AM | RU
USD
EUR
RUB

«168 ժամ». Մինսկի խմբի կոչը ուշացած է. Դավիթ Բաբայան

 

«Հունիսի 20-ին Վաշինգտոնում ԵԱՀԿ Մինսկի խմբի համանախագահների մասնակցությամբ տեղի է ունեցել Հայաստանի և Ադրբեջանի արտգործնախարարներ Զոհրաբ Մնացականյանի և Էլմար Մամեդյարովի հանդիպումը։

Ինչպես տեղեկացնում են ՀՀ արտգործնախարարության լրատվական ծառայությունից, հանդիպման ընթացքում հայկական կողմը շնորհակալություն է հայտնել ԵԱՀԿ Մինսկի խմբի ամերիկյան համանախագահությանը՝ ԱԳ նախարարների միջև խորհրդակցությունները հյուրընկալելու համար՝ ի շարունակություն ավելի վաղ Փարիզում և Մոսկվայում կայացած հանդիպումների. «Հանդիպման մասնակիցները մտքեր փոխանակեցին խաղաղ գործընթացին առնչվող հիմնական հարցերի և ներկա իրավիճակի շուրջ:

Քննարկվեցին շփման գծում հանդիպմանը նախորդող շրջանում արձանագրված լարվածությանը և դրա հաղթահարմանը և ըստ այդմ խաղաղության նպաստող միջավայրի վերահաստատմանն առնչվող հարցեր: Հայկական կողմն ընդգծեց հրադադարի ամրապնդման և լարվածության ռիսկերի նվազեցման միջոցների իրականացումը՝ միջադեպերի կանխարգելման և արագ արձագանքման համար:

Վերահաստատվեց նաև խաղաղ գործընթացում հայկական կողմի սկզբունքային դիրքորոշումները և մոտեցումները»,- նշված է ՀՀ արտգործնախարարության հայտարարությունում:

Երկու երկրների արգործնախարարների հանդիպմանը հաջորդած ԵԱՀԿ Մինսկի խմբի համանախագահների տարածած հայտարարության մեջ, մասնավորապես, նշված է, որ ՀՀ և Ադրբեջանի արտաքին գերատեսչությունների ղեկավարները պայմանավորվել են, որ առաջիկայում Մինսկի խմբի հովանու ներքո կրկին կհանդիպեն:

«ԱԳՆ ղեկավարները ներկայացրել են իրենց դիրքորոշումները և հումանիտար քայլերի իրականացման ու անվտանգության ապահովման ուղղությամբ ակնկալիքները։ Ցավոք, արձանագրելով վերջին կորուստները՝ համանախագահները կոչ են արել կողմերին ձեռնարկել անհապաղ միջոցներ խաղաղությանը և առարկայական բանակցություններին նպաստող մթնոլորտի վերականգնման ուղղությամբ։ Միջնորդները կողմերին կոչ են արել վերահաստատել հանձնառությունը՝ անշեղորեն պահպանել հրադադարը և ձեռնպահ մնալ ցանկացած սադրիչ գործողություններից, այդ թվում՝ դիպուկահարների կիրառումից և ինժեներական աշխատանքներից։ Արտգործնախարարները համաձայնել են, որ կարևոր է ամբողջությամբ օգտագործել գոյություն ունեցող ուղիղ կապը լարվածության վտանգի նվազեցմանն ուղղված արագ արձագանքման նպատակով»,- նշված է Մինսկի խմբի հայտարարության մեջ։

«168 ժամ»-ի հետ զրույցում Արցախի Հանրապետության նախագահի խոսնակ Դավիթ Բաբայանը, անդրադառնալով Մինսկի խմբի տարածած հայտարարությանը, նկատեց՝ նման հայտարարությունը սպասելի էր, քանի որ երևում է, որ հիմնական շեշտը շարունակում է դրվել կայունության և խաղաղության պահպանման վրա։

«Այն, որ նման հանդիպումները կարևորվել են, և դրա շարունակականությունը ևս կապահովվի՝ դրական է»,- ասաց Դ. Բաբայանը։

Հարցին՝ Մինսկի խումբը ողջունել է Հայաստանի վարչապետի և Ադրբեջանի նախագահի միջև եղած ուղիղ կապը և հորդորել այն օգտագործել՝ լարվածությունը նվազեցնելու համար, Ադրբեջանի դեպքում հնարավո՞ր է նման կապով պահպանել սահմանային կայունությունը, կամ` այսքան ժամանակ այդ կապն օգնե՞լ է, Դավիթ Բաբայանը պատասխանեց, որ ընդհանուր առմամբ դա կարևոր է, որն ինչ-որ տեղ ունի իր տեխնիկական և քաղաքական նշանակությունը։

«Քաղաքական նշանակություն ունի այն առումով, որ, եթե կա ուղիղ կապ, հետևաբար՝ պետք է լինեն նաև որոշ պարտավորություններ զինադադարի ռեժիմը պահպանելու վերաբերյալ։ Տեխնիկական, եթե ինչ-որ բան լինի ճշտելու, շտկելու, ապա անմիջապես կարողանան միմյանց հետ կապ հաստատել։ Սակայն Ադրբեջանն այն երկիրն է, որից պետք է սպասել ամեն ինչ՝ անգամ ամենաանկանխատեսելի իրավիճակում և անսպասելի պահերին»,- շեշտեց Դավիթ Բաբայանը։

Հաջորդ հարցին՝ այս հանդիպման ընթացքում ևս չի հիշատակվել Վիեննայի և Սանկտ Պետերբուրգի պայմանավորվածությունների մասին, արդյո՞ք անտեսելով այդ պայմանավորվածությունները՝ Ադրբեջանին գործելու լայն հնարավորություններ չի տրվում, Դավիթ Բաբայանը պատասխանեց.

«Կարծում եմ՝ սա Ադրբեջանի պահվածքի հետևանք է, քանի որ այդ պայմանավորվածությունների մեջ կան որոշ հստակ քայլեր, որոնք պետք է իրականացնի Ադրբեջանը, սակայն վերջինս պատրաստ չէ։ Ադրբեջանն ըստ ամենայնի խոչընդոտում է որևէ շոշափելի քայլի իրականացմանը, որը թույլ կտա անմիջապես վերահսկել, թե ով է խախտում սահմանային հրադադարը։ Հասկանալի պատճառով Մինսկի խումբը չի ցանկանում իրավիճակն է՛լ ավելի բարդացնել, պարզապես ցանկանում է շարունակել պահպանել զինադադարի ռեժիմը, խաղաղությունն ու կայունությունը՝ այդ բարդ ու կարևոր պայմանավորվածությունների կյանքի կոչելը թողնելով ինչ-որ տեղ ապագայի համար։ Իհարկե, այս ամենը մեծ հնարավորություն է Ադրբեջանի համար՝ ինժեներական աշխատանքները և տարբեր այլ քայլեր…»,- ընդգծեց Դավիթ Բաբայանը։

Ինչ վերաբերում է Մինսկի խմբի կոչին՝ զերծ մնալ ինժեներական աշխատանքներ իրականացնելուց, Դավիթ Բաբայանն ասաց, որ այդ կոչն ուշացած է, սակայն ավելի լավ է ուշ, քան երբեք»,-գրում է թերթը:

Մանրամասն՝ թերթի այսօրվա համարում:

Լրահոս
Պուտինը մտադիր է այցելել Թուրքիա Երևանում և ևս 7 մարզում էլեկտրաէներգիայի անջատումներ կլինեն «Լիդիան Արմենիա» ընկերությունը դատի է տվել Շրջակա միջավայրի նախարարությանը «Դեղին բաճկոնների» պատճառով Փարիզում փակվել է մետրոյի ավելի քան 20 կայարան Հանրապետությունում ջերմաստիճանը շարունակում է նվազել Իշխանության մյուս թևերն իրավունք չունեն դատարանի կայացրած ակտը քննադատելու. ՍԴ դատավոր Բիլ Գեյսթը կրկին աշխարհի ամենահարուստ մարդն է Կներես մեզ, եղբայր, շեղվել ենք քո գծած գծից, ուրիշ ուղղությամբ ենք գնում, գնում ենք ոչ մի տեղ Բակո Սահակյանը ընդունել է Արթուր Ջավադյանին Վարչապետի գլխավորությամբ տեղի է ունեցել Անվտանգության խորհրդի նիստ Եվս 2 կազմակերպություն միացել է ԿԳՄՍ նախարարի հրաժարականը պահանջող շարժմանը Ադրբեջանը արձակել է ավելի քան 2300 կրակոց ՀՀ-ում իրավունքի և օրենքի գերակայությունն անպայման հաստատվելու է. Արսեն Բաբայան Կապ չունի, թե որ ամսին ես գնում Սևան, եթե դու լողալ չգիտես Մառախուղ՝ Գորիս-«Զանգեր» ավտոճանապարհին Ս. Անդրեաս և Ս. Փիլիպպոս առաքյալների հիշատակության օրն է «Հրապարակ». Երբ չես զբաղվում քաղաքականությամբ «Ժողովուրդ». Ինչո՞ւ տեղական ավիաընկերությունը աֆրիկյան աշխատանքային պայմանները գերադասեց հայկականից «Հրապարակ». ԲՀԿ-ն հրավիրված է եղել, սակայն չի մասնակցել «Հրապարակ». Իշխանությունն ամեն ինչ անում է ԼՀԿ-ի քվեն ստանալու համար «Փաստ». Բազմաթիվ տնտեսական և քաղաքական ռիսկեր կան, իսկ իշխանավորները «թիթեռ են նկարում» «168 ժամ». Հերթական ծառայությունը Վլադիմիր Վլադիմիրովիչին «Փաստ». ՍԴ-ի շուրջ ստեղծված իրավիճակի հարցում իշխանությունը ծանր կացության մեջ է հայտնվել Ես հավատում եմ, որ ուժեղ պետություն կարող ենք ունենալ միայն սեփական դիմագիծը պահելով Ոչ տղամարդու շնորհք կա վրեն, ոչ էլ մարդու. մշակույթ փոխողիս տեսեք ՕՐՎԱ ԽՈՐՀՈՒՐԴԸ: Նոյեմբերի 16 Առաջին անգամ Հայաստանում մի սեղանի շուրջ հավաքվեցին բոլոր ընդդիմադիր ուժերը. Նարեկ Սամսոնյան (տեսանյութ) «Սանիթեքին» տրամադրվող գումարից շուրջ 600 միլիոն դրամով ավել գումար է տրամադրվում աղբահանության նոր կազմակերպությանը. Շիրազ Խաչատրյան Ոչ միայն Հանրային հեռուստաընկերությունը, այլև պետական բոլոր ինստիտուտներն իջեցվում են Փաշինյանի գռեհիկ հայտարարությունների մակարդակին. Աղասի Ենոքյան Իշխանությունները մանիպուլացնում են հասարակությանը՝ շահարկելով Մելի՝ սեռափոխված լինելու փաստը. ՏԵՍԱՆՅՈՒԹ Չափազանց կարևոր է ապազգայինը մարմնավորող անձի՝ Արայիկ Հարությունյանի հեռացումը համակարգից (տեսանյութ) Ո՞վ է ցուցարար Գոռ Սարգսյանը Բակո Սահակյանն Արայիկ Գրիգորյանին նշանակել է Արցախի ԱԱԾ տնօրենի առաջին տեղակալ Բանակին աջակցելու համար Բակո Սահակյանը պարգևատրել է մի խումբ անձանց Ռուստամյան. 90-ականների կոսմոպոլիտիզմն է, գումարած աղանդավորությունն ու այլասերվածության քարոզը Քաղաքական դաշտում բարձր լարումը կավարտվի, երբ Նիկոլ Փաշինյան անուն-ազգանունով ոչ թե վարչապետ ունենանք, այլ՝ դատապարտյալ.Նարեկ Սամսոնյան Սերժ Սարգսյանը չէր հայտարարել, որ պատրաստ է հանձնել շրջաններ. Արտակ Զաքարյան Արցախի հարցում Փաշինյանն էլ ի՞նչ պետք է զիջի, որ Լևոն Տեր-Պետրոսյանից շատ զիջի. Հրանտ Մարգարյան (Տեսանյութ) Ակնկալում ենք, որ կնախաձեռնեք ԿԳՄՍ նախարարի պաշտոնանկության գործընթացը․ ՀՅԴ ՀԵՄ-ը դիմել է ԱԺ ընդդիմադիր խմբակցություններին Իշխանությունների իրարամերժ հայտարարությունների միջոցով բանակցային գործընթացը տարվել է փակուղի. Շահնազարյան
Խմբագրի ընտրություն
website by Sargssyan