Փետրվարի 23-ից մարտի 25-ը մարզերում կանցկացվի անվճար բժշկական խորհրդատվություն
Նմանատիպ
«Առողջապահության կազմակերպիչների միավորում» հկ-ի նախաձեռնությամբ նեղ մասնագետներից կազմված խմբերը կայցելեն մարզեր և կիրականացնեն անվճար բժշկական խորհրդատվություն, իսկ ըստ անհրաժեշտության՝ նաև հետազոտություններ։ Այս մասին տեղեկացանք ՀՀ Առողջապահության նախարարության մամուլի ծառայությունից:
Բաց դռների օրերը կլինեն փետրվարի 23-ից մինչև մարտի 25-ը։ Այցեր կլինեն բոլոր մարզերում: Մասնագետներն այցելելու են և՛ ամբուլատորիաներ, և՛ մարզկենտրոնի հիվանդանոցներ: Բոլոր հետազոտությունները լինելու են անվճար: Հետազոտությունների համար կօգտագործեն տեղի բուժհաստատության սարքերը, անհրաժեշտության դեպքում կարող են նաև իրենց հետ սարքավորումներ տանել: Մասնագետները լինելու են անոթաբաններ, ակնաբույժներ, մանկաբույժներ, ուրոլոգներ:
Նախապես մասնագետներից կազմել են թիմեր, որոնք բոլոր մարզերում կատարելու են հավասարաչափ այցելություններ: Յուրաքանչյուր մարզում կազմակերպության ստորաբաժանումները կկատարեն նախնական գրանցումներ: Առաջին այցը կլինի Կոտայքի մարզ: Զուգահեռաբար կլինեն այցեր նաև Արմավիրի, Գեղարքունիքի, Արագածոտնի մարզեր:
Հետևեք մեզ նաև Telegram-ում