Ջեյ Դի Վենսը քննադատության է արժանացել Իրանի հարցում իր դիրքորոշման պատճառով․Politico

ԱՄՆ փոխնախագահ Ջեյ Դի Վենսը բախվել է հանրապետական կուսակցության որոշ իսրայելամետ հովանավորների աճող քննադատությանը՝ Իրանի հետ հրադադարի համաձայնագրին աջակցություն հայտնելու և Իսրայելի վարչապետ Բենիամին Նեթանյահուին հրապարակայնորեն քննադատելուց հետո։ Այս մասին հայտնում է Politico-ն։

Պարբերականի տվյալներով՝ քննադատները կարծում են, որ Վենսի դիրքորոշումը թուլացրել է Հանրապետական կուսակցության հրեական համայնքի մի մասի աջակցությունը, ինչը մտահոգություններ է առաջացրել 2028 թվականի նախագահական ընտրություններում նրա հնարավոր մասնակցության դեպքում Դոնալդ Թրամփի դոնորական կոալիցիան պահպանելու կարողության վերաբերյալ։

Politico-ի փոխանցմամբ՝ ամերիկյան հրեական հանրապետական համայնքի մի շարք ազդեցիկ ներկայացուցիչներ մտահոգություն են հայտնել Վենսի մոտեցումների վերաբերյալ՝ կապված Իսրայելի և Իրանի հետ։

Միաժամանակ, այլ հանրապետական գործիչներ, այդ թվում՝ խոշոր դոնորներ և Սպիտակ տան դաշնակիցներ, պնդում են, որ Վենսը շարունակում է պահպանել հստակ իսրայելամետ դիրքորոշում և գործում է լիակատար համաձայնությամբ նախագահ Դոնալդ Թրամփի քաղաքականության հետ։

Հետևեք մեզ նաև Telegram-ում