Նիկոլ Փաշինյանը նպատակ ունի ինձ մեկուսացնել հանրաքվեի քարոզարշավի ընթացքում. Նարեկ Սամսոնյան (տեսանյութ)

ԵՐԵՎԱՆ, 15 ՓԵՏՐՎԱՐԻ, Tert.am: Ես տեղյակ չեմ, թե որ գործում են ինձ որպես մեղադրյալ ներգրավել: Այս մասին այսօր լրագրողների հետ զրույցում ասաց «Քաղաքացիական գիտակցություն» ՀԿ նախագահ Նարեկ Սամսոնյանը, ով կանչվել է ՀՔԾ՝ հարցաքննության որպես մեղադրյալ:

Ըստ նրա, սրանով վերջնական ամբողջացավ իր դեմ իրականացվող քաղաքական հետապնդումը, քանի որ նախկինում քաղաքական հետապնդման փորձեր էին, իսկ սա արդեն քաղաքական հետապնդում է: Նա նաև նշեց, որ սա ուղղակի Նիկոլ Փաշինյանի ցուցումով տեղի ունեցող գործըթաց է:

Նարեկ Սամսոնյանը նշեց, որ այս ամենը անելով՝ Նիկոլ Փաշինյանը ունի երկու նպատակ: «Նվազագույն նպատակը` antifake.am-ի գործունեությունը խոչընդոտելն է, այսինքն ակնհայտ է մամուլի նկատմամբ ոտնձգությունը, և ով Նիկոլ Փաշինյանի ընտանիքի արած ճոխությունները կհրապարակի, այդ մարդը կհետապնդվի, իսկ առավելագույն նպատակը` ինձ մեկուսացնելն է հանրաքվեի քարոզարշավի ընթացքում»,– ասաց նա և նշեց, որ իրենց ունեցած տեղեկություններով՝ իշխանությունը սցենար է հրապարակել երկու ամսով կալանավորել իրեն:

Ես տեղյակ չեմ, թե որ գործում են ինձ որպես մեղադրյալ ներգրավել: Այս մասին այսօր լրագրողների հետ զրույցում ասաց «Քաղաքացիական գիտակցություն» ՀԿ նախագահ Նարեկ Սամսոնյանը, ով կանչվել է ՀՔԾ՝ հարցաքննության որպես մեղադրյալ:

Ըստ նրա, սրանով վերջնական ամբողջացավ իր դեմ իրականացվող քաղաքական հետապնդումը, քանի որ նախկինում քաղաքական հետապնդման փորձեր էին, իսկ սա արդեն քաղաքական հետապնդում է: Նա նաև նշեց, որ սա ուղղակի Նիկոլ Փաշինյանի ցուցումով տեղի ունեցող գործըթաց է:

Նարեկ Սամսոնյանը նշեց, որ այս ամենը անելով՝ Նիկոլ Փաշինյանը ունի երկու նպատակ: «Նվազագույն նպատակը` antifake.am-ի գործունեությունը խոչընդոտելն է, այսինքն ակնհայտ է մամուլի նկատմամբ ոտնձգությունը, և ով Նիկոլ Փաշինյանի ընտանիքի արած ճոխությունները կհրապարակի, այդ մարդը կհետապնդվի, իսկ առավելագույն նպատակը` ինձ մեկուսացնելն է հանրաքվեի քարոզարշավի ընթացքում»,- ասաց նա և նշեց, որ իրենց ունեցած տեղեկություններով՝ իշխանությունը սցենար է հրապարակել երկու ամսով կալանավորել իրեն:

«Վստահ եմ, որ երկու նպատակն էլ չի իրականալու, քանի որ ես պատրաստվում եմ հայտարարությամբ հանդես գալ և բոլոր այն մարդիկ, ովքեր կունենան անգամ չնչին տեղեկատվություն, պատրաստ ենք հրապարակել»,-ասաց նա:

Նարեկ Սամսոնյանը հիշեցրեց, որ նախորդ անգամ ՀՔԾ իրեն կանչել էին իր գրառման հետ կապված, որի հիմքով հարուցել էին քրեական գործ և քննիչն իր խորին համոզմամբ հակաիրավական ձևով խմբագրել էր իր ցուցմունքը, և սպառնացել, որ իրեն դատելու է:

«Հիմա այդ նույն քննիչի մոտ է այս գործը, որտեղ ես մեղադրյալ եմ, այսինքն քննիչը կատարում է իր խոստումը, սպառնալիքն իրականություն է դարձնում: Իմ կարծիքով՝ չկա Հայաստանում գեթ մեկ մարդ, ով կասկածի այս գործի քաղաքական հրահանգը, քաղաքական հետապնդում լինելուն»,- ասաց նա և նշեց, որ ինքը հրաժարվելու է որևէ ցուցմունք տալուց:

Հիշեցնենք, որ Սամսոնյանը որոշ ժամանակ առաջ ֆեյսբուքյան իր էջում գրառում էր կատարել այն մասին, որ վարչապետի ընտանիքն ամեն ամիս ռեստորաններից մեկից գնում է 5000 դոլար արժողությամբ սև խավիար։ Սամսոնյանը, ըստ ՀՔԾ ծանուցագրի, մեղադրվում է սուտ մատնություն կատարելու համար: