ԱԺ արտահերթ ընտրությունների արդյունքներն անվավեր ճանաչելու գործով դատաքննությունը կշարունակվի հուլիսի 10-ին
![ԱԺ արտահերթ ընտրությունների արդյունքներն անվավեր ճանաչելու գործով դատաքննությունը կշարունակվի հուլիսի 10-ին](https://times.am/v3/wp-content/uploads/2021/07/044320969804f833eff653b2aec71134.jpg)
Նմանատիպ
Սահմանադրական դատարանում հունիսի 20-ին կայացած արտահերթ խորհրդարանական ընտրությունների արդյունքներն անվավեր ճանաչելու միավորված գործով դատաքննությունը կշարունակվի հուլիսի 10-ին ժամը 10:00-ին:
«Հայաստան» դաշինքի ներկայացուցիչ Արամ Վարդևանյան վաղը կշարունակի ներկայացնել իրենց դիմումը:
Դատավոր Վահե Գրիգորյանը, դիմելով Արամ Վարդևանյանին ասաց, որ գործով որոշման կայացման ժամկետը լրանում է ութ օրից, խնդրեց վաղը գործը ներկայացնել հնարավորինս սեղմ ժամկետում:
Հիշեցնենք, որ ընտրությունների արդյունքներն անվավեր ճանաչելու «Հայաստան» դաշինքի, «Զարթոնք» ազգային քրիստոնեական կուսակցության, «Հայոց Հայրենիք» կուսակցության և «Պատիվ ունեմ» կուսակցությունների դաշինքի դիմումներով գործերը ՍԴ-ում միավորել են ու քննում են նույն նիստում։ ՍԴ-ից հայտնել էին, որ միավորման համար հաշվի է առնվել, որ ՀՀ Կենտրոնական ընտրական հանձնաժողովի 2021 թվականի հունիսի 27-ի` «Հայաստանի Հանրապետության Ազգային ժողովի 2021 թվականի հունիսի 20-ի արտահերթ ընտրությունների արդյունքներն ամփոփելու մասին» թիվ 184-Ա որոշման հետ կապված վեճի վերաբերյալ» գործերը վերաբերում են նույն հարցին։
Այս գործով դատաքննությունը սկսվել է հուլիսի 9-ին ժամը 11:00-ից:
Հետևեք մեզ նաև Telegram-ում