու «Աղետների և արտակարգ իրավիճակների վարչության» (AFAD) ստորաբաժանումները:

Մեկնարկել են երիտասարդի որոնողական աշխատանքները։ Կասկածներ կան, որ սահմանն անցնելիս է նա ընկել Արաքս գետը։