«Օրեշնիկ»-ով հարվածելուց առաջ ինչու է ՌԴ-ն զգուշացրել ԱՄՆ-ին․ Al Arabiya
Նմանատիպ
Ռուսաստանը նախազգուշացրել Է ամերիկյան կողմին «Օրեշնիկ» հրթիռային համալիրի կիրառման մասին, որպեսզի միջազգային հակամարտություն չառաջանա, ընդ որում՝ Ուկրաինայի կողմից հեռահար հրթիռների օգտագործումը, որին հետևել է Մոսկվայի արձագանքը, հակամարտությունը տեղափոխում է շատ ավելի լարված փուլ։ Այս մասին հայտարարել է ՌԴ Անվտանգության խորհրդի փոխնախագահ Դմիտրի Մեդվեդևը:
«Ինչպես հայտնի է, այն մասին, որ կկիրառվի բալիստիկ հիպերձայնային հրթիռ, մենք տեղեկացրել ենք ամերիկացիներին, քանի որ նրանց հետ այնպիսի պայմանավորվածություններ և պարտավորություններ ունենք, որպեսզի միջազգային մասշտաբի հակամարտություն չառաջանա»,- ասել Է Մեդվեդևը, Al Arabiya-ին տված հարցազրույցում:
«Բայց, այնուամենայնիվ, նկատի ունենալով այն, ինչ տեղի է ունեցել, հակամարտությունը տեղափոխում է շատ ավելի լարված փուլ, ինչը հակամարտության էլ ավելի մեծ էսկալացիա է»,- հավելել է նա՝ խոսելով Ուկրաինայի կողմից հեռահար հրթիռների օգտագործման և Ռուսաստանի պատասխան արձագանքի մասին:
Հետևեք մեզ նաև Telegram-ում