AM | RU
USD
EUR
RUB

Ծխելու դեմ պայքարը չպետք է անցնի ողջամտության սահմանները

 

«Պիտի ծխենք» նախաձեռնությունը վաղը նախատեսում է բողոքի ակցիա կառավարության շենքի առջև, ծխելու դեմ պայքարի օրինագծի հետ կապված: Դեռևս հայտնի չէ, ինչ պահանջներ են դնելու նախաձեռնության կազմակերպիչները, սակայն կարծում եմ արդյունավետ չի լինի կառավարությունից պահանջել առհասարակ հրաժարվել ծխելու դեմ պայքարից: Այն որ ծխելը վնասում է բոլորիս, դա անվիճելի է, ինչպես և անվիճելի է այն, որ ծխողների ճնշող մեծամասնությունը ժամանակ առ ժամանակ մտածում է ծխելը թողնելու մասին:

Սակայն ծխելու դեմ պայքարն էլ պետք է դուրս չգա ողջամտության սահմաններից ու ցանկացած օրինագիծ պետք է մշակվի այնպես, որ հնարավորինս չառաջացնի հանրության դժգոհությունը ու համեմատաբար ընդունելի լինի բոլորի համար: Ցանկացած պայքար պետք է ծավալել այնպես, որպեսզի այն զերծ մնա մարդկանց իրավունքների ոտնահարումից ու հետապնդի ոչ թե պատժիչ, այլ կանխարգելիչ նպատակ:

Սակայն առկա օրինագիծը ավելի շատ թողնում է դրամահավաքության ու ծխողներին համընդհանուր տեռորի ենթարկելու տպավորություն:

Մի կողմ թողնենք այն, որ տուգանքները երբևէ չեն նվազեցնում այն երևույթները, որոնց համար նրանք նախատեսված են: Բայց եթե տուգանքը ընդունում ենք որպես պայքարի բաղադրամաս, ապա այդ տուգանքները պետք է համապատասխանեն բնակչության եկամուտներին: Առկա նախագծում, տուգանքի չափսերը պարզապես դուրս են տրամաբանության սահմաններից: Հայաստանում բազմաթիվ ընտանիքների մեկ ամսվա եկամուտը գրեթե նույնչափ է, որոշ դեպքերում էլ պակաս, քան առաջարկվող տուգանքի չափերն են:

Զավեշտալի է, որ նախատեսվում է 500 000 տուգանել ցանկացած հիմնարկի սեփականատիրոջը, եթե վերջինս չարգելի ծխել հիմնարկի տարածքում: Այդ դրույթը դամոկլյան սրի նման կախվելու է ցանկացած ղեկավարի գլխին, քանի որ ցանկացած պահի, ցանկացած աշխատող կարող է տարբեր դրդապատճառներից ելնելով «սարքել» գործատիրոջ գլխին ու ինչպես ասում են «մեռնեմ օրենքին»:

Զավեշտների շարքից է նաև դպրոցներին 100 մետրից մոտ ծխախոտի վաճառքն արգելելը: Իմ խորին համոզմամբ պետք է խստացնել խանութներում անչափահասներին ծխախոտի վաճառքի արգելքը, այլ ոչ թե դպրոցի ու խանութների միջև տարածություններ սահմանել:

Երբ անչափահասը ծխում է, ապա ոչինչ չի խանգարի նրան անցնել 100-ի փոխարեն 120 մետր:

Եթե որևէ մեկը փորձի տրամաբանորեն բացատրել, թե ի՞նչ ազդեցություն է թողնելու այդ 100 մետրը ու ինչո՞վ է նպաստելու անչափահասների չծխելուն, պատրաստ եմ ընդունել, որ սխալվում եմ:

Հասարակական տրանսպորտում ու տաքսի ծառայություն մատուցող մեքենաներում ծխելն արգելելը միանշանակ ողջունելի է, սակայն խիստ անընդունելի, երբ այդ արգելքը տարածվում է նաև անձնական ավտոմեքենաներում ծխելու վրա ու առաջացնում 50 000 դրամ տուգանք:

