Ռեալի նախագահը որոշել է նոր դարպասապահ գնել Բարսելոնայի հետ խաղում Լունինի ելույթից հետո

Հոկտեմբերի 26-ին ֆուտբոլի Իսպանիայի առաջնության 11-րդ տուրի հանդիպումից հետո, որն ավարտվել է Մադրիդի «Ռեալ» և «Բարսելոնա» 0:4 հաշվով, Ռեալի նախագահը որոշել է նոր դարպասապահ գնել: Մադրիդյան թիմի ուկրաինացի դարպասապահ Անդրեյ Լունինը խաղը սկսել է մեկնարկային կազմում և բաց թողել չորս գնդակ, ինչն ակումբի նախագահ Ֆլորենտինո Պերեսին դրդել է մտածել նոր դարպասապահ գնելու մասին, հաղորդում է Realmadridexclusivo-ն։

Այս հանդիպումից հետո նախագահ Պերեսը մրցակցությունը մեծացնելու համար որոշել է ձեռք բերել ևս մեկ դարպասապահ, խոսքը Լյուկա Շևալյեի մասին է «Լիլլից»։ Չնայած «Ռեալի» հետ Լունինի պայմանագրի երկարաձգմանը, ակումբը չի բացառում նրա հեռանալը։ Հաշվի առնելով Տիբո Կուրտուայի հաճախակի վնասվածքները՝ Շեվալյեն մոտ ապագայում մեկնարկային կազմում տեղ ունենալու հավակնորդ է։

Այս մրցաշրջանում Շևալյեն անցկացրել է 16 հանդիպում, բաց է թողել 15 գնդակ և անառիկ է պահել դարպասը 7 խաղում։ Ֆրանսիացին 22 տարեկան է։ Transfermarkt պորտալը նրան գնահատում է 25 միլիոն եվրո: