«Հրապարակ». Կմնամ՝ իմ վերլուծական կենտրոնում կաշխատեմ. Թևան Պողոսյանը՝ չառաջադրվելու վերաբերյալ

«Ինչպե՞ս եք վերաբերվում Զարուհի Փոստանջյանի՝ «Ժառանգությունից» դուրս գալուն, ժամանակին Դուք էլ իր պատճառով էիք ուզում վայր դնել մանդատը՝ հարցրինք ԱԺ պատգամավոր Թևան Պողոսյանին։ «Գիտեք, տարուց ավելի որևէ շփում չկա «ժառանգության» հետ, բացի նրանից, որ հարգանքով եմ վերաբերվում իր որոշմանը»։ Կանխատեսո՞ւմ էիք Զարուհու, «Ժառանգության» համար նման ապագա։ «Իմ կանխատեսումները կապ չունեն, էթիկայից ելնելով՝ ոչ նախկինում և ոչ էլ հիմա չեմ բարձրաձայնի մտածածս»։ Իսկ Դուք ինչո՞ւ որևէ ցուցակում չկաք։ «Դե, քննարկումներ եղել են, հիմնականում՝ «Ելք» դաշինքի հետ, սակայն այնտեղ ցուցակները կազմվում էին որոշակի սկզբունքով, ես կամ պետք է «անհապաղ» որևէ կուսակցության անդամ դառնայի, կամ ռեյտինգայինով առաջադրվեի, ինչի համար համապատասխան «իրավիճակ», այդ թվում՝ նյութական լուրջ միջոցներ էին պետք, ինչին ես պատրաստ չէի, մանավանդ որ քաղաքական դիսկուրսն իսպառ վերացել է մեզանում։ Կմնամ՝ իմ վերլուծական կենտրոնում կաշխատեմ»»,–գրում է թերթը։

Մանրամասները՝ թերթի այսօրվա համարում։