Դա արդեն մարդու սեփականության իրավունքի կոպտագույն ոտնահարում է: Անձնական ավտոմեքենան մարդու անձնական տարածքն է ու որևէ մեկն իրավունք չունի իր քիթը մտցնել այդտեղ: Ես իմ ավտոմեքենայում իրավունք ունեմ անել այն ամենն, ինչ ցանկանում եմ, եթե դա չի խանգարում հասարակական կարգը կամ չի առաջացնում հասարակական վտանգ:

Եթե որևէ մեկին ծխախոտի հոտը խիստ տհաճ է ու եթե որևէ մեկը ի տարբերություն ինձ, չափազանց շատ է մտահոգվում իր առողջության համար, ապա խնդրեմ, թող չնստի իմ մեքենան:

Ռեստորաններում ու սրճարաններում ծխելու համատարած արգելքը հանգեցնելու է ոչ միայն զբոսաշրջության նվազմանն ու տնտեսվարողների եկամուտների անկմանը, այլ դա նույնպես մարդու իրավունքների ոտնահարում է:

Մարդը գնում է ռեստորան կամ սրճարան ոչ միայն ուտելու համար, այլ դա նաև ժամանցի, առօրյա հոգսերից լիցքաթափման միջոց է: Ցանկացած մարդ յուրովի է պատկերացնում իր ժամանցի ձևն ու տեսակը: Եթե մեկի համար սուրճի հետ խնձոր ուտելը խիստ համադրելի է, մյուսն առանց ծխախոտի այդ սուրճը չի պատկերացնում: Եթե մեկի համար սրճարանը համարվում է հիանալի վայր ընկերուհուն նախորդ օրվա սերիալը պատմելու համար, ապա այն մյուսի համար սրճարանն ուղղակիորեն ասոցացվում է ծխելու հետ:

Նախագիծը պետք է մշակվի այնպես, որպեսի առաջինի դեպքում պաշտպանվի մարդու առողջությունը, երկրորդի դեպքում չոտնահարվի իրավունքները: Իսկ դրա լավագույն տարբերակը ռեստորաններում և սրճարաններում ծխողների և չծխողների սրահներ նախատեսելն է:

Բայց եթե գլխավոր նպատակը մարդկանց տուգանելն է, այլ ոչ ծխելու դեմ իրական պայքարը, ապա այս ամենն ավելորդ է: Ավելի հեշտ կլինի բոլոր ծխողների համար սահմանել ամսական 200 000 դրամ հաստատագրված տուգանք ու ով, որտեղ ուզում է, թող ծխի:

Կարեն ԿԱՐԱՊԵՏՅԱՆ

Լրահոս
Ջալալ Հարությունյանը նշանակվել է Արցախի պաշպանության բանակի հրամանատար Արցախում կան թեկնածուներ, որոնք «դաբրոյով» են մտել ընտրապայքարի մեջ, կամ հույս ունեն այդ «դաբրոն» ստանալ. Վիտալի Բալասանյան Երևանի քաղաքապետարանում տարեսկզբին 25.4 մլն դրամի պարգևավճարներ են բաժանվել Դիվերսիայի վերաբերյալ հայտարարությունները ապատեղեկատվություն են. Արծրուն Հովհաննիսյան Կորոնավիրուսը և իշխանությունների անկարողությունը Բողոքի ակցիա Երևանի քաղաքապետարանի մոտ. Ուղիղ «Համերաշխություն» կուսակցությունը և համանուն շարժումը կոչ են անում չմասնակցել սահմանադրական հանրաքվեին Փաշինյան-Ալիև մյունխենյան բանավեճը ո՛չ կողմերից որևէ մեկի, ո՛չ բանակցությունների շահերից չէր բխում. Կիրո Մանոյան (տեսանյութ) Կորոնավիրուսի մուտքը ՀՀ կանխելու համար Իրանի հետ սահմանը փակելն այս պահին ամենաարդյունավետ քայլն է. համաճարակաբան Հայաստանի և Սլովակիայի ԱԳ նախարարների համատեղ ասուլիսը. Ուղիղ Հայկական ԶՈՒ-ի պատասխան կրակից հետո ադրբեջանական կրակը դադարել է․ Արծրուն Հովհաննիսյանը՝ Տավուշի կրակոցների մասին (տեսանյութ) «Բարձրագույն կրթության և գիտության ոլորտի օրենսդրական բարեփոխումներն ու հիմնախնդիրները» թեմայով լսումներ՝ ԱԺ-ում. Ուղիղ Մուտք ենք գործում Մեծ Պահքի շրջան․ Գարեգին Բ-ի ուղերձը Ադրբեջանն ուզում է, որ Իդլիբը փոխանակվի Արցախո՞վ. պատերազմը կարող է անսպասելի գալ, ինչպես 2016-ին. Երվանդ Բոզոյան Հայ ժողովուրդը 30 տարի է ինչ փորձում է միապետ կարգել. Արթուր Դանիելյան ՀՅԴ Հայ Դատի հանձնախմբերի և գրասենյակների խորհրդաժողովը. Ուղիղ Վատիկանում Ադրբեջանի իշխանությունները պայքարում են հայ ժողովրդի իմունիտետի դեմ Ադրբեջան-ԵՄ նախապատրաստվող փաստաթղթում Արցախյան հիմնախնդրին վերաբերող հատվածները ՀՀ-ԵՄ համաձայնագրի հետ համադրելի չեն.Արմեն Աշոտյան Երևանյան բնակարանում հայտնաբերվել է բնակչի դին ՀՀ տարածքում ավտոճանապարհները հիմնականում անցանելի են Չինաստանում կորոնավիրուսի զոհերի թիվը հասել է 2592-ի ՕՐՎԱ ԽՈՐՀՈՒՐԴԸ: Փետրվարի 24 Հնդկաստանում ոսկու խոշոր հանքավայր է հայտնաբերվել Նիկոլ Փաշինյանը եւ Բակո Սահակյանը Զինված ուժերի ղեկավար կազմի մասնակցությամբ անցկացրել են խորհրդակցություն Աշխատանքային խումբ է գործուղվել Մեղրիի բժշկասանիտարական հսկիչ կետ Աշոտ Ղուլյանն ու Արարատ Միրզոյանը քննարկել են երկու խորհրդարանների համագործակցությանն առնչվող հարցեր Իտալիայում կորոնավիրուսից մահվան երկրորդ դեպքն է գրանցվել. ԶԼՄ-ներ Իշխանության համար կարևոր է ընտրատուրիստների մասնակցությունը հանրաքվեին, ոչ թե ՀՀ քաղաքացիների անվտանգությունը. Նարեկ Մալյան Իրանում կորոնավիրուսով վարակման դեպքերը ավելացել են Փնտրվում է «բովանդակություն» Samsung-ը 2 օրով կփակի իր գործարանը կորոնավիրուսով վարակված աշխատակցուհու պատճառով Կորոնավիրուսի ներթափանցումը կանխելու համար պետք է փակել Իրան-Հայաստան սահմանը. Արմեն Մինասյան Հայտնի են Իրանի խորհրդարան անցած հայ պատգամավորների անունները Ի՞նչ է տեղի ունեցել Արցախի «էլիտար» զորամասում զինծառայող Վահրամ Ավագյանի զոհվելուց առաջ. մանրամասներ միջադեպերից Ազգային ժողովում 174 մլն դրամի պարգևավճարներ են բաժանվել հունվարին աշխատած 17 օրերի համար Քուվեյթը կորոնավիրուսի պատճառով դադարեցրել է ավիահաղորդակցությունն Իրանի հետ Ադրբեջանի տարածքում երկրաշարժ է տեղի ունեցել Առանց Արցախի հետ բանակցությունների` հնարավոր չէ ԼՂ հարցի կարգավորում. Ն. Փաշինյան Մալայզիայի 94-ամյա վարչապետն իրավունք է ստացել որոշել, թե երբ է լքելու պաշտոնը Ադրբեջանը մեկ շաբաթում հրադադարի պահպանման ռեժիմը խախտել է շուրջ 190 անգամ
Խմբագրի ընտրություն
website by Sargssyan