AM | RU
USD
EUR
RUB

Անդրանիկ Մակարյանից բացի որպես մեղադրյալ է ներգրավվել նաև զորամասի հրամանատարը

 

Արցախյան պատերազմում անհետ կորած Էջմիածնի N քիմիական զորամասի զինծառայողների հարազատները պահանջում են քրեական պատասխանատվության ենթարկել ՀՀ ԶՈւ պատրաստության գլխավոր վարչության պետ-զինված ուժերի գլխավոր շտաբի պետի տեղակալ Անդրանիկ Մակարյանին, սակայն մտահոգված են շրջանառվող լուրերով առ այն, որ նրան հնարավոր է նշանակեն ՀՀ ԶՈՒ ԳՇ պետի պաշտոնում։

Անհետ կորած զինծառայողներից մեկի մայրը, որը խնդրեց չհրապարակել իր անունը, «Փաստինֆո»-ի հետ զրույցում ասաց, որ իրենց զավակների մահվան պատասխանատուն Անդրանիկ Մակարյանն է, սակայն, չգիտես ինչու, կարծես թե վերջինս նշանակվելու է ԳՇ պետի պաշտոնում։

«Մարդ չի հասկանում՝ ինչպես է լինում։ Մարդը վրիպումով տանում և զոհաբերում է երեխաներին, բայց նշանակվում է ԳՇ պետի պաշտոնում։ Կապ չունի, թե իրեն ինչ պաշտոն կտան, մենք մինչև վերջ գնալու ենք, հարկ եղած դեպքում ՝ մտնելու ենք իրենց ընտանիքներ, ոչ ոք չի մարսելու։ Այդ խայծը պետք է իրենց կոկորդում մնա՝ մինչև մենք հանենք»,- ասաց նա։

Ինչպես արդեն տեղեկացրել ենք՝ ՀՀ ՔԿ ԶՔԳՎ-ում քննվող քրեական գործի շրջանակներում ՀՀ ԶՈւ պատրաստության գլխավոր վարչության պետ-զինված ուժերի գլխավոր շտաբի պետի տեղակալ Անդրանիկ Մակարյանին որպես մեղադրյալ ներգրավելու մասին որոշում է կայացվել։ Քննչական կոմիտեն չի մանրամասնում, թե ինչ հոդվածի հատկանիշներով է մեղադրանք առաջադրվել, սակայն այն առնչվում է Արցախյան երրորդ՝ 44-օրյա պատերազմին։ Նշենք, որ Անդրանիկ Մակարյանին քրեական պատասխանատվության ենթարկելու հարցը բարձրաձայնվել է ամիսներ շարունակ՝ պատերազմում անհետ կորած Էջմիածնի զորամասի զինծառայողների ծնողների կողմից, որոնք հայտարարում էին, որ իրենց որդիները զոհվել կամ անհետ կորել են Անդրանիկ Մակարյանի անփութության հետևանքով։ Նկատենք, որ Անդրանիկ Մակարյանն այն չորս զինվորականներից մեկն է, որը չի միացել ՀՀ ԶՈՒ ԳՇ պետ Օնիկ Գասպարյանի և մյուս զինվորականների հայտարարությանը՝ Նիկոլ Փաշինյանի հրաժարականի պահանջով։ Ավելին, Մակարյանի անունը շոշափվում է նաև ԳՇ պետի պաշտոնի համար հավանական թեկնածուների ցանկում։

Անհետ կորած զինվորներից մեկի մայրը «Փաստինֆո»-ի հետ զրույցում ասաց, որ ինքը հարցաքննվել է սույն գործով՝ տուժողի իրավահաջորդի կարգավիճակով, մանրամասն ներկայացրել է ապացույցները և հայտնել այն անձանց անունները, որոնք կարող են տեղեկություն և փաստեր ունենալ։ Ինչ վերաբերում է քրեական գործով որպես մեղադրյալ ներգրավված անձանց, ապա մեր զրուցակցի փոխանցմամբ՝ Անդրանիկ Մակարյանից բացի որպես մեղադրյալ է ներգրավվել նաև զորամասի հրամանատարը՝ Արսեն Աբգարյանը։

«Մինչև մեր փաստերն ամբողջությամբ չլինեն պատկան մարմինների ձեռքում, կարծում եմ, իրենք չեն հարցաքննվի»,- ասաց նա՝ հավելելով, որ ունի ձայնագրություններ, որում արձանագրված է, թե ինչպես է Մակարյանն ասում, որ վրիպում է տեղի ունեցել, որը ևս կցվել է գործին։

Ծնողը հույս հայտնեց, որ նախաքննական մարմինն օբյեկտիվ քննություն կիրականացնի՝ առանց կաշկանդվելու։

«Ես իրենց հարցրել եմ՝ տվյալ կարգավիճակը կարո՞ղ է խանգարել, որ մարդիկ քրեական պատասխանատվության չենթարկվեն, ինձ ասացին՝ ոչ, բոլորը պետք է պատասխանատվության ենթարկվեն։ Ես էլ ասում եմ, որ եթե նրանք օրենքով պատասխանատվության չենթարկվեն, իրենց պատիժը մենք կտեսնենք»,- ասաց նա։

Հարցին՝ արդյո՞ք հնարավոր է, որ Մակարյանը գործարքի է գնացել իշխանությունների հետ՝ չմիանալով ԳՇ հայտարարությանը, փոխարենը՝ հետագայում խուսափի պատասխանատվությունից, մեր զրուցակիցը նշեց. «Մենք թողել ենք ներկայիս իշխանությունների վրա՝ տեսնենք ինչքանով են իրենք ճիշտ աշխատում, իսկ եթե ճիշտ չաշխատեն, մենք իրենց դատը կտեսնեք։ Ես ինքս էլ ասել եմ, որ, եթե դուք համապատասխան պատիժ չկիրառեք, ուրեմն մենք՝ ծնողներով, իրենց դատավճիռը կտեսնենք»։

Անհետ կորած զինծառայողի մայրը մտահոգություններ ունի նաև կապված ԴՆԹ փորձաքննությունների հետ։ Մասնավորապես, ինչպես արդեն հայտնել ենք, Զանգելանի հատվածում 2020թ դեկտեմբեր ամսին կատարված որոնողական աշխատանքների արդյունքում հայտնաբերվել են զինծառայողների մարմիններ՝ այրված վիճակում, որոնք թաքցված են եղել հողի տակ։ Մարմինները ենթարկվել են ԴՆԹ փորձաքննության, որոնց եզրակացությունն արդեն պատրաստ է, սակայն հենց այդ եզրակացությունն էլ նոր մտահոգությունների առիթ է դարձել։

«Մարտական գործողությունները եղել են Զանգելանի տարածքում, բերվել է Զանգելանի մասունքները, բայց, չգիտես ինչպես ինչ-որ մի անհետ կորածի ոտքի նույնականացում լինում է Զանգելանից, մյուս ոտքը՝ Ջաբրայիլից։ Այսինքն՝ 150 կմ հեռավորության վրա այդ մարդու ոտքերը գնացել է մեկը մի կողմ, մյուսը՝ մեկ։ Ահա այդպիսի նույնականացումներ են անում։ Մենք այդ կոդերն ունենք մեր ձեռքի տակ, հիմա դեռևս չենք ասի, թե որ կոդի մասին է խոսքը, որ իրենք չվերանայեն և «չտեղավորեն», սպասում ենք, որ այդ մասունքները տան, հետո ինչ պետք է՝ կանենք»,- հայտնեց անհետ կորած զինվորի մայրը։

Հիշեցնենք, որ տեւական ժամանակ Էջմիածնում բողոքի ակցիա էին իրականացնում քիմիական զորամասի՝ անհետ կորած համարվող զինծառայողների հարազատները. Նրանց տարել էին Զանգելանի ուղղությամբ, որից հետո հարազատները որեւէ տեղեկություն չեն ունեցել իրենց զավակների մասին։

