Մանչինի. Լավ կլիներ` այս խաղը չկայանար

«Գալաթասարայի» գլխավոր մարզիչ Ռոբերտո Մանչինին մեկնաբանել է «Յուվենտուսի» նկատմամբ տոնած հաղթանակը և Չեմպիոնների լիգայի փլեյ-օֆֆ փուլի ուղեգրի նվաճումը:

«Ավելի լավ կլիներ, եթե այս խաղը չկայանար: Մենք տեսնում էինք, որ պայմանները վատն էին, կարող էին վնասել ֆուտբոլիստներին. դրա համար էլ պետք չէր խաղալ:

Բայց ամեն դեպքում մենք խաղադաշտ դուրս եկանք և հաղթանակի համար արեցինք ավելին, քան «Յուվենտուսը»: Բարդ էր, սակայն մենք հաղթեցինք և ուրախացրեցինք մեր երկրպագուներին»,-Մանչինիի խոսքերը մեջբերել է Sky Italia-ն: