Դրեյմոնդ Գրինը ներողություն է խնդրել արագաչափը ցուցադրող տեսանյութի համար (տեսանյութ)
25/03/2016 11:46
Նմանատիպ
«Գոլդեն Սթեյթի» հարձակվող Դրեյմոնդ Գրինը ներողություն է խնդրել իր կողմից տեղադրված տեսանյութի համար, որում երևում է ավտոմեքենայի արագաչափը՝ 190 կմ/ժ (118 մղոն/ժամ) արագությամբ, գրում է «ESPN»-ը։
Գրինը տեսնայութը սմարթֆոնից վերբեռնել է «Սնեփչաթ» առցանց ծառայություն, սակայն արագորեն ջնջել է այն։ Հետո կալիֆորնիական ակումբի առաջատարներից մեկը խոստովանել է, որ անհեռատեսորեն է գործել և ոչ ճիշտ որոշում կայացրել։
«Գոլդեն Սթեյթի» գլխավոր մարզիչ Սթիվ Քերը հայտարարել է, որ մտադիր է զրուցել բասկետբոլիստի հետ, սակայն չի պատրաստվում նրա նկատմամբ այլ կարգապահական տույժեր կիրառել։
