«Պիդինգտոնի իշխանություն»․ անգլիական գյուղի բնակիչները «դուրս են եկել» Մեծ Բրիտանիայի կազմից՝ ապաստան հայցողների պատճառով
Կարդացեք նաև
Անգլիական Պիդինգտոն գյուղի բնակիչները խորհրդանշական քվեարկությամբ որոշել են «դուրս գալ» Մեծ Բրիտանիայի կազմից։ Պատճառը իշխանությունների ծրագիրն է, որով նախատեսվում է բնակավայրի հարևանությամբ գտնվող նախկին ռազմաբազայում տեղակայել ավելի քան 1200 ապաստան հայցողի։
Թեև քվեարկությունն իրավական ուժ չունի, 350 բնակիչ ունեցող գյուղի 285 բնակիչ կողմ է արտահայտվել «անպահանջելի անկախությանը»։ Ծխական համայնքի ղեկավար Թիմ Մակնելիի խոսքով՝ բնակավայրն այսուհետ խորհրդանշորեն կոչվելու է «Պիդինգտոնի իշխանություն»։
Բրիտանիայի մշակույթի նախարար Լիզա Նենդին պարզաբանել է, որ նախկին ռազմաբազաները լավագույն տարբերակն են հյուրանոցներից աստիճանաբար հրաժարվելու համար, մինչև համակարգում կարգուկանոն հաստատվի։ Ծրագրի համաձայն՝ օբյեկտը առնվազն 10 տարի ծառայելու է չափահաս միայնակ տղամարդկանց տեղավորելու համար։
Գյուղի բնակիչները, սակայն, ահազանգում են ենթակառուցվածքների բացակայության մասին։ Նրանց պնդմամբ՝ ապաստան հայցողների թիվը չորս անգամ գերազանցելու է տեղի բնակչությանը, մինչդեռ գյուղում կա ընդամենը համայնքային կենտրոն, 12-րդ դարի եկեղեցի և մեկ մարզադաշտ։
Հետևեք մեզ նաև Telegram-ում