Տիգրան Մուկուչյանին ԿԸՀ նախագահի պաշտոնում կարող է փոխարինել «ՀԺ» նախկին լրագրող Վահագն Հովակիմյանը

Տիգրան Մուկուչյանին ԿԸՀ նախագահի պաշտոնում կարող է փոխարինել «ՀԺ» նախկին լրագրող Վահագն Հովակիմյանը

ԵՐԵՎԱՆ, ՀՈՒՆԻՍԻ 27, Times․am: Այս տարի, հոկտեմբերի 6-ին, լրանում է ԿԸՀ նախագահ Տիգրան Մուկուչկանի պաշտոնավարման ժամկետը և իշխանությունն արդեն ունի այդ պաշտոնն զբաղեցնողի թեկնածուին: Այս մասին Տելեգրամում գրել է «Հայրենիք» կուսակցության խորհրդի անդամ Արսեն Բաբայանը

Իմ հավաստի աղբյուրներից ստացած շատ հաստատակամ տեղեկության համաձայն քննարկվել է երկու թեկնածություն՝ Հելսինկյան քաղաքացիական ասամբլեայի Վանաձորի գրասենյակի (ղեկավարը՝ Սաքունց) Ժողովրդավարական ինստիտուտների մոնիթորինգի և զեկուցման բաժնի համակարգող Վարդինե Գրիգորյանի և ՀՀ ԱԺ ՔՊ պատգամավոր, գործող իշխանության ամենասահմանադրատգետ Վահագն Հովակիմյանի թեկնածությունները:

Սահմանադրությունը լավագույնս քայքայելու, ՏԻՄ օրենքը հրաշալի պղծելու և բազմաթիվ այլ հակապետական նախաձեռնությունները կատարյալ հաջողելու կապակցությամբ ընտրվել է հենց Վահագն Հովակիմյանը:

Այսպիսով, հոկտեմբերին ԿԸՀ նոր նախագահ կհռչակվի Վահագն Հովակիմյանը:

Հետևեք մեզ նաև Telegram-ում