Լոռին Անթալիայում առաջին ստուգողական խաղում հաղթել է ռումինական ակումբի

ԵՐԵՎԱՆ, 8 ՓԵՏՐՎԱՐԻ, ArmSport.am: Վանաձորի «Լոռին» այս օրերին ուսումնամարզական հավաք է անցկացնում Թուրքիայում։

Անթալիայում կայացած առաջին ստուգողական խաղում Դավիդ Կամպանյայի թիմը 3-1 հաշվով հաղթել է ռումինական «Վիտորուլ Պանդուրիի» ակումբին։

Լոռիի կազմում աչքի են ընկել Ջոնել Դեսիրեն եւ երկու նորեկները, որոնց մասին ակումբը հայտարարելու է շուտով։

Վանաձորյան թիմի գլխավոր մարզիչ Դավիդ Կամպանյան խաղաժամանակ է տվել տրամադրության տակ եղած բոլոր ֆուտբոլիստներին։