AM | RU | EN
USD
EUR
RUB

Կարեն Կարապետյան. «Ամենակարևոր խնդիրներից մեկը հասարակության վստահությունը ձեռք բերելն է»

ՀՀ Կառավարության ծրագրում բավական մանրամասն և պրագմատիկորեն գրված է, թե ինչպես ենք նախատեսում լուծել երկրի առջև ծառածաց մարտահրավերները: Այս մասին հայկական հեռուստաընկերություններին տրված ծավալուն հարցազրույցում հայտարարել է ՀՀ վարչապետ Կարեն Կարապետյանը։

«Բոլոր խնդիրներն էլ առաջնային են: Բայց ես երևի ավելի շատ կկարևորեի այն անհրաժեշտությունը, որ Կառավարություն և հասարակություն փոխադարձ կապը ստեղծվեր, որոշակի վստահություն առաջանար: Դա, իհարկե, առաջին հերթին մեզանից է կախված, թե ինչ գործողություններ կիրառենք, որովհետև երկրի փոփոխության խնդիրը ոչ միայն Կառավարության խնդիրն է, այլև յուրաքանչյուր քաղաքացու: Ես չեմ ուզում մեր վրայից պատասխանատվությունը գցել և ասել, թե քաղաքացին պատրաստ չէ փոխվել կամ իր բեռը վերցնել: Բայց երևի ամենակարևոր խնդիրներից մեկն այդ վստահությունը ձեռք բերելն է, այդ փոխադարձ կապը ձևավորելը, որպեսզի քաղաքացին վստահ լինի, որ իր քաղաքացիական դիրքորոշումն ակտիվ դրսևորելով՝ ինքն օգուտ կբերի գործին», ֊ ասել է վարչապետ կարեն Կարապետյանը:

Խոսելով Կառավարության ծրագրի և դրան վերաբերող հասարակական ու փորձագիտական գնահատականների մասին, վարչապետն ասել է.

«Փորձեմ բաժանել փուլերի՝ ինչ ենք փորձել մենք հաղորդել մեր հասարակությանը: Նախ և առաջ մենք ասել ենք, որ պետք է փոխվենք և սկսենք մեզանից: Կառավարման մեթոդները, որոշում կայացնելու պրակտիկան, համակարգը բոլոր ոլորտներում՝ թե´ գնումներ, թե´ որոշման կայացում, կոլեգիալ լիազորություններ, նախարարների պատասխանատվություն, այդ ամենը կանոնակարգելու դեպքում մենք կարող ենք ռեալ ախտորոշել այն պրոբլեմները, որ կանգնած են մեր տնտեսության, մեր երկրի առջև: Ենելով արդեն նոր կառավարման ձևավորված համակարգից՝ փորձենք տալ լուծումները: Բայց կառավարության համար առաջին խնդիրը ես տեսնում եմ, որպեսզի բիզնեսին, ստեղծագործ մարդուն, ակտիվ մարդուն չխանգարի:

Երկրորդը՝ բավարար է դա, որպեսզի մեր տնտեսությունն անհրաժեշտ աճի տեմպեր ցույց տա, և այլ գործառույթ պետությունը չունի, այս պահին կարծում եմ, որ ոչ: Հաշվի առնելով հանրության հուսալքությունն ասեմ, թե ոչ ակտիվ լինելը, հիմնականում այս պահին նկատի ունեմ մեր բիզնես միջավայրը, մենք հայտարարել ենք, որ մենք այստեղ որոշակի խթանողի դեր ենք կատարելու, ստեղծելու ենք ներդրումային հիմնադրամ, որպեսզի բիզնեսի հետ համատեղ մասնակցենք որոշակի նախագծերի մեջ, որպեսզի աշխուժություն մտցնենք:

Երրորդ՝ որպեսզի վաղը մեր երկրում լինեն բարենպաստ պայմաններ զարգացման համար, խիստ անհրաժեշտ է մեր քաղաքացուն, մեր երեխաներին, մեր հաջորդ սերնդին կրթելը: Վաղվա օրը գրագետ մարդու օր է:

Չորրորդ՝ սոցիալական ոլորտի մասով ասել ենք, թե այսօրվա մեր կարողություններով ինչպե՞ս ենք վերաբաշխում իրականացնելու սոցիալապես խոցելի խավերի մոտ, մանրամասն ըստ ոլորտների ասել ենք՝ ոնց ենք պատկերացնում: Առաջնայինը, բոլորն էլ առաջնային են: Վեց-յոթ ամիս հետո մեզ սպասում են ընտրություններ: Քիչ առաջ խոսելիս մեր գործընկերն ասաց, որ Կառավարության ծրագրի մեջ կան կետեր, որոնք դեկլարատիվ են: Ես ուրախ կլինեի լսել՝ ոնց կարելի է այդ մասը ոչ դեկլարատիվ ասել: Ռեալ, մենք պահեր ունենք, որ դեկլարատիվ պետք է հայտարարենք, ասենք, պետծառայողի կերպարի փոփոխություն, հարկայինի և այլն կերպարի փոփոխություն: Այս ընտրությունները և սպասումները որոշակի առումով խանգարում են, որպեսզի արձագանք լինի: Ես վստահ եմ, որ հասարակության մեջ կա հետևյալ կարծիքը. եկեք սպասենք՝ ինչ, որ հայտարարում է, տեսնենք կլինի, թե չի լինի, վեց-յոթ ամիս հետո ինքը կլինի, թե չի լինի, և վեց-յոթ ամիս հետո մենք նոր կարձագանքենք՝ գնանք այս քայլերին, թե չէ: Կարծում եմ՝ այս հինգ-վեց ամիսը լինելու է բավական պասիվ սպասումներով: Կցանկանայի՞, որ պասիվ չլիներ՝ շատ», ֊ ասել է Կարեն Կարապետյանը:

Լրահոս
ԵԱՏՄ-ն մինչև 2025 թվականը նախատեսում է նավթի, գազի և էլեկտրաէներգիայի միասնական շուկա ձևավորել Խորհրդարանական ընտրություններին ԵԱՀԿ/ԺՀՄԻԳ առաքելությունը կներգրավի 24 երկարաժամկետ և 250 կարճաժամկետ դիտորդ Հայաստանը ԵԱՏՄ-ում դրական արդյունքներ է արձանագրել. Վալովայա Անկարան դեմ է արտահայտվել Աստանայի բանակցություններին սիրիական քրդերի մասնակցությանը Ադրբեջանում հաճախակի դարձած ինքնասպանությունները անհանգստություն են առաջացրել երկրի խորհրդարանում Ադրբեջանում դոլարի պաշտոնական փոխարժեքը անցել է 1,8 մանաթը Ղրղզստանի կողմից մաքսային օրենսգիրքը չստորագրելը չի անդրադառնալու ԵԱՏՄ-ի գործունեության վրա ԵԱՏՄ-ի հետ տնտեսական երկխոսությամբ հետաքրքրված են նաև Մոնղոլիան, Պերուն և Չիլին ԵԱՏՄ-ում միասնական արժույթին անցնելու խնդիր դրված չէ. Վալովայա Նորակոչիկները ծառայության են մեկնում բարձր տրամադրությամբ. Հայաստանում շարունակվում է ձմեռային զորակոչը ՀՀ և ՌԴ վարչապետների հանդիպումը կկայանա Մոսկվայում Էջմիածնի քաղաքապետի նկատմամբ սպանության փորձի հանգամանքը չի հիմնավորվել ՀՀ կառավարության 2016թ. միջոցառումների ծրագրով ՀՀ ոստիկանությունն իրականացրել է 3 օրենսդրական նախաձեռնություն Ադրբեջանի մոտ 60 քաղաքացիներ համագործակցում են ահաբեկչական կազմակերպությունների հետ Գևորգ Սաֆարյանը դատապարտվեց երկու տարի ազատազրկման Լավրով ու Չավուշօղլուն քննարկել են Սիրիայում հրադադարի պահպանմանն առնչվող հարցեր Ռուս փորձագետներն նպաստավոր են համարում ԵԱՏՄ-ի բարեկարգումները Հայաստանի համար ՀՀ վարչապետին է ներկայացվել ՏՀՏ ոլորտի զարգացման նախագծերի փաթեթ Հայաստանի զարգացման գործում ավելի ակտիվորեն պետք է ներգրավենք միջազգային ընկերություններին. ՀՀ Նախագահ Պեկինը Թրամփի պաշտոնակալության արարողությանը մասնակցելու հրավեր չի ստացել Ադրբեջանական դատարանը ընդդիմադիր ակտիվիստին դատապարտել է 5 տարի 6 ամսվա ազատազրկման Տնտեսագետը Հայաստանի և Իրանի առևտրատնտեսական կապերի լայն թափով զարգացման մեծ ներուժ է տեսնում ՀԱՊԿ-ի քարտուղարությունն անդրադարձել է հայ-ադրբեջանական սահմանում տեղի ունեցած միջադեպին Մոնթե Մելքոնյանի անվան ռազմամարզական վարժարանը սեպտեմբերի 1-ից ունենալու է նոր պայմաններ Գերակշռել են թմրամիջոցների ապօրինի ներկրման դեպքերը. ՊԵԿ Գարո Փայլանը դիմել է Թուրքիայի Սահմանադրական դատարան Թուրք պատգամավորին սպառնում են դատապարտել 103 տարվա ազատազրկման Վրաստանի քաղաքացիները միաժամանակ պաշտպանում են ԵՄ-ին եւ Ռուսաստանին. NDI Չեչնիայում ձերբակալել են ԻՊ-ի հետ կապված շուրջ 60 զինյալների Թուրքիայի ԱԳՆ-ից 350 դիվանագետ է հեռացվել Սրտի անհետաձգելի վիրահատության ծրագրով ստենտավորվել է 1358 հիվանդ Թուրքիայում սահմանադրական փոփոխությունների հանրաքվեն կանցկացվի ապրիլի սկզբին Դինքի սպանության գործով դատական նիստերը վերսկսվել են Նիկոլ Փաշինյանը պատիվ է համարում ՔՊ-ի համամասնական ցուցակը գլխավորելը Գեղարքունիքում պետական միջոցներով կշարունակվեն կրթամշակութային հաստատությունների հիմնանորոգման աշխատանքները Հարավային Կորեայի դատախազությունը Samsung-ի փոխնախագահին ձերբակալելու հրահանգ Է տվել «Նոր Հալեպ» թաղամասի շինարարարական աշխատանքները կիսատ են մնացել դոնորների բացակայության պատճառով Երեք երիտասարդների մահվան հանգամանքները պարզելու նպատակով քննություն է տարվում Գյումրիում վթարային ջրանջատումներ կլինեն Ադրբեջանական արժույթի փոխարժեքը դոլարի նկատմամբ կանխատեսվում է 2,20-2,50 մանաթ
Խմբագրի ընտրություն
website by Sargssyan