Իսրայելը կանխարգելիչ հարված է հասցրել Իրանին
Կարդացեք նաև
Իսրայելի պաշտպանության նախարար Իսրայել Կացը հայտարարել է, որ առավոտյան Իսրայելը կանխարգելիչ հարված է հասցրել Իրանին՝ պետությանը սպառնացող վտանգները վերացնելու համար։
«Clash Report»-ի տվյալներով՝ շուտով սպասվում է հրթիռային և անօդաչու թռչող սարքերի հարձակում Իսրայելի վրա։
Իսրայելի պաշտպանության նախարարը երկրում հայտարարել է արտակարգ դրություն և կոչ է արել հանրությանը հետևել Քաղաքացիական պաշտպանության հրամանատարության հրահանգներին և մնալ պաշտպանված տարածքներում։
Իրանը հայտնել է Թեհրանում լսված առնվազն երեք պայթյունի մասին։
Դրանից բացի՝ Իսրայելի օդային տարածքը պաշտոնապես փակվել է։
Ներքին ճակատի հրամանատարությունը հայտարարել է անվտանգության քաղաքականության փոփոխության մասին։ Նոր հրահանգների համաձայն՝ արգելվում են կրթական միջոցառումները, հավաքույթները և աշխատանքային վայրեր այցելությունները, բացառությամբ կենսականորեն կարևոր ոլորտների։
Իսրայելում արտակարգ դրություն է հայտարարվել։ Բնակչությանը խորհուրդ է տրվել աշխատել տնից: Մի քանի հրթիռներ են ընկել Թեհրանի Համալսարանական փողոցում և Ջոմհուրի թաղամասում, գրել են ԶԼՄ-ները։
Հետևեք մեզ նաև Telegram-ում