Կսպասեն մինչև ժամը հինգը և կտեղադրեն վրանը

Ազատության հրապարակում վրանի համար վեճը շարունակ թեժացել է:

Բանակցություններին միացել է նաև «Ժառանգություն» խմբակցության ղեկավար Ռուբեն Հակոբյանը և ՀԱԿ պատգամավոր Նիկոլ Փաշինյանը:

Երբ Րաֆֆի Հովհաննիսյանը նկատել է խմբված մարդկանց, հետաքրքրվել է, թե ինչ է կատարվում: Իմանալով վեճի պատճառը, Ր.Հովհաննիսյանը կարճ ասել է. «Ինձ վրան պետք չէ» և նստել նստարանին:

Ռ.Հակոբյանը լրագրողներին նշեց, որ վրանի տեղադրումը լիովին համապատասխանում է միջազգային իրավունքի նորմերին:

«Մենք կարող ենք տեղադրել հիմա վրանը, բայց մենք հավատարիմ ենք մեր սկզբունքներին, և չենք ցանկանում, որպեսզի լարվածություն լինի: Կսպասենք մինչև 5:00-5:30 և կտեղադրենք վրանը»,- ասաց Ռ.Հակոբյանը:

Իսկ Հովսեփ Խուրշուդյանն իր հերթին հիշեցրեց, որ 2011-ին արդեն ունեցել են այդ նախադեպը, երբ վրանը տեղադրվել էր: