Այս իշխանությունների համար արտակարգ դրությունն ընդդիմադիրների միջոցառումները խոչընդոտելու համար է. Նարեկ Սամսոնյան
Նմանատիպ
ԵՐԵՎԱՆ, 12 ՀՈՒՆԻՍԻ, Tert.am: «Քաղաքացիական գիտակցություն» ՀԿ ղեկավար Նարեկ Սամսոնյանին ոստիկանությունից ազատ արձակեցին, նրա լրագրողների հետ զրույցում նշեց, որ իրեն բերման ենթարկելու որևէ պատճառ չի եղել.
«Ինձ ու Արսեն Բաբայանին ազատ արձակեցին ետևի մուտքից: Բերման ենթարկելու որևէ հիմնավոր պատճառ չկա:
Ըստ էության հերթական անգամ ապացուցվում է, որ այս իշխանությունների համար արտակարգ դրությունը ընդամենը ընդդիմադիրների միջոցառումները խոչընդոտելու համար է: Մենք հավաք չէինք անում, բայց մեզ բերման ենթարկեցին:
Նիկոլ Փաշինյանը ելույթ էր ունենում և նրա հետ համաձայնացնելուց հետո նոր մեզ բերման ենթարկեցին: Մենք ոչ մի կոչեր չենք հնչեցրել և հիմա էլ չենք հնչեցնում: Մենք մի մարդու քմահաճույքների և բռնապետոթյան տակ ենք և կոչ անելու կարիք չկա ընդամենը պետք է լինել ընդդիմություն այս իշխանությանը և վերջ»,– նշեց նա:
Հետևեք մեզ նաև Telegram-ում