«Ժողովուրդ». «Բրուտյան, ես քեզնից փող ուզե՞լ եմ». ՊԵԿ նախագահը՝ տեղակալին

Հոկտեմբերի 10-ին, երբ ՀՀ ԿԱ պետական եկամուտների կոմիտեի նախագահ նշանակվեց Վարդան Հարությունյանը, լրագրողների հետ իր առաջին «բլից հանդիպման» ժամանակ հայտարարեց, թե համակարգում ինքն է խաղի կանոններ սահմանելու այսուհետ:

«Ժողովուրդ» օրաթերթին ՊԵԿ աղբյուրներից հայտնի է դարձել, որ «աշխատանքային-դաստիարակչական» մի քանի խորհրդակցություն է նա անցկացրել համակարգում, որի ընթացքում կտրուկ հայտարարել է փող վերցնելու սովորությունը համակարգից հանելու անհրաժեշտության մասին:

Մասնավորապես, դիմելով ՊԵԿ առաջին տեղակալ Կարեն Բրուտյանին՝ ասել է. «Բրուտյան, ես քեզնից փող ուզե՞լ եմ»: Հարցից շփոթված տեղակալը բացասական պատասխան է տվել, ապա ՊԵԿ նախագահը շարունակել է, թե ցանկացած աշխատակից, ով փող կվերցնի իր ստորադասից՝ պատճառաբանելով, թե «վերևներից» են պահանջել, ստում է ու խստագույնս կպատժվի:

«Ժողովուրդ»-ը տեղեկացել է, որ ՊԵԿ Արաբկիրի բաժնի վերահսկող աշխատակիցներից 3 հոգի օրերս հեռացվել են, սակայն նրանց վերադասին ներքին անվտանգության պետը «ներել է»:

Հետևեք մեզ նաև Telegram-ում