Նեյմարը պայմանագի՞ր է կնքել «Բավարիայի» հետ
14/05/2013 13:28
Նմանատիպ
«Սանտոսի» նախկին փոխնախագահ Վիսենտե Կասկիոնեն նշել է, որ թիմի առաջատար Նեյմարը ամռանը համալրելու է «Բավարիայի» շարքերը:
-Նեյմարն արդեն պայմանագիր է կնքել «Բավարիայի» հետ, գործարքն արդեն փակված է: Այնպես որ, նա չի տեղափոխվի «Բարսելոնա» կամ «Ռեալ», ինչպես գրում են թերթերը, այլ կուղևորվի Գերմանիա: Այս տարվա օգոստոսից Նեյմարը կխաղա «Բավարիայի» կազմում:
Սա բամբասանք չէ, տեղեկությունը կասկածի տակ չի դրվում: Նրանք, ովքեր չեն հավատում, կարող են սպասել ու համոզվել, որ դա ճիշտ է,- գրել է Կասկիոնեն իր բլոգում:
Հիշեցնենք’ ավելի վաղ տեղեկացվում էր, որ բրազիլացի ֆուտբոլիստն արդեն նախնական պայմանագիր է կնքել «Բարսելոնայի» հետ, ինչից հետո հայտնի դարձավ, որ բանակցություններին միջամտել է «Ռեալն» ու Նեյմարի համար առաջարկել 100 մլն. եվրո:
Հետևեք մեզ նաև Telegram-ում