Դամասկոսի մերձակայքում հարյուրավոր զինյալներ են հանձնվում Սիրիայի իշխանություններին
Նմանատիպ
Զինված խմբավորումների անդամները դադարեցրել են դիմադրությունը Դամասկոսի մերձակա Վադի Բարադ հովտի մի քանի շրջաններում եւ հանձնվում են Սիրիայի իշխանություններին, տեղեկացնում է «Արմենպրես»-ը: Ինչպես SANA լրատվական գործակալությանը հայտնել է իշխանությունների ու զինյալների միջեւ բանակցությունների համակարգող Ալի Յուսեֆը, անցած օրվա ընթացքում ելուզակային կազմավորումների շարքերում գտնվող հարյուրավոր մարդիկ ստուգում են անցել իրավապահ մարմիններում:
«Առնվազն հարյուր մարդ օգտվել Է համաներման վերաբերյալ նախագահի դեկրետից, նրանց թվում կան զինյալներ եւ դասալիքներ, որոնք խուսափում Էին զինապարտությունից»,- նշել Է նա:
Սիրիայի ազգային դրոշը հունվարի 11-ին բարձրացվել է Դեյր Կանուն, Դեյր Մուկրին եւ Կֆիր Զեյթ բնակավայրերի վրա, որտեղ զինված խմբավորումների անդամներն անցել են բանակի կողմը: Սիրիական բանակի սակրավորները ականազերծում են ջրի այն աղբյուրների մատույցները, որոնք սպառնում էին պայթեցնել ահաբեկիչները, հաղորդել է ՏԱՍՍ-ը:
Հետևեք մեզ նաև Telegram-ում