Գոմես.Մրցակցիներն ինձ չեն վախեցնում

Գերմանիայի ազգային հավաքականի և արդեն «Ֆիորենտինայի» հարձակվող Մարիո Գոմեսը իտալական լրատվամիջոցներին տված հարցազրույցում մեկնաբանել է իր տեղափոխությունը՝ «Բավարիայից» իտալական ակումբ:

-Ես ունեցել եմ հիանալի ակումբներում հանդես գալու տարբերկաներ, շահավետ առաջարկներ, բայց ընտրել եմ «Ֆիորենտինան»: Չարժեր լքել «Բավարիան»՝ հանուն մյուս ակումբների: Ես ցանկանում էի այլ ֆուտբոլ խաղալ, այդ պատճառով ընտրեցի «Ֆիորենտինան»: Թիմը հետաքրքիր է և վերջին տարիներին աճ է գրանցել: Շատերն ասում են, որ վախեցել եմ մրցակցությունից, այդ պատճառով եմ լքել «Բավարիան», բայց դա սուտ է: 7 տարի Գերմանիայի ազգային հավաքականում և 4 տարի «Բավարիայում».սա  ապացուցում է, որ ես պատրաստ եմ շրջանցել մրցակիցներին: Մրցակցիներն ինձ չեն վախեցնում,-ասել է գերմանացի ֆուտբոլիստը: