ԵԱՏՄ-ի երկրները կարող են քննարկել Մետաքսի ճանապարհի վերաբերյալ Չինաստանի նախաձեռնությունը
Նմանատիպ
Եվրասիական տնտեսական միության (ԵԱՏՄ) երկրների ղեկավարները մայիսին կարող են քննարկել հարցեր, որոնք կապված են Մետաքսի ճանապարհի տնտեսական գոտու վերաբերյալ Չինաստանի նախաձեռնության հետ: Այդ մասին, ինչպես տեղեկացնում Է «Արմենպրես»-ը՝ հղում անելով ՌԻԱ Նովոստիին, հայտնել Է Եվրասիական տնտեսական հա նձնաժողովի (ԵՏՀ) առեւտրի նախարար Անդրեյ Սլեպնյովը:
«Մենք այժմ գտնվում են որոշում ընդունելու շատ լուրջ փուլում: Ես այն չեմ ազդարարելու. կարծում եմ, որ որոշումը կհայտարարվի առաջիկայում: Մենք տեսնում ենք Եվրասիայում խոշոր ինտեգրացիոն նախաձեռնությունների միավորման հնարավորությունները, խոսքը վերաբերում Է մեր եվրասիական ինտեգրացիոն գործընթացին ու Մետաքսի ճանապարհի տնտեսական գոտու վերաբերյալ ՉԺՀ-ի նախաձեռնություններին»,-լրագրողներին ասել Է Սլեպնյովը:
Նա նշել Է, որ կողմերն այդ հարցերում ունեն փոխգործակցություն կառուցելու անհրաժեշտության ըմբռնումը: Նախարարը նաեւ հավելել Է, որ Ռուսաստանը չինացի բարձրաստիճան գործընկերներից ստացել Է համապատասխան բոլոր հավաստիացումները:
«Այժմ մենք բավականին լուրջ հայտարարություններ ենք պատրաստում, որոնք, հուսով եմ, երկրների ղեկավարները կկարողանան անել մայիս ամսին»,-հայտնել Է Սլեպնյովը:
2013 թվականի սեպտեմբերին ՉԺՀ-ի ղեկավարությունը Բիշքեկում հնչեցրել Է Մետաքսի մեծ ճանապարհի համատեղ տնտեսական գոտու ստեղծման նախաձեռնությունը, որը նախկինում Արեւելքի ու Արեւմուտքի երկրներին կապում Էր Կենտրոնական Ասիայի տարածաշրջանի միջոցով: Խոսքը վերաբերում Է Արեւելքից Արեւմուտք արտոնյալ պայմաններով ապրանքների ուղղակի մատակարարումների համար առեւտրական փոխադրամիջանցք ստեղծելուն:
Հետևեք մեզ նաև Telegram-ում