Լրահոս
Դատապարտում ենք լրագրողներին և նրանց ընտանիքների անդամներին թիրախավորելու բոլոր փորձերը. ժուռնալիստների միություն Հայաստանից ասել են, որ դեմ չեն Ադրբեջանի մասնակցությանը. Խոսակցությունները հաստատվեցին Սերժ Սարգսյանի գրասենյակի հայտարարությունը Մայր Աթոռ Սուրբ Էջմիածինը դատապարտում է Նիկոլ Փաշինյանն ասել է, թե երբ է հրաժարական տալու Հրդեհ՝ Հյուսիսային պողոտայում. դեպքի վայր է մեկնել 4 մարտական հաշվարկ. ՏԵՍԱՆՅՈՒԹ Զզվում եմ ձեր տեսակից. Գայանե Ասլամազյան Ռուսաստանից կորոնավիրուսի դեմ 1 մլն դոզա պատվաստանյութ ձեռք բերելու պայմանավորվածություն կա. Նախարար Ադրբեջանը հայկական կողմին է փոխանցել ևս մեկ հայ զինծառայողի աճյուն Հեսա ընտրությունները կլինի, կշպրտեք փողոց. Հովիկ Աղազարյանը՝ իրենց իշխանության մասին. ՏԵՍԱՆՅՈՒԹ Ամերիաբանկը շուկայում տեղաբաշխում է 20 մլն դոլար և 5 մլրդ դրամ ծավալով պարտատոմսերի հերթական թողարկումները Հետաքրքիր է` կա՞ բանաստեղծություն, որը կբացատրեր պատերազմի ավարտից 7 ամիս անց զոհերի թվի գաղտնի պահելը. Միքայել Մինասյան Լևոն Տեր-Պետրոսյանը պատասխանեց Նիկոլ Փաշինյանի աղմկահարույց հայտարարությանը Նիկոլ Փաշինյանը հրապարակեց զոհերի պաշտոնական թիվը Դավաճանին ծափահարելով՝ դուք բարոյապես գոյություն չունեք այլևս. Վահե Սարգսյանի բաց նամակը՝ Շիրակ Թորոսյանին ՏԵՍԱՆՅՈՒԹ. Նորանշանակ նախարարը պատրաստվո՞ւմ է կադրային «ջարդ» իրականացնել. մանրամասնում է Հայկ Չոբանյանը Նիկոլ Փաշինյանը նոր նշանակումներ է արել Բարոյազուրկ ստախոսներից այլ բան չէր կարելի սպասել. Օնիկ Գասպարյանն արձագանքում է Փաշինյանին.Armlur «Այդպես էր պետք»․ Արփի Դավոյանը՝ ԱԺ-ում իշխանական պատգամավորների՝ Նիկոլ Փաշինյանի ելույթից հետո հոտնկայս ծափահարելու մասին Փաշինյանը հոգեկան հիվանդ է և ստախոս․ թող քրեական գործ հարուցի. Մովսես Հակոբյան. 24news.am Գերության մեջ գտնվող զինծառայողների հարազատները շարունակում են փակ պահել Շիրակի մարզպետարանի շենքը ՏԵՍԱՆՅՈՒԹ. Ինչ է պահանջել Ալիևը հոկտեմբերի 19-ից հետո. Նիկոլ Փաշինյանի նոր բացահայտումները Ալիևի պնդումները, որ ԼՂ խնդիրն արդեն լուծվել է, համանախագահների կողմից հերքվում է «Օնիկ Գասպարյանը չի ասել, որ պետք է կանգնեցնել պատերազմը». Նիկոլ Փաշինյան Հերիք ա Սյունիքի հարցը շահարկեք, սյունեցին խնդիր չունի, միշտ ապրել է թուրքի հետ. իմքայլական պատգամավոր. Hraparak.am ԵԱՀԿ Մինսկի խմբի համանախագահները հայտարարություն են տարածել Իշխանությունը մտադիր է ազատվել Հայկ Մարությանից. «Իրավունք» Բարձրաստիճան զինվորականներին սպառնում են քրգործերով. «Ժողովուրդ» Որքան ժամանակ ԿԲ-ն կկարողանա զսպել դրամի արժեզրկումը. «Հրապարակ» Փաշինյան-Միրզոյան-Ավինյան եռյակը ակտիվացել է. «Հրապարակ» Փաշինյանն առանձին-առանձին հանդիպումներ է ունենում իմքայլականների հետ. «Ժողովուրդ» Երբևէ Արցախի հարցը ռազմական ճանապարհով չի լուծվել և չի լուծվելու․ Վիտալի Բալասանյան. «Իրավունք» «Ռումբ». Լիա Զախարյանի նոր ֆոտոշարքը Ադրբեջանի նախագահի ելույթները ֆաշիզմի ու ցեղասպան քաղաքականության ապացույց են. ՄԻՊ Ալեքը ծառայակիցների հետ զրույցում միշտ ասում էր՝ «Մեռնելուց չեմ վախենում, վախենում եմ, որ մեր էսքան արածը ջուրը կքցեն, որ մեզ մի բան լինի» Արամ Ա–ն արձագանքել է Միքայել Մինասյանի հայտարարությանը Խորհրդարանական ընդդիմությանը հետաքրքիր է մի բան՝ նիկոլական վերարտադրություն. Միքայել Մինասյան Ի վերջո, սա պետություն է, ոչ թե ինչ-որ մեկի հոր դուքանը, որ ում գլխին ինչ փչի՝ անի․ Արշավիր Ղարամյան ՏԵՍԱՆՅՈՒԹ․ Մահվանից մեկ ամիս առաջ Արման Նավասարդյանին Փաշինյանն էր հրավիրել և վերադարձավ շատ նյարդային վիճակում․ Հոխիկյան «Կանանց ոստիկանները գցել են ոտքերի տակ, մենք ենք հանել ոտքերի տակից». իրավիճակը Գյումրիում շարունակում է լարված մնալ. Galatv.am
Խմբագրի ընտրություն
website by Sargssyan