AM | RU
USD
EUR
RUB

Պետք է փրկել այն, ինչը դեռ հնարավոր է փրկել

 

Լինում են իրավիճակներ, երբ թվում է՝ ամեն ինչ արդեն կործանված է և ավելի վատ այլևս չի կարող լինել։ Հայաստանն այսօր, կարծես, նման դրության մեջ է։ Չկա անվտանգություն, չկա ներքին և արտաքին քաղաքականություն, չկա տնտեսություն, չկա այդ ամենի համար կոնկրետ մարդկանց պատասխանատվության կանչելու հնարավորություն և չկա ներքին միասնություն։ Փոխարենը կան ավերածություններ, տարածքային կորուստներ, հազարավոր զոհեր և այս ամենի հանդեպ համատարած անտարբերություն։

Հարց է առաջանում՝ էլ ի՞նչ պետք է լինի, որ ավելի վատ լինի։ Ուժեղ երկրաշա՞րժ, նոր պատերա՞զմ, կոտորածնե՞ր… Գիտե՞ք ինչու եմ հարցն այսպես դնում։ Որովհետև ինձ մոտ արդեն վաղուց ձևավորված տպավորություն կա, թե մեր ժողովուրդը և հատկապես նրա ակտիվ հատվածը, հենց նման մի բանի է սպասում։ Բոլորն այնպիսի տրամաբանությամբ են գործում, կարծես Հայաստանում ամեն ինչ արդեն կործանված է ու ոչինչ այլևս հնարավոր չէ փրկել։ Այո, բոլորը՝ թե՛ իշխանությունները, թե՛ ընդդիմությունը, թե՛ ստեղծված իրավիճակով մտահոգ շրջանակները և թե՛ լայն զանգվածները։ Բացառություններ իհարկե կան, բայց նրանք վճռական ազդեցություն ընդհանուր տրամադրությունների վրա դեռևս չունեն։

Բայց արդյո՞ք ամեն ինչ հենց այդպես է։ Իմ խորին համոզմամբ՝ ոչ։ Բարեբախտաբար, Հայաստանում դեռ ամեն ինչ չէ կործանված։ Մենք ունենք բանակ, եկեղեցի, պետական ինստիտուտներ, արժեքներ և այլն, և այլն։ Այո, ծանր վիրավոր, բայց ունենք։ Եվ մեր խնդիրն այդ ամենը բուժել ու վերականգնելն է։ Ճիշտ այնպես, ինչպես բժիշկները պայքարում են առաջին հայացքից անհույս հիվանդ թվացող մարդկանց կյանքի համար, այդպես էլ և մենք պետք է կռիվ տանք մեր պետության ու հայրենիքի ապագայի համար։ Չհիասթափվենք, չհոգնենք, չկասկածենք… Այլ հետևողականորեն աշխատենք։

Թվում է՝ պարզ բան եմ ասում։ Ինքնին ենթադրվող։ Բայց եկեք անկեղծ լինենք. այս ամենի մասին ես այսօր չէի խոսի, եթե վերոնշյալ տպավորությունս օր օրի համոզմունքի չվերածվեր։ Պարզ օրինակ բերեմ՝ Հայոց Բանակի մասին վերջին օրերի հանրային դիսկուրսը։ Թերթում եմ լրատվականների էջերը, այնպիսի մտքեր եմ հանդիպում՝ այն էլ այնպիսի մարդկանց կողմից արտահայտված, որ պարզապես ապշում եմ։ Ես, իհարկե, հասկանում եմ, որ հետպատերազմյան քաղաքական զարգացումներում մեր հանրությունը որոշակի ակնկալիքներ ունի զինված ուժերից, մասնավորապես շատերը սպասում են, որ բանակի հրամանատարությունը կձերբակալի դավաճան Նիկոլին և իշխանությունը հայրենասեր ու պետականամետ ուժերին կհանձնի, բայց ամեն դեպքում եկեք երկու կարևոր բան չմոռանանք։ Նախ այն, որ զինված ուժերը միանգամայն այլ առաքելություն ու պարտականություններ ունեն և երկրորդ, որ անգամ այդ իրողություններում բանակը հանրությանը դավաճանին պաշտոնանկ անելու իրական հնարավորություն տվեց, որից մենք բոլորս միասին չօգտվեցինք։

Բայց եկեք դեռ մի կողմ դնենք բանակի ու քաղաքական զարգացումների մասին մտքերը։ Խոսքս այլ բանի մասին էր։ Այն, որ բանակից անհարկի հիասթափված մեր շատ հայրենակիցներ սկսել են այնպես խոսել ՀՀ ԶՈՒ մասին, կարծես այլևս վերջ՝ մենք էլ բանակ չունենք ու պետք էլ չի ունենանք։ Սա ի՞նչ մոտեցում է։ Զգում եք, չէ՞, պարադոքսը՝ բանակը քննադատվում է ոչ թե պատերազմում կրած պարտության, այլ զինված հեղաշրջում չանելու համար։ Այն էլ ինչպես է քննադատվում… Արհամարհանքի ու վիրավորանքների պակաս չկա։ Խոսում են առանց ամոթի ու ապագայի մասին մտածելու։

Շատ անկեղծ եմ ասում՝ ես հասկանում եմ, որ ամեն ինչ քանդած իշխանություններն իրենց չեն սահմանափակում երկրում նոր ավերածություններ անելու հարցում, բայց դա անթույլատրելի մոտեցում է մնացած բոլորի համար։ Իհարկե, չեմ ասում, որ օրինակ նույն բանակին հանրությունը հարցեր չպետք է տա։ Ես ինքս բազում հարցեր ունեմ և՛ մեր բանակին, և՛ եկեղեցուն, և՛ առանձին վերցրած բազում գործիչների։ Վստահ եմ կհամաձայնեք, որ նման քննարկումները միայն օգտակար կարող են լինել մեր պետությանը։ Բայց գծեր կան, որ պետք չէ հատել։ Անթույլատրելի է։

Ավելին ասեմ՝ ես ամենևին դեմ չեմ լինի, եթե որոշ հարցերի շուրջ հանրությունն ինքն իր առջև տաբուներ դնի։ Հասկանում եմ, որ ժամանակակից իրողություններում այդ առաջարկը կարող է առնվազն անհասկանալի մնալ մարդկանց մեծամասնության համար, բայց նաև վստահ եմ, որ ավելի խորը մտածելու պարագայում նրանք կհասկանան ինձ։ Խնդիրն այն է, որ մենք այնքան ռեսուրս չունենք, որպեսզի այդքան հեշտ հրաժարվենք թեկուզ և մեկ-երկու անգամ սխալված մարդկանցից կամ ինստիտուտներից։ Ինչը հնարավոր է փրկել պետք է փրկել։ Հավատացեք՝ այլ տարբերակ չունենք։ Միայն այդպես հնարավոր կլինի կրկին ուժեղացնել մեր պետությունն ու վերականգնել կորցրածը։

Հրանտ ՄԵԼԻՔ-ՇԱՀՆԱԶԱՐՅԱՆ

Լրահոս
Իշխան Սաղաթելյանը Եվրախորհրդարանում ներկայացրել է «Դիմադրության» շարժման նպատակներն ու առաջիկա ծրագրերը Հրդեհ` Աբովյան փողոցում Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ տարադրամի փոխանակման կետերում ՀՀ սուվերեն տարածքից հայ զինվոր է առևանգվում. Աննա Գրիգորյան ՊՆ-ն հաստատում է՝ հակառակորդը կրակ է բացել Խաչիկի ուղղությամբ, պատասխան կրակից հետո լռեցվել է Հակառակորդը մոտ 10 րոպե ինտենսիվությամբ կրակ է բացել Խաչիկ գյուղի ուղղությամբ Կրակոցներ՝ Գեղարքունիքի մարզում․ հայտնաբերվել է «Կալաշնիկով»-ի 25-ից ավելի պարկուճ Զոհվածի հորը ծեծողին էլ պարգեւատրեց. «Հրապարակ» Որ ճանապարհներն են կապելու Թուրքիան Ադրբեջանին․ «Հրապարակ» Դատախազի տեղակալները դիմումներ կգրեն. կմնա միայն մեկը. «Ժողովուրդ» Երևանի և 7 մարզերի որոշ հասցեներում մի քանի ժամ լույս չի լինի Պաշտպանության մասին աղմկահարույց օրենքն արտահերթ նիստով արագ կընդունվի. «Հրապարակ» Իշխան Սաղաթելյանը մեկնել է Եվրոպա. նա բարձր մակարդակի 10-ից ավելի հանդիպում է ունենալու «Հրապարակ» «Ի պաշտպանություն ՀՀ Սահմանադրության»․ այսօր, ժամը 11։00-ին երթ է լինելու Հայաստանը նշում է Սահմանադրության օրը Մի շարք համայնքներում կդադարեցվի ջրամատակարարումը Հայաստանում երկրաշարժ է տեղի ունեցել Ինչպիսի եղանակ է սպասվում Հայաստանում Դոլարի, եվրոյի և ռուբլու փոխարժեքը՝ հայաստանյան բանկերում Ահազանգեր են ստացվել, որ Ռուսաստանի և Չինաստանի դեսպանատներում ռումբեր են տեղադրված ԱԱԾ բացահայտած «դավաճանական գործակալական ցանցի» 2-րդ կալանավորված զինծառայողն է ազատ արձակվել «3+3» ձևաչափով հաջորդ հանդիպումը տեղի կունենա Իրանում․ Բայրամով Կոտայքի մարզում 8-ամյա տղան պատահական կրակոցից մարմնական վնասվածք է ստացել Իշխանությունը չունի սոցիալական հենարան, բայց սա մեխանիկորեն չի ենթադրում ընդդիմության հաջողություն Գեղարքունիքում 44-ամյա վարորդը վրաերթի է ենթարկել հորեղբոր 13-ամյա թոռանը. վերջինս մահացել է ՈւՂԻՂ. Ակցիա Բաղրամյան-Դեմիրճյան խաչմերուկում Որոշել եմ վայր դնել պատգամավորի մանդատս․ Արթուր Ղազինյան Արցախի լինել-չլինելու հարցն է դրված, կառուցվող նոր ճանապարհը շատ մեծ վտանգներ է պարունակում Բրիտանական զինված ուժերը թուլացել են Ուկրաինային զենք մատակարարելու պատճառով Զոհվածների մեջ որդուն փնտրող հայրը նրան ողջ է գտել Երևանում 50 Cent-ին մատանի են նվիրել, ինչ է խորհրդանշում այն Կիևը բալիստիկ հրթիռներով հարվածել է ՌԴ Բելգորոդի և Կուրսկի բնակելի թաղամասերին Երբ կվճարվի հուլիս ամսվա կենսաթոշակը Դոլարի, եվրոյի և ռուբլու փոխարժեքը՝ տարադրամի փոխանակման կետերում Ինչպիսի եղանակ է սպասվում Հայաստանում Նիկոլի իշխանության կողմից հալածվելը պատիվ է. Իշխան Սաղաթելյան Հուլիսի 4-ին Երևանի և 7 մարզերի որոշ հասցեներում մի քանի ժամ լույս չի լինի Ինչպիսի եղանակ է սպասվում Հայաստանում Իրանում 9 բալ ուժգնությամբ երկրաշարժ է եղել․ կան զոհեր
Խմբագրի ընտրություն
website by Sargssyan