«Happy Artsakh»-ը 18 ժամում ունեցել է ավելի քան 35,000 դիտում
30/06/2014 10:05
Նմանատիպ
Ֆարել Ուիլիամսի հանրահայտ «Happy» երգի հիման վրա նկարահանված «Մենք երջանիկ ենք Ղարաբաղից» տեսահոլովակը, որը երեկ հրապարակվել է յութուբում, հրապարակման պահից ի վեր շուրջ 18 ժամվա ընթացքում ունեցել է ավելի քան 35,000 դիտում:
Տեսահոլովակը պատրաստել են Արեգ Բալայանը և Արսեն Բեգլարյանը՝ «Հայաստան» համահայկական հիմնադրամի աջակցությամբ: Տեսահոլովակը պարունակում է 70 էպիզոդ՝ շուրջ 120 մարդու մասնակցությամբ: Իր մասնակցությունն է բերել նաև Արցախի բարեկամ, Մեծ Բրիտանիայի լորդերի պալատի Բարոնուհի Քերոլայն Քոքսը՝ պարելով Ստեփանակերտի վերականգնողական կենտրոնի հաշմանդամների և աշխատակիցների հետ միասին:
Տեսահոլովակի հեղինակները նպատակ ունեն ցույց տալու, որ Արցախը ոչ թե հակամարտություն է, այլ զարգացող պետություն՝ իր առօրյա կյանքը վայելող երջանիկ բնակչությամբ:
Հետևեք մեզ նաև Telegram-ում