Արոնյանն առողջական խնդիրների պատճառով չի մասնակցի Երուսաղեմի Գրան Պրիին
30/11/2019 15:16
Նմանատիպ
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի շախմատի տղամարդկանց թիմի առաջատար Լևոն Արոնյանն առողջական խնդիրների պատճառով չի մասնակցի ՖԻԴԵ-ի Երուսաղեմի Գրան Պրիին:
«Արմենպրես»-ի հաղորդմամբ` այս մասին շախմատիստը գրել է Ֆեյսբուքի իր էջում: Արոնյանը առանձնացրել է, որ ՖԻԴԵ-ի նախագահի թույլտվությամբ և երկար քննարկումներից հետո ինքը որոշում է կայացրել չմասնակցել Երուսաղեմի Գրան Պրիին, քանի որ մրցաշարի օրերը համընկնում են քթի վիրահատությունից հետո առաջացած հերթական բուժման կուրսի հետ: Արոնյանը հույս է հայտնել, որ բուժման ավարտին նա կվերադառնա առավել ուժեղ:
ՖԻԴԵ-ի Գրան Պրիին նախատեսված է դեկտեմբերի 11-23-ը Երուսաղեմ քաղաքում: