Ալեն Ղևոնդյան. «Վանեցյանի պաշտոնազրկումը միանշանակ ազդելու է վարչապետի հեղինակության վրա»
Նմանատիպ
ԵՐԵՎԱՆ, 16 ՍԵՊՏԵՄԲԵՐԻ, Facebook: Ա. Վանեցյանի հրաժարականի մասով մի քանի դիտարկում.
– Ա.Վանեցյանը ՀՀ կառավորությունում վարչապետից հետո հավանաբար հաջորդ ամենից բարձր հեղինակություն ու լեգիտիմություն ունեցող պաշտոնյան էր, և նրա պաշտոնազրկումը միանշանակ ազդելու է վարչապետի հեղինակության վրա:
– Ա.Վանեցյանի հրաժարականի տեքստի կոնկրետ հատվածներ ՀՀ հասարակության ամենտարբեր շերտերի, քաղ.կուսակցությունների և իշխող թիմի մի շարք ներկայացուցիչների համար բազմաթիվ հարցադրումների տեղիք են տալու, քանզի իրենց մեջ պարունակում են պետության կարևորագույն իրողությունների նկատմամբ նման խիստ քննադատական գնահատականներ:
– Ա.Վանեցյանը ՀՀ կառավարությունում մարդ էր, ով ի պաշտոնե բոլորի մասին ամեն ինչ գիտեր, ինչպես ներքին, այնպես էլ արտաքին օրակարգերի, առկա իշխանական կոնյուկտուրայի ու ուժային հարաբերակցությունների մասով, ուստի, եթե նա որոշի ֆուտբոլի ֆեդերացիայի պաշտոնը զուգահեռել, կամ դրանից հրաժարվել և մտնել քաղաքականություն, ապա շատ հետաքրքիր ու նոր որակի պրոցեսներ կսկսվեն:
Հ.Գ. Մտնում ենք քաղաքական տուրբուլենտության ակտիվ փուլ, որի աղբյուր են նաև ոչ քաղաքական գործոնները, հավանաբար արտաքին խաղացողները, և գործող իշխանությունը միշտ չէ, որ հնարավորություն կունենա անկայունության օջախներն անհրաժեշտ չափով կառավարելի դարձնել. ակնհայտ է, որ երկրի անվտանգային օրակարգ վրա այս ամենը ազդեցություն կունենա:
Դեռևս այսքանը
Հետևեք մեզ նաև Telegram-ում