AM | RU
USD
EUR
RUB

Ճիշտ կլինի՝ իշխանությունը հարգի ՍԴ-ի հեղինակությունը և ճնշում չգործադրի. Գ. Պետրոսյան

 

ԵՐԵՎԱՆ, 10 ՀՈԿՏԵՄԲԵՐԻ, Tert.am: Ազգային ժողովն արդեն ներկայացրել է Սահմանադրական դատարան, հիմք չեմ տեսնում, որ ՍԴ-ն դիմումը վարույթ չընդունի: Այս մասին Tert.am-ի հետ զրույցում ասաց ԱԺ ԲՀԿ խմբակցության պատգամավոր Գևորգ Պետրոսյանը՝ անդրադառնալով հարցին՝ արդյոք ՍԴ-ն հիմք ունի վարույթ չընդունել ԱԺ-ի՝ ՍԴ նախագահ Հրայր Թովմասյանի լիազորությունների դադարեցնելու մասին դիմումը:

Ըստ Գևորգ Պետրոսյանի՝ Սահմանադրական դատարանի՝ գործը վարույթ չընդունելու հիմքերը սպառիչ սահմանված են օրենքով: Նա վստահություն հայտնեց, որ ՍԴ-ն կղեկավարվի օրենքով:

Հարցին՝ իշխանությունը չի՞ ճնշի ՍԴ դատավորներին անցանկալի որոշում կայացնելու դեպքում, նա պատասխանեց. «Եթե Սահմանադրական դատարանը գործն ընդունի վարույթ և կայացնի որոշում, ապա ՍԴ մասին օրենքի համաձայն՝ ՍԴ որոշումները պարտադիր են բոլորի համար, այդ թվում նաև իշխանության համար: Եվ այն երկրում, որտեղ ՍԴ որոշումը չի ճանաչվում և չի կատարվում, այդ երկիրը պետք է հեռու մնա իրեն իրավական պետություն համարելուց»:

Նա նշեց, որ չի ցանկանում գուշակություններ անել, պետք է սպասել ու հարգել ՍԴ ինքնավարությունն ու հեղինակությունը: «Տեսնենք, թե ինչ որոշում է կայացնում. ինչ որոշում էլ կայացնի, Հայաստանի գործող օրենսդրության համաձայն՝ Սահմանադրական դատարանի որոշումները վերջնական են, ենթակա չեն բողոքարկման, ենթակա են պարտադիր կատարման: Բայց թե ինչ կանի իշխանությունը, ես չեմ ուզում գուշակությամբ զբաղվել, բայց ճիշտ կլինի, որ իշխանությունը հարգի իր երկրի բարձրագույն դատական ատյանի հեղինակությունը և որևէ ճնշում չգործադրի, սպասի, որ այդ դատարանն իր ներքին համոզմունքով կայացնի օբյեկտիվ, հիմնավորված և արդարացի որոշում»,- նշեց նա:

Հարցին էլ՝ հաշվի առնելով նախկին փորձը՝ դատարանների շրջափակում, դատավորներին վիրավորել, հիմա որքանո՞վ են պաշտպանված ՍԴ դատավորները, Գևորգ Պետրոսյանն արձագանքեց, որ առիթ ունեցել է գնահատական տալ այդ միջոցառումներին, հիմա էլ վերահաստատում է իր գնահատականը. «Որևէ մեկը, այդ թվում՝ երկրի վարչապետը, իրավունք չունի միջամտել դատական իշխանության գործունեությանը, և ես լիահույս եմ, որ այդ նույն սխալները չեն կրկնվի և թույլ կտան, որ ՍԴ-ն իսկապես գործի հանգամանքների լրիվ, բազմակողմանի և օբյեկտիվ քննարկման հիման վրա կայացնի օբյեկտիվ որոշում»:

Ըստ նրա՝ դատավորները պաշտպանված են այնքանով, որքանով ՀՀ Սահմանադրությունը և Սահմանադրական դատարանի մասին օրենքը արգելում են որևէ միջամտություն նրանց գործունեությանը: «Ավելին ասեմ՝ ՀՀ գործող քրեական օրենսգիրքը պատասխանատվություն է նախատեսում արդարադատությանը որևէ կերպ միջամտելու համար»,- նկատեց նա:

Անդրադառնալով ԱԺ նախագահ Արարատ Միրզոյանի այն հայտարարությունը, թե ավելի կհարգեր ԲՀԿ-ին, եթե նրանք դեմ քվեարկեին Հրայր Թովմասյանի լիազորությունները դադարեցնելու մասին ԱԺ-ի դիմումը ՍԴ ուղարկելուն, նա նշեց, որ Արարատ Միրզոյանը օգտվել է իր կարծիքը ազատ արտահայտելու Սահմանադրական իրավունքից, իրենք էլ իրենց դիրքորոշումն են արտահայտել և ասել են, որ չմասնակցելը չի նշանակում դիրքորոշում չունենալ: «Ասել ենք, որ, եթե մի գործընթացի իրավական հեռանկարը մեզ համար մշուշոտ է, մենք նպատակահարմարություն չենք տեսնում մտնել այդ գործընթացի մեջ: Չի կարելի, որ իրեն փորձառու համարող քաղաքական գործիչը մի ամբողջ հսկայական կուսակցության մասին դատողություն անի ընդամենը մեկ օրինագծի կապակցությամբ, մենք շատ օրինագծերում աջակցել ենք իրենց»,- շեշտեց նա:

Լրահոս
Թրամփը հայտարարել է, որ հիասթափված է Երևանի և Բաքվի միջև հրադադարի ռեժիմի խախտման պատճառով Այսօր ադրբեջանական կողմը կեղծ լուր տարածեց Բարդա շրջանի հրթիռակոծման վերաբերյալ. ՀՀ ԱԳՆ Վարչապետ Փաշինյանը հանդիպում է ունեցել Ամենայն Հայոց Կաթողիկոսի հետ Նիկոլ Փաշինյանը ուղերձով դիմում է հայ ժողովրդին. ՈՒՂԻՂ Սիրիացի գրոհայինը սաուդական հեռուստատեսությամբ պատմել է, թե ինչպես են իրենց հավաքագրել Ղարաբաղ ուղարկելու համար Կեսօրին հրետանի է կիրառվել Քաշաթաղի շրջանի Բերձոր քաղաքի վրա Փարիզի Հաղթական կամարի տարածքում պայթյունի վտանգի պատճառով տարհանում է իրականացվում Իրանը ԼՂ հակամարտության մշտական կարգավորման նախագիծ է մշակել. Զարիֆ Ադրբեջանական կասետային հրթիռի հարվածից Ննգի գյուղում վիրավորվել է երեք կին. Արցախի ՄԻՊ ԱՄՆ պետքարտուղարը հեռախոսազրույց է ունեցել Փաշինյանի և Ալիևի հետ ԱԺ-ն արտահերթ նիստ է գումարել. ՈՒՂԻՂ Հայաստանի տարածքից Բարդայի ուղղությամբ հրթիռային հարձակում չի եղել, կեղտոտ սադրանք է․ ՀՀ ՊՆ Լավրովն ու Չավուշօղլուն քննարկել են Լեռնային Ղարաբաղի հարցը Ֆրանսիայի ՆԳ նախարարը Թուրքիային արգելել է «միջամտել իր երկրի ներքին գործերին» Էրդողանը կոչ է արել քննարկել Կիպրոսում երկու պետությունների ստեղծման «իրատեսական առաջարկը» 18։30-ին Կառավարության առաջարկով ԱԺ արտահերթ նիստ կգումարվի France24-ը տեսանյութերի միջոցով ապացուցել է Սիրիայից վարձկանների ներգրավվածությունը ԼՂ հակամարտությանը (լուսանկարներ, տեսանյութ) Շատ մոտ ապագայում կարող ենք ականատես լինել Ռուսաստանի նոր նախաձեռնության. Կարեն Բեքարյան (տեսանյութ) Թեհրանի նախաձեռնությունը. Իրանի փոխարտգործնախարարը ԼՂ հարցով կայցելի Բաքու, Մոսկվա, Երևան և Անկարա Առուշ Առուշանյանը համտեղում է քաղաքապետի պաշտոնն ու գնդացրորդի ծառայությունը (տեսանյութ) Իրանը խստագույնս կպատժի թաքֆիր-ահաբեկիչներին իր սահմանների մոտ. ԻԻՀ բանակի հրամանատար ԲՀԿ և ԼՀԿ խմբակցությունները Փաշինյանին առաջարկել են հրատապ ԱԽ նիստ հրավիրել ԱԱԾ հակահետախուզության դեպարտամենտի պետն ազատվել է աշխատանքից «Բանակցություններին ցանկացած երկրի մասնակցության համար հարկավոր է Երևանի և Բաքվի համաձայնությունը»․ Պեսկով ՀՀ ՔԿ-ն հրապարակել է ռազմագերի Էմին Բախշալիևի հարցաքննության տեսանյութը Սիրիայում Թուրքիայի հովանավորյալ զինյալները լայնածավալ հարձակում են սկսել ի պատասխան ՌԴ օդատիեզերական ուժերի հուժկու հարվածների Ադրբեջանի կողմից քաղաքացիական բնակավայրերի թիրախավորման հետևանքով սպանվել է 39 խաղաղ բնակիչ․ Արցախի ՄԻՊ Ադրբեջանում թուրքական F-16 կործանիչներն այլ կայան են տեղափոխվել․ The Drive Ադրբեջանում պահվում է 17 հայ ռազմագերի Հակառակորդը շարունակել է կրակ վարել ՀՀ հարավային սահմանի ուղղությամբ․ կան վիրավորներ․ ՊՆ մամուլի խոսնակ Բացահայտվել են պետական դավաճանության, լրտեսության դեպքեր. ԱԱԾ տնօրենի տեղակալ Թուրքական լիրան շարունակում է ռեկորդային անկում գրանցել ՊԲ-ն հրապարակել է ևս 35 զոհի անուն Ադրբեջանցիները կարողացել են հասանելիություն ստանալ մարդկանց տանը, խանութում և այլ վայրերում տեղադրված տեսախցիկներին ՀՀ հարավային սահմանի ուղղությամբ հակառակորդի ձեռնարկած ոտնձգության հետևանքով զոհեր և վիրավորներ չկան. ՊՆ խոսնակ Հայ եկեղեցու աշխարհասփյուռ թեմերը հարյուր հազարավոր դոլարներ են նվիրաբերում հիմնադրամին Առավոտյան ադրբեջանական կողմը հրետակոծել է ՀՀ հարավային սահմանի դիրքերը Հայաստանում հաստատվել է կորոնավիրուսով վարակվելու 1600 դեպք ԱՄՆ-ի հայ երիտասարդները ԼՂ հակամարտության հարցում իրենց ձայնը լսելի դարձնելու համար հացադուլ են սկսել Թշնամին շարունակում է կրել մարդկային և զինտեխնիկայի կորուստներ․ ՊԲ-ն տեսանյութ է հրապարակել
Խմբագրի ընտրություն
website by Sargssyan