Հութիների հարձակումը շարքից հանել է Սաուդյան Արաբիայի օրական 400 հազար բարել հզորությամբ նավթավերամշակման գործարանը․ Reuters
28/07/2026 15:42
Կարդացեք նաև
Սաուդյան Արաբիայի պետական նավթային ընկերությունը՝ Saudi Aramco-ն, ժամանակավորապես դադարեցրել է Ջիզանի նավթավերամշակման գործարանի աշխատանքը՝ Եմենի հութիների հարձակման հետևանքով։
Reuters-ի տվյալներով՝ հարվածը վնասել է ձեռնարկության կարևոր ենթակառուցվածքները, այդ թվում՝ գազիֆիկացման համալիրը և պահեստային բաքերի հատվածը։
Ջիզանի նավթավերամշակման գործարանի արտադրական հզորությունը կազմում է օրական մոտ 400 հազար բարել նավթ։
Ներկայում գործարանում իրականացվում են վերականգնողական աշխատանքներ։ Նախնական գնահատականների համաձայն՝ ձեռնարկության աշխատանքը նախատեսվում է վերականգնել մինչև օգոստոսի 15-ը։
Հետևեք մեզ նաև Telegram-ում