Իրանի արտգործնախարարը եկել է Հայաստան

Իրանի արտաքին գործերի նախարար Հոսեյն Ամիր Աբդոլլահյանը չորեքշաբթի առավոտյան եկել է Երևան՝ հանդիպելու Հայաստանի իշխանությունների հետ։ Այս մասին հայտնում է Irna գործակալությունը։

Ակնկալվում է, որ Իրանի ԱԳՆ ղեկավարը Հայաստանի իշխանությունների հետ կքննարկի մշակութային, առևտրային, տնտեսական և քաղաքական ոլորտներում համագործակցության և երկկողմ հարաբերությունների ներկա վիճակը, ինչպես նաև տարածաշրջանային և միջազգային օրակարգի որոշ հարցեր։

Մասնավորապես, Ամիր Աբդոլլահյանը նախատեսում է քննարկել Հարավային Կովկասի վերջին իրադարձությունները, ինչպես նաև Հարավային Կովկասում իրավիճակի կարգավորման «3+3» ձևաչափը։

Հիշեցնենք, որ երեքշաբթի ավելի վաղ Իրանի արտգործնախարարը Ռուսաստանի և Ադրբեջանի արտգործնախարարների հետ քննարկել է Հարավային Կովկասում տիրող իրավիճակը։