«Հայկական ժամանակ». Երեկ աշխատանքից ազատված Պավել Սաֆարյանն առաջիկայում պաշտոնի կնշանակվի
![«Հայկական ժամանակ». Երեկ աշխատանքից ազատված Պավել Սաֆարյանն առաջիկայում պաշտոնի կնշանակվի](https://times.am/v3/wp-content/uploads/2016/10/c64958a43c09d29089fa60dba4f1f4db.jpg)
Նմանատիպ
«Մեր տեղեկություններով, վարչապետ Կարեն Կարապետյանի հրամանով երեկ աշխատանքից ազատված ֆինանսների առաջին փոխնախարար Պավել Սաֆարյանն առաջիկայում նշանակվելու է տնտեսական զարգացման և ներդրումների փոխնախարար։
Իսկ մինչ այդ Սաֆարյանը հասցրել է գրել 2017 թվականի բյուջեի նախագիծը, որն իր կյանքում հոբելյանական 20-րդն է։ Այսինքն, անկախ Հայաստանի 25 տարվա բյուջեներից 20-ը նա է կազմել։ Հիշեցնենք, որ պետական կառավարման համակարգում Պավել Սաֆարյանն ամենաերկարակյաց պաշտոնյաներից է։ Նա Հայաստանի հարկային ծառայության և հարկային օրենսդրության հիմնադիրն է։ Իսկ 1994–1997թթ. եղել է հարկային պետական տեսչության պետ-նախարար։ 1997-ից եղել է ֆինանսների փոխնախարար։ Սաֆարյանի պաշտոնավարման տարիներին Ֆինանսների նախարարությունը երբեմն շատ արագ, երբեմն մի փոքր դանդաղ տեմպերով, բայց տասը նախարար է փոխել»,– գրում է թերթը։
Հետևեք մեզ նաև Telegram-ում