Խաղաղության պայմանագրի ստորագրման համար պատմական պայմաններ են ստեղծվել. Ալիև

Հայաստանի հետ խաղաղության պայմանագրի ստորագրման համար պատմական պայմաններ են ստեղծվել։ Այս մասին հայտարարել է Ադրբեջանի նախագահ Իլհամ Ալիևը։

«Ներկայումս պատմական պայմաններ են ստեղծվել հայ-ադրբեջանական հարաբերությունների կարգավորման, խաղաղության պայմանագրի ստորագրման և հարավկովկասյան տարածաշրջանը խաղաղության և համագործակցության տարածքի վերածելու համար», – ասել է Ալիևը։

Նա նշել է՝ իբր թե Ադրբեջանը միշտ եղել է խաղաղության կողմնակից և տարածաշրջանում խաղաղության նախաձեռնությունների հեղինակ։