AM | RU
USD
EUR
RUB

Բռունցք ճոճող «մասնագետը»

 
 

Ընտրական քարոզարշավի առաջին շաբաթն արդեն ետևում է։ Ու թեև ընտրություններին մասնակցող կուսակցություններն ու դաշինքները դեռևս իրենց առավելությունները ցուցադրելու ժամանակ ունեն, այնուամենայնիվ արդեն հստակ է, որ նրանց բացարձակ մեծամասնությունը պարզապես պատրաստ չէր ընտրական գործընթացի մեջ մտնելուն։ Անհաջող ստարտը, այս առումով, օրինաչափություն էր։ Ու ոչ մի հույս չկա, որ ընթացքն ավելի արդյունավետ կլինի, քան մեկնարկը։ Խորհրդարանում հայտնվել ցանկացող ուժերի ներկայացուցիչները սկսել են փրփուրներից կախվել՝ օրըստօրե ապացուցելով այն ճշմարտությունը, որ ամենամեծ ստերը հնչում են ընտրություններից առաջ, պատերազմի ժամանակ և որսից հետո։ Ուստի և ստիպված են քաղաքացիները առավոտից երեկո ունկնդրել թեկնածուների կեղծ խոստումներին ու ոչնչով չհիմնավորված ծրագրային դրույթներին։

Բայց մեկ բան է, երբ ակնհայտ սուտ են խոսում գործիչներ, ովքեր գաղափար անգամ չունեն իրենց իսկ կողմից բարձրաձայնվող խնդիրների մասին, մեկ այլ բան, երբ դա անում են փորձառու քաղաքական գործիչները։ Մեկ բան է, երբ պետության և ժողովրդի համար կարևոր հարցերը շահարկում են սովորական բախտախնդիր անձինք, մեկ այլ, երբ նման ճանապարհով քվե են փնտրում քաղաքական հարուստ անցյալ ունեցող թեկնածուները։ Եթե առաջինների դեպքում դա ընդամենը անգիտակցության հետևանք է, ապա վերջիններիս ուղին հաստատ շիտակ չէ։ Եթե անփորձների համար դա պարզամտություն է, ապա փորձառուների համար՝ հանցավոր շահարկում։

Հնարավոր է, ասվածը նորություն չէ քաղաքական դաշտի եռուզեռին ուշադիր հետևող մեր ընթերցողների համար, բայց կարծում եմ նաև, որ հատկապես կարևոր նշանակություն ունեցող խնդիրների էժան շահարկման յուրաքանչյուր փորձ պետք է մատնանշվի և քննդատվի։

Այսպես, նախօրեին ընտրողների հետ հանդիպման ընթացքում Վարդան Օսկանյանը հայտարարել է, որ «Ղարաբաղի հարցում մենք կարող ենք առաջընթաց արձանագրել։ Հասնել Լեռնային Ղարաբաղի ժողովրդի անկախության, ինքնորոշված լինելու փաստի ճանաչմանը։ Սա նույնպես հնարավոր է։ Դա արդեն իմ մասնագիտությունն է, Րաֆֆի Հովհաննիսյանի մասնագիտությունն է, Սեյրան Օհանյանի մասնակցությունն է, որովհետև դա նաջ պահանջում է, ենթադրում է ուժեղ բանակ, զարգացող տնտեսություն։ Բայց հնարավոր է դա անել»։

Առաջին հայացքից թվում է՝ ամեն ինչ ճիշտ է ասված։ Իհարկե, հնարավոր է հասնել Արցախի անկախության միջազգային ճանաչմանը։ Եվ կհասնենք։ Բայց ո՞վ է խոսում դրա մասին։ Այն նույն Օսկանյա՞նը, որը ուղիղ 10 տարի ղեկավարել է ՀՀ արտաքին գործերի նախարարությունը և որևէ հաջողություն չի ունեցել այդ հարցում։ Թե՞ այն Օսկանյանը, որն իր պաշտոնավարման տարիներին «օկուպացված» էր համարում Արցախի ազատագրված տարածքները։ Հարց է առաջանում՝ ո՞վ է այսօր ընտրողներին խոստանում հասնել չափազանց կարևոր և հայկական երկու պետությունների անվտանգությանը սպառնացող այդ խնդրի լուծմանը։

Եվ եթե դա նույն Օսկանյանն է, ով 10 տարի չի կարողացել լուծել այդ խնդիրը, ապա ո՞րն է երաշխիքը, որ այսօր կարող է դա անել։ Ինչ֊որ բան փոխվե՞լ է։ Հիմա ավելի՞ բարենպաստ պայմաններ են, թե Օսկանյանն է գերբնական ուժով օժտվել։ Իսկ եթե ավելի բարենպաստ ժամանակ է Արցախի միջազգային ճանաչման համար, ապա ո՞րն է դրա պատճառը։ Իսկ ավելի լավ չէ՞ Օսկանյանին ընդհանրապես հեռու պահել այդ գործընթացից, որ հանկարծ նորից ամեն ինչ չփչանա…

Իհարկե, բոլոր այս հարցերը հռետորական են։ Իրականում բոլորը հստակ հասկանում են, թե ադրբեջանա֊արցախյան հակամարտության կարգավորման հնարավոր ինչ տարբերակներ կան և երբ է կարելի սկսել Արցախի միջազգային ճանաչման գործընթաց։ Եվ երբ այժմեական փոքր խնդիր լուծելու (կոնկրետ այս դեպքում՝ մոտ երկու տասնյակ եղվարդցիներին հաճոյանալու) նպատակով սկսում են այնպիսի ոլորտներից խոստումներ տալ, որոնց դեպքում ճիշտ կլիներ պատասխաններ տային նախկինում չարածների համար, պարզ է դառնում, որ դիմացդ կանգնած է ոչ թե պատասխանատու գործիչ, այլ ընդամենը քաղաքական բախտի ետևից վազող անհատ։ Այս առումով, շատ ավելի ազնիվ է լինել Լևոն Տեր֊Պետրոսյանի պես պացիֆիստ և պարտվողական տրամադրություններով գործիչ, քան մարտից հետո բռունցք ճոճող «մասնագետ»։

Այսքանը կարելի կլիներ նաև չգրել, եթե Օսկանյանը խոսեր ցանկացած այլ խնդրի մասին։ Իսկ եթե ավելի անկեղծ՝ մինչ օրս չէի էլ մտածում, որ պետք է նախկին արտգործնախարարին մեղադրել իր չարած աշխատանքի համար։ Ի վերջո, անվտանգության խնդիրը միշտ էլ իր կարևորությամբ գերազանցել է անկախության ճանաչման անհրաժեշտությանը։ Բայց երբ դա քաղաքական շահարկումների առարկա է դարձնում մի մարդ, ով դրա ամենաքիչ իրավունքն ունի, լռելն այլևս անիմաստ է։ Օսկանյան տեսակը ծանոթ է մեզ տարբեր դրսևորումներով՝ թե՛ որպես արտգործնախարար, թե՛ որպես պատգամավոր։ Հիմա մենք ունենք նաև պոպուլիստ Օսկանյան։ Մարդ, որը չի զլանա ոսկե սարեր խոստանալ հնարավոր ընտրողներին և մարդ, ով շատ արագ մոռանում է և՛ իր խոստումները, և՛ բաց թողնված հնարավորությունները։

Հրանտ ՄԵԼԻՔ-ՇԱՀՆԱԶԱՐՅԱՆ

Լրահոս
Իսրայելի խորհրդարանը Հայոց ցեղասպանությունը ճանաչելու նախագիծը քննարկելու է մայիսի 30-ին Հայաստանի անվտանգության մակարդակի շարունակական բարձրացումը կառավարության ուշադրության կենտրոնում է. Փաշինյան Հայաստանն այս պահին Իրանի հետ բանակցություններ չի վարում գազ գնելու հարցով ՏՏ ոլորտի խնդիրն է՝ մի քանի տարի հետո բանակում օգտագործվող զենքի առնվազն 80 տոկոսն արտադրել տեղում. Կարեն Վարդանյան Հայաստանում նոր ատոմակայան կառուցելու հարց այս պահին չի քննարկվում. նախարար Փաշինյանը հավաստիացնում է, որ Առաջին Հանրապետության 100-ամյակի միջոցառումները կանցկացվեն պատշաճ մակարդակով Ոստիկանությունը երեք արագաչափի գողության փաստ է արձանագրել Փաշինյանը հույս ունի, որ ԵՄ անդամ երկրները հնարավորինս արագ կվավերացնեն ՀՀ-ի հետ համաձայնագիրը Արցախի նախագահն ընդունել է ԱՄՆ հայ իրավաբանների միության պատվիրակությանը Փաշինյանը հանձնարարել է լուծել բանակում սննդի և հագուստի որոշ պարագաների որակի խնդիրները Դավիթ Տոնոյանը ՀԱՊԿ անդամ պետությունների պաշտպանության նախարարների խորհրդի նիստի շրջանակում հանդիպել է Սերգեյ Շոյգուի հետ Նիկոլ Փաշինյանը արտահերթ խորհրդարանական ընտրությունների անցկացումը տեսնում է աշնանը Առողջապահության նախարարը հորդորում է բժիշկներին խուսափել անհարկի կրկնակի հետազոտություններից ՀՀ ՊՆ և ԶՈՒ ներկայացուցիչները մասնակցում են ՀