AM | RU
USD
EUR
RUB

Մայր Աթոռում սկսվել է միաբանական համագումարը

 

ԵՐԵՎԱՆ, 18 ՀՈՒՆԻՍԻ, Times.am: Oրհնությամբ Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսի hունիսի 18-ին Մայր Աթոռ Սուրբ Էջմիածնում սկսվել է միաբանական համագումարը, որին մասնակցում են տարբեր երկրների թեմերում և համայնքներում ծառայություն իրականացնող Մայր Աթոռի միաբանները (ծայրագույն վարդապետ, վարդապետ և աբեղա): Համագումարը նախագահում էր Մայր Աթոռի լուսարարապետ Գերաշնորհ Տ. Հովնան եպիկոպոս Հակոբյանը:

Համագումարին մասնակցում են նաև ներկայացուցիչներ Մեծի Տանն Կիլիկիո Կաթողիկոսությունից ու Կոստանդնուպոլսի Հայոց Պատրիարքությունից:

Միաբանական համագումարը սկսվել է Տերունական աղոթքով, որից հետո բացման խոսքով հանդես է եկել համագումարի կազմակերպիչ Հոգեշնորհ Տ. Օշական վարդապետ Կյուլկյուլյանը (ԱՄՆ Հայոց Արևելյան թեմ):

Հայր Սուրբն իր ուրախությունն է հայտնել համագումարի անցկացման առիթով, որի շնորհիվ միաբաններին լավագույն հնարավորությունն է ընձեռնվում միասին աղոթելու, իրենց ուխտը վերանորոգելու Աստծո և Հայ Առաքելական Սուրբ Եկեղեցու հանդեպ, Տիրոջով զորանալու, իրենց հավատարմությունը հայտնելու Ամենայն Հայոց Հայրապետին և նրա մյուռանաբույր Աջից մշտապես բաշխվող առաքելական օրհնությամբ տոգորվելու:

«Այս պահն անկրկնելի է և քաղցր հիշողություններ է արթնացնում մեզանից յուրաքանչյուրի հոգում, քանզի անկախ մեր ծառայության վայրից, աստիճանից և զանազան հանգամանքներից, մեր սրտի մեկ մասնիկը մշտապես այստեղ է՝ Միածնաէջ այս սրբավայրում, ուր դարեր շարունակ հնչում և հնչելու է Մայր Աթոռիս միաբանության անդադար աղոթքը «վասն խաղաղութեան և անսասանութեան ազգիս հայոց և եկեղեցւոյս մերոյ»։ Այդ սուրբ մասնիկն է, որ մեզ հույս է տալիս, առաքելության մեջ հաստատուն պահում և զորացնում։ Անհերքելի է, որ մեր տան հանդեպ կարոտի այդ զգացողությունն աննկարագրելի և անպատմելի է, որն ամեն անգամ ինքնատիպ առկայծում և բոցավառվում է, երբ միասին ենք՝ միասիրտ, միաբան և միախորհուրդ։

Ամենքս էլ կոչված ենք Աստծո խոսքը քարոզելու, Ավետարանի անխարդախ կաթը ջամբելու և մեր ժողովրդին փրկության առաջնորդելու՝ դաստիարակելով և կրթելով մշտամնա արժեքներով։ Բայց, սիրելինե՛ր, այս առաքելությունն առավել արդյունավոր է, երբ միասին ենք՝ մեկ հոգի և մեկ սիրտ ու Հայոց Եկեղեցու անդամներ։ Եղբայրության այս կապերը ոչ միայն միացնում են մեզ, զորացնում և նոր ուժ տալիս, այլև մեզ անպարտելի են դարձնում յուրաքանչյուր մարտահրավերի կամ խնդրի առաջ։ Ուր էլ լինենք, ուր էլ գնանք, երբեք չպետք է կորցնենք կամ թուլացնենք մեր կապը Սուրբ Էջմիածնի հետ, որը մեր կոչման և հոգու ներշնչանքն է, զորացման աղբյուրն ու կյանքի ավիշը։

Սուրբ Էջմիածնի միաբան լինելը պատասխանատվություն է, հանձնառություն և կոչման բարձր գիտակցություն, մեր սրբազան ուխտը՝ ծառայելու Հայոց Եկեղեցուն և աստվածասեր մեր ժողովրդին։ Ծառայասիրության և կոչման դեպքում մնացած ամեն ինչ երկրորդական է դառնում, քանզի գիտակցում ես, որ Սուրբ․ Էջմիածնի զավակն ես, ասել է թե՝ կրողն աստվածային Ճշմարտության»,- նշել է Հայր Օշականը՝ հավելելով, որ վերադարձը Մայր Աթոռ Սուրբ Էջմիածին նորովի հայացք է մեր քրիստոնեական և ազգային ինքնությանը, մեր կոչմանն ու առաքելությանը, այսինքն՝ դարձ դեպի մեր էությունը, որտեղից ծնվել և որով զորանում ենք։

Բացման խոսքին հաջորդել է համագումարի օրակարգի քննարկումը, ապա տեղի ունեցավ միաբանական համագումարի դիվանի ընտրությունը: Ատենապետ ընտրվեց Հոգեշնորհ Տ. Սասուն ծայրագույն վարդապետ Զմրուխտյանը (ԱՄՆ Հայոց Արևմտյան թեմ), ատենադպիրներ` Հոգեշնորհ Տ. Թովմա վարդապետ Խաչատրյանը (Հայ Եկեղեցու Համաշխարհային Երիտասարդաց Միության (ՀԵՀԵՄ) հոգևոր տեսուչ և կենտրոնական գրասենյակի տնօրեն) և Հոգեշնորհ Տ. Դերենիկ աբեղա Սահակյանը (Եգիպտոսի Հայոց թեմ):

Միաբանական համագումարի մասնակիցներին ողջունել են և հոգևոր ծառայության վերաբերյալ իրենց մտորումները ներկայացրել նաև Նվիրապետական Աթոռների ներկայացուցիչները` Հոգեշնորհ Տ. Պետրոս վարդապետ Մանուելյանը (Մեծի Տանն Կիլիկիո Կաթողիկոսություն) և Տ. Եղիշե վարդապետ Ուճքունյանը (Կոստանդնուպոլսի Հայոց Պատրիարքություն):

Համագումարի առաջին օրը փակվել է Հովնան Սրբազանի «Պահպանիչ» աղոթքով:

Քառօրյա ժողովի ընթացքում Մայր Աթոռ Սուրբ Էջմիածնի միաբանները կքննարկեն Եկեղեցու առջև ծառացած զանազան մարտահրավերներ, կլսեն տարբեր զեկույցներ: Հունիսի 19-ին համագումարի մասնակից միաբանները հովվական առաքելությամբ կմեկնեն Գեղարքունյաց թեմի տարբեր հեռավոր համայնքներ, այցելություններ կկատարեն մասնավորապես կարիքավոր ընտանիքներին:

Լրահոս
Ամուլսարի հանքը սպեցիֆիկ է և այս առումով վտանգը շատ մեծ է․ Կարինե Դանիելյան Լիբանանի առողջապահության նախարարությունը հայտնել է Բեյրութում պայթյունի հետևանքով 30 զոհի մասին Սամվել Մարտիրոսյանը՝ ադրբեջանական հաքերների հերթական հարձակման մասին Վահագն Վարագյանն ու Ռաֆայել Հովհաննիսյանն ազատ արձակվեցին․ իրավապաշտպան Բեյրութում պայթյուններ են որոտացել. նախնական տվյալներով՝ 10 մարդ զոհվել է, հարյուրավոր մարդիկ՝ վիրավորվել (տեսանյութ) Քաղաքացիական հագուստով մարդիկ մոտեցել են շարժման անդամներին ու բռնի գործողությունների կիրառմամբ ձերբակալել. «Կանաչ ապագա» բնապահպանական շարժում Փաշինյանը զուրկ է ռազմավարական մտածողությունից. Վահան Իշխանյան Խոշոր ավտովթար Գեղարքունիքի մարզում Ո՞ւր է Նիկոլ Փաշինյանը, ինչի՞ համար եք եկել այս թուրքերին պաշտպանում, երեխեքին ջարդում․ Ամուլսարի ակցիայի մասնակիցը՝ ոստիկանապետին (տեսանյութ) Մեսչյանը շատ դեպքերում ստորագրում էր նրա տակ, ինչն իր համար ընդունելի չէր. Դավիթ Խաժակյան (տեսանյութ) Նիկոլ Փաշինյանի նման վախկոտ ղեկավար Հայաստանը երբեք չի ունեցել․ Արմեն Աշոտյան Ամուլսարում քաղաքացիներին բերման ենթարկելու վերաբերյալ ահազանգով ՄԻՊ արագ արձագանքման խումբ է գործուղվել Ջերմուկ Ամուլսարի տարածքից տասը քաղաքացի բերման է ենթարկվել ոստիկանություն. Էդգար Ջանոյան Սա անհետևանք չի մնալու, խոսքս լավ հիշեք. Պանդորայի արկղ էր, որ պետք չէր բացել. քաղաքագետ Բնապահպան Վահագն Վարագյանը բերման ենթարկվեց (տեսանյութ) «300.1 հոդվածով չի կարող լինել տուժող»․ Ռոբերտ Քոչարյանի պաշտպանը միջնորդեց դադարեցնել տուժողների դատավարական կարգավիճակը Ճգնաժամը՝ որպես բիզնեսի զարգացման նոր հնարավորություն Ամուլսարում Ջերմուկ տանող ճանապարհը բացվեց, բողոքի ակցիան կշարունակվի վաղը (տեսանյութ) «Հայրենիք» զարգացման հիմնադրամը սկսում է հակաճգնաժամային տնտեսական ռազմավարության մշակումը Դրական միավորներով բուհ չընդունված դիմորդները հանդիպել են դդումի հետ Ամուլսարը հանքի վերածելը խիստ վտանգավոր է ՀՀ բնակչության առողջության համար. «Կանաչ ապագա» բնապահպանական շարժում Ամուլսարի շահագործման ռիսկերի մասին. ՏԵՍԱՆՅՈՒԹ Դատարանը հետաձգեց Ռոբերտ Քոչարյանի և Արմեն Գևորգյանի գույքի վրա դրված կալանքը վերացնելու միջնորդության լուծումը. ՈՒՂԻՂ Կառավարությունը ինչ որոշում է կայացնելու, կերկարացվի՞ արդյոք արտակարգ դրությունը Աննա Դանիբեկյանը հետաձգեց Ռոբերտ Քոչարյանի ու Արմեն Գևորգյանի գույքի վրա դրված արգելանքը վերացնելու միջնորդությունները ՀՀ նախագահը ՍԴ դատավորի պաշտոնում առաջադրել է Արթուր Վաղարշյանի թեկնածությունը Ամուլսարի հանքարդյունաբերական ծրագիրը պետք է փակվի. Հայտարարություն Եթե այս պնդումը հաստատվեց, ապա մենք խորը, համապարփակ և բուրավետ բանի մեջ ենք․ Աշոտյան ԿԳՄՍՆ-ում որոշել են գնալ ավելի լուրջ քայլերի և շրջանցել ԵՊՀ կանոնադրության 31-րդ կետը․ «Մեդիա պաշտպան» Ադրբեջանական հաքերները կարողացել են ներթափանցել կառավարական ներքին ցանց և տանել 55 տերաբայթ տեղեկատվություն. Մարտիրոսյան Նոր պաշտոնանկություն ու նշանակում՝ Արմեն Սարգսյանի հրամանագրերով Մոսկվաբնակ գործարարից գումար շորթելու գործով դեռ որևէ մեկին մեղադրանք չի առաջադրվել. Տուժողը վախեցա՞ծ է Ջերմուկցիները խիստ բարկացած են. Ռուբեն Մելիքյան Երևանի քաղաքապետ Հայկ Մարությանի մամուլի ասուլիսը՝ Մաշտոցի պուրակում հատվող ծառերի մասին. ՈՒՂԻՂ Կամ այս խեղկատակների ռեժիմը քոքահան կարվի, կամ Հայաստանի Հանրապետություն ընդհանրապես չի լինի. Միհրան Հակոբյան Արսեն Թորոսյանը սորոսական ՀԿ-ի ղեկավարին Նորքի ինֆեկցիոնի տնօրեն է նշանակում. ԼՈՒՍԱՆԿԱՐՆԵՐ Ամուլսարում հասունանում է արյունահեղություն. Շիրակ Բունիաթյան Թուրքիայի հետ խաղաղ, երջանիկ ապրելու հեքիաթը Հայաստանում փողով տարածողներին ասելիք չկա. Վարոսյան Քաղաքականության զրոյացումն ու քաղաքական զրոն Հայաստանում հաստատվել է կորոնավիրուսով վարակվելու 196 դեպք
Խմբագրի ընտրություն
website by Sargssyan