ԱՄՆ-ի հետ համաձայնագիր չի լինի, քանի դեռ չեն ապահովվել Իրանի իրավունքները․ Մոհամմադ Ղալիբաֆ
Կարդացեք նաև
Իրանը չի հաստատի որևէ համաձայնագիր Միացյալ Նահանգների հետ, քանի դեռ լիարժեք վստահություն չի ունենա, որ պաշտպանված են իրանական ժողովրդի իրավունքներն ու շահերը։ Այս մասին պետական հեռուստատեսությամբ հեռարձակված տեսաուղերձում հայտարարել է Իրանի խորհրդարանի նախագահ Մոհամմադ Բաղեր Ղալիբաֆը։
«Մենք չենք հավանություն տա որևէ համաձայնագրի, քանի դեռ համոզված չենք, որ իրանական ժողովրդի իրավունքները պահպանված են»,-ասել է նա։
Ղալիբաֆի խոսքով՝ հակամարտության նոր փուլում Իրանի հակառակորդները փորձում են տնտեսական ճնշումների և տեղեկատվական արշավների միջոցով պառակտում սերմանել երկրի ներսում և թուլացնել հասարակական համախմբվածությունը։
«Պատերազմի նոր փուլում թշնամին տնտեսական ճնշումների և տեղեկատվական արշավների միջոցով փորձում է տարաձայնություններ հրահրել և խաթարել երկրի միասնությունը՝ փոխհատուցելու իր ռազմական պարտությունը և ստիպելու մեզ հանձնվել։ Ի՜նչ ապարդյուն մոլորություն», -հայտարարել է Իրանի խորհրդարանի նախագահը։
Նա ընդգծել է, որ Թեհրանը չի պատրաստվում ընդունել արտաքին ճնշումների ներքո կայացված որոշումներ և շարունակելու է պաշտպանել երկրի ազգային շահերը։
Հետևեք մեզ նաև Telegram-ում