«Ռազմավարական փակուղի». ԱՄՆ պետքարտուղար Մարկո Ռուբիոն՝ ուկրաինական հակամարտության կարգավորման հեռանկարների մասին
Կարդացեք նաև
ԱՄՆ պետքարտուղար Մարկո Ռուբիոն հայտարարել է, որ այս պահին ռուս-ուկրաինական հակամարտության բանակցային ճանապարհով կարգավորման հեռանկարներ չեն նշմարվում։ Հունական «Kathimerini» պարբերականին տված հարցազրույցում ամերիկյան դիվանագիտության ղեկավարն ընդգծել է, որ կողմերը հայտնվել են «ռազմավարական փակուղում», ինչը հղի է լուրջ վտանգներով։
«Ռազմավարական փակուղիները կարող են հանգուցալուծվել միայն երկու ճանապարհով․ կամ բանակցությունների միջոցով, կամ կողմերից մեկի կամ երկուսի կտրուկ էսկալացիայով, որն ի վերջո դուրս է գալիս սկզբնական հակամարտության շրջանակներից»,- նշել է Ռուբիոն։ Նրա փոխանցմամբ՝ խաղաղության հասնելու ջանքերն առայժմ անարդյունավետ են, քանի որ Մոսկվան որպես պայման է դնում Դոնեցկի նկատմամբ ամբողջական վերահսկողության սահմանումը, ինչն անընդունելի է Կիևի համար։
ԱՄՆ պետքարտուղարը վստահեցրել է, որ Վաշինգտոնը պատրաստ է կառուցողական դերակատարում ունենալ դիվանագիտական լուծում գտնելու գործում՝ միաժամանակ մեծ մտահոգությամբ հետևելով իրավիճակի հնարավոր զարգացումներին։ Նա նաև առանձնակի անհանգստություն է հայտնել Սև ծովում նավերի վրա վերջերս իրականացված հարձակումների կապակցությամբ։
Հետևեք մեզ նաև Telegram-ում