Տիկին Սամսոնյան, ես ոչ մեկին չեմ պատրաստվում խեղդել, Աստծո սիրուն. Արարատ Միրզոյան
Նմանատիպ
ԵՐԵՎԱՆ, 16 ՍԵՊՏԵՄԲԵՐԻ, Panorama.am: ԱԺ այսօրվա նիստի մեկնարկին օրինագծերի քվերակության ժամանակ «Լուսավոր Հայաստան» խմբակցության պատգամավոր Անի Սամսոնյանը վարման կարգով ելույթ ունենալով՝ ԱԺ նախագահ Արարատ Միրզոյանին հիշեցրեց, որ նա լինելով «Ելք» խմբակցության պատգամավոր 2017-18 թվականներին ԱԺ է բերել հրավառ նյութեր և իրականացրել ակցիա, ապա խնդրեց բացատրել, թե ինչո՞վ կարող է խանգարել իր պաստառը, որը չեն թույլատրում այդ պահին մտցնել նիստերի դահլիճ:
Պատգամավորը նկատեց, որ պաստառը ոչ հրավառ նյութ է, ոչ ծակող գործիք, ոչ էլ որևէ մեկին կարող է վնասել, և հարցրեց, թե ինչու չի կարող այն մտցնել ԱԺ դահլիճ, որպեսզի իր մոտ փակցնի: Անի Սամսոյանը ԱԺ նախագահին խնդրեց հրահանգել աշխատակազմին, որպեսզի թույլ տան այդ պաստառը մտցնի դահլիճ:
«Հակառակ դեպքում ինձ մոտ տպավորություն է ստեղծվում, որ դուք փորձում եք այստեղ բոլոր ձևերով խեղդեք մեր բոլոր ակցիաները»,- հայտարարեց Անի Սամսոյանը:
«Հարգելի տիկին Սամսոնյան, ես ոչ մեկին չեմ պատրաստվում խեղդել, Աստծու սիրուն: Ի՞նչ ակցիա ուզում եք արեք, ես չգիտեմ ինչի մասին է խոսքը: Ինչ վերաբերում է իմ՝ հրավառ նյութեր ներս բերելուն, անկեղծ ասած, մենք հեղափոխություն էինք անում և այդպես ստացվեց»,- պատասխանեց Արարատ Միրզոյանը։
Հետևեք մեզ նաև Telegram-ում