Դորտմունդի «Բորուսիա»-ն հետևում է Մխիթարյանի շուրջ ստեղծված իրավիճակին
04/12/2017 19:29
Նմանատիպ
Դորտմունդի «Բորուսիա»-ն հետևում է Հայաստանի ազգային հավաքականի և «Մանչեսթեր Յունայթեդ»-ի կիսապաշտպան Հենրիխ Մխիթարյանի շուրջ ստեղծված իրավիճակին: Այս մասին հայտնում է բրիտանական Mirror պարբերականը:
Նշվում է, որ գերմանական ակումբը դեմ չի լինի վերադարձնել Մխիթարյանին, որի գործերն անգլիական ակումբում այնքան էլ հաջող չեն ընթանում:
Հենրիխ Մխիթարյանը վերջին շրջանում կորցրել է տեղ թիմի մեկնարկային կազմում: «Մանչեսթեր Յունայթեդ»-ի վերջին 5 խաղերից 4-ում ֆուտբոլիստը նույնիսկ թիմի հայտացուցակում չի ընդգրկվել:
Ակումբի գլխավոր մարզիչ Ժոզե Մոուրինյոն էլ դժգոհել էր Մխիթարյանի խաղից: «Ինձ դուր չի գալիս Մխիթարյանի խաղը վերջին հանդիպումներում: Նա լավ սկսեց խաղաշրջանը, իսկ հետո քայլ առ քայլ սկսեց նահանջել»,- ասել է պորտուգալացի մարզիչը:
Հետևեք մեզ նաև Telegram-ում