AM | RU
USD
EUR
RUB

Նաիրիտը էկոլոգիական աղետ է Հայաստանի համար

Նաիրիտի վերաբացումն ամենաքննարկվող թեմաներից է։ Մեծամասնությունը կարծես կողմ է այդ քիմիական գիգանտի շահագործմանը։ Որոշ ուժերի համար էլ դա քաղաքական դիվիդենտներ շահելու հարմար առիթ։

Հաշվարկվում են Նաիրիտի աշխատելու դեպքում հնարավոր ֆինանսական օգուտները, կազմվում ու ներկայացվում են այն վերաբացելու ծրագրեր․․․ Կվերաբացվի Նաիրիտը, թե՝ ոչ, միանշանակ դժվար է ասել։ Իմ խորին համոզմամբ, նման բան երբեք չի լինի, քանի որ որևէ ընկերություն այդքան գումար չի ներդնի այդ արդեն իր դարն անցած կառույցի վերակենդանացման համար։ Ֆինանսական տեսանկյունից գուցե ավելի շահավետ լինի նորը կառուցելը, քան հին կիսաավերակին կենդանություն տալը։

Սակայն հարցը դա չէ։ Երբևէ մեկը հաշվե՞լ է այն անդառնալի կորուստները, որոնք ունեցել են Հայաստանի Հանրապետության քաղաքացիները այդ չարիքի աշխատելու տարիներին։ Այդ հարցն արծարծողները տեղյա՞կ են արդյոք, որ Խորհրդային Միության տարիներին Մոսկվայի օնկոլոգիական ինստիտուտի հիվանդների գրեթե կեսը Հայաստանի քաղաքացիներն էին ու Խորհրդային Միության բոլոր հանրապետությունների մեջ Հայաստանի Հանրապետությունը քաղցկեղային հիվանդությունների ցուցանիշով զբաղեցնում էր առաջին հորիզոնականը։

Խորհրդային Միության ոչ մի հանրապետություն այնքան քիմիական գործարաններ իր տարածքում չէր տեղավորել, որքան մեր փոքրիկ հողակտորը։ Նույնիսկ անծայրածիր Ռուսաստանն իր հեռավոր տայգաներում նման մարդասպան գործարան չէր կառուցել։

Միայն չասեք թե որոշողը Մոսկվան էր ու եթե նա որոշել էր, որ այդ չարիքը պետք է Հայաստանում լիներ, ուրեմն որևէ մեկը չէր կարող առարկել։ Այդպես ասողները ակնհայտ կմեղանչեն ճշմարտության դեմ, քանի որ նույնիսկ խորհրդային տոտալիտար բռնապետության պայմաններում քիչ չեն եղել դեպքերը, որ այլ հանրապետություններ ընդդիմացել են կենտրոնական որոշումներին ու հասել իրենց ուզածին, քանի որ հանրապետությունները որոշ չափով ունեին ազատություն, եթե այդ ազատությունը միութենական վտանգ չէր ներկայացնում։

Իսկ կարող ե՞ք նշել մի դեպք, որ Հայաստանի կենտկոմը ընդդիմացած լինի Մոսկվայի որոշումներին։ Եթե ընդդիմացած լիներ, ապա գրեթե բացառապես օտարին ծառայող մահվան արտադրամասը մեզ մոտ չէր կառուցվի։ Ի դեպ, հիմա նույնպես վերականգնվելու դեպքում կրկին ծառայելու է օտարին։ Իհարկե դրա դիմաց մեզ որոշ տոկոսներ կհասնեն, քանի որ չի կարելի պետությանը հասցնել էկոլոգիական աղետի, առանց վճարելու։

Բացի դրանից աշխարհը զարգանում է ու չի կարելի մտածել միայն նախորդ դարից ժառանգություն մնացած մեռելներին վերակենդանացնելու համար։ Ժամանակակից աշխարհում շատ բնագավառներ կան, որոնք կարելի է զարգացնել Հայաստանում։ Աշխարհը, տեխնոլոգիաները փոխվում են ժամ առ ժամ, ինչու՞ ենք մենք համառորեն փորձում մնալ անփոփոխ։

Չի կարելի չգիտակցել, որ մենք չունենք այնքան ահռելի տարածքներ, որ մեզ թույլ տանք նման գործարաններ կառուցելու առանց մարդկանց առողջությանը անդառնալի կորուստներ պատճառելու։

Ես հասկանում եմ Նաիրիտի նախկին ու ներկա աշխատողներին, մարդիկ ունեցել են աշխատատեղ ու հիմա այն կորցրել։ Մյուսները վախենում են իրենց նախկին գործընկերների պես դառնալ գործազուրկ։ Դժվար է համակերպվել նոր իրավիճակին, դժվար է հոգալ ապրուստի միջոցները։

Ես հասկանում եմ Նաիրիտի վերաբացվելու հարցը շահարկող քաղաքական ուժերին։ Դա հրաշալի առիթ է ապագա խորհրդարանական ընտրություններից առաջ ձայներ հավաքելու համար։

Բայց մարդուն հատուկ է էգոիզմը։ Եթե ոմանց շահերը թելադրում են Նաիրիտի վերաբացվելը, եթե ոմանց շահերը թելադրում են այդ հարցը արծարծելը, ապա իմ շահերը ստիպում են կտրականապես դեմ արտահայտվել այդ չարյաց հսկայի հարությանը։ Ես ուզում եմ, որ մեր երեխաները ապրեն մաքուր ու անվտանգ միջավայրում, զերծ այն թույնից, որը մենք բոլորս շնչել ենք տասնյակ տարիներ ու շնչում ենք նաև այսօր։ Այո, շնչում ենք նաև այսօր, քանի որ դժբախտաբար Նաիրիտի ու նաև այլ քիմիական գործարանների որոշ արտադրամասեր դեռևս աշխատում են։

Կարեն Կարապետյան

Լրահոս
Ստամբուլի վճռաբեկ դատարանը «Սանասարյան հան» կառույցը հայ համայնքին վերադարձնելու վճիռ է կայացրել ՌԱՄՕ Գրուպը հակված է Հայաստանում իրականացնելու առողջապահական ներդրումային ծրագիր Գորիսի ավտոճանապարհներին մառախուղ է, տեսանելիությունը՝ 60-70 մետր Ռուսաստանի, Իրանի և Թուրքիայի ԱԳ նախարարների հանդիպումը տեղի կունենա Աստանայում Արմեն Սարգսյանը հանդիպել է Բելգիայի հայ համայնքի ներկայացուցիչների հետ ԵԱՀԿ-ն կշարունակի աջակցություն ցուցաբերել ՀՀ ոստիկանությանը Սերժ Սարգսյանի մյունխենյան ելույթը հայ-թուրքական արձանագրությունների չեղարկման նախաբանն էր Արա Բաբլոյանը ցավակցել է ԻԻՀ Մեջլիսի նախագահ Ալի Արդեշիր Լարիջանիին Նախնական հաշվարկներով «ՎՏԲ-Հայաստան» բանկի մասնաճյուղից հափշտակվել է շուրջ 8.5 մլն դրամ գումար Հայաստանում այս տարի ավագ դպրոցների քանակը կավելանա 5-ից 6-ով 2018 թվականին ռոբոտաշինության ոլորտում ներդրվելու է 280 մլն դրամ Եվրախորհրդարանի 16 պատգամավորներ Մոգերինիին հարցրել են, թե ինչու ԵՄ պաշտոնյաները երբեք Արցախ չեն այցելել Էրդողանն ու Պուտինը քննարկել են Սիրիայում տիրող իրավիճակը Եվրախորհրդարանում պատգամավորները կրկին կխոսեն Արցախի մասին Երևանում նախատեսվում է պլանետարիում կառուցել ՎՏԲ բանկի վրա հարձակում գործած անձինք ատրճանակի սպառնալիքով գումար են հափշտակել. Երևանի փոխոստիկանապետը մանրամասնում է Արցախի ԱԳՆ-ն կարևորում է առաջնագծում իրավիճակի կայունացման գործում իրական ներդրումը Արցախի վերածննդի օրվա առթիվ Նախագահի նստավայրում պարգևատրում է տեղի ունեցել Մասիս Մայիլյանը վստահ է` Արցախի հետ ուղղակի և բաց երկխոսության հաստատումը կնպաստի տարածաշրջանում կայունության ամրապնդմանը Հայաստանը բանակցում է Իրաքի հետ կրկնակի հարկումը բացառող համաձայնագրի ստորագրման շուրջ Սերժ Սարգսյանն ընդունել է ՌԴ Արտաքին հետախուզության ծառայության տնօրենին Էլեկտրոնային առողջապահության համակարգը էլեկտրոնային դեղատոմսերի մասով կգործարկվի մինչ տարեվերջ ՎՏԲ բանկի վրա զինված հարձակում է տեղի ունեցել. տուժածներ չկան Լևոն Մկրտչյանը կողմ է ՀՀ նախագահի պաշտոնում Արմեն Սարգսյանին տեսնելուն Վարդան Դևրիկյանը գիտության բոլոր ոլորտների աշխատանքները հայերեն թարգմանելու անհրաժեշտություն է տեսնում Թուրքագետը մատնանշում է Մյունխենում ՀՀ նախագահի ելույթի կարևոր շեշտադրումները հայ-թուրքական հարաբերությունների վերաբերյալ Դեղերի պատկանելության մեջ անճշտություններից խուսափելու համար դեղամիջոցների ցուցակները վերանայվելու են Նախագահը բանիմաց զրուցակից է. հրատարակչությունների տնօրենները Սերժ Սարգսյանին ներկայացրել են ոլորտի խնդիրները Դեղատոմսերի հին ձեւերի օգտագործումն ամբողջությամբ կբացառվի հաջորդ տարվանից Ադրբեջանը նպատակաուղղված կերպով ձգձգում է տարածաշրջանում կայուն խաղաղության հաստատումը. Արցախի ԱԳՆ Կոնստանտին Կոսաչովը բարձր է գնահատում ՀՀ Նախագահ Սերժ Սարգսյանի ելույթը Մյունխենում Արցախի ԱԳՆ-ն ակնկալում է Անջեյ Կասպշիկի գրասենյակի և նրա դիտարկման կարողությունների ընդլայնում Մյունխենում Հայաստանը ՀՀ Նախագահի շուրթերով խոսեց խաղաղության մասին. Շիրակ Թորոսյան Թուրքիայում քրդամետ կուսակցության նախկին պատգամավորը ձերբակալվել է Մինչև 2022 թ-ը Հայաստանը պետք է համատարած անցում կատարի ներառական կրթության. Լևոն Մկրտչյան Մարտի 1-ից հակաբիոտիկները, հորմոնային պրեպարատներն ու կոդեին պարունակ դեղերը բաց կթողնվեն բացառապես դեղատոմսով Հայաստանում հնարավոր կլինի դեղերը ձեռք բերել էլեկտրոնային դեղատոմսով Նախագահ Սարգսյանը Գիրք նվիրելու օրվա կապակցությամբ այցելել է «Բուկինիստ» գրախանութ Այս երկիրը շախմատի ծագող աստղերի սերունդ է մեծացնում. BBC-ի անդրադարձը շախմատային Հայաստանին Հայտնի է Լիբանանի նախագահի՝ Հայաստան այցի օրը
Խմբագրի ընտրություն
website by Sargssyan