«Հրապարակ». Վարդանիկը նորածին թոռան պատվին մատաղ է բաժանել

Վարդան Ղուկասյանը, որն ուշիուշով սպասում էր տղա թոռ ունենալուն, որպեսզի իր անունն անմահացնի, վերջապես հասել է իր մուրազին, նրա որդի Սպարտակն օրերս որդի է ունեցել։ Գյումրիում կիրակի օրը տոնական էր, իսկ Ամենափրկիչ եկեղեցու բակում «հո մատաղ չէին բաժնի, հո մատաղ չէին բաժնե, Վարդանիկը կբաժներ, ճիշդ է՝ մեզի չհասավ, ժողովուրդը շատ էր, բայց ըդիգ նշանակություն չունի»,-«Հրապարակ»-ին ասել է Ամենափրկիչի հավատացյալ քույրերից մեկը։

Ի դեպ, թերթի տեղեկություններով, Վարդանիկի դուստրը, որի հարսանիքի օրը փեսացուն սպանվեց, լուրջ առողջական խնդիրներ ուներ, այժմ կա դրական դինամիկա։ Գյումրիում մտածում են, որ մատաղը «էդքամ մենձ էր» նաև այդ առնչությամբ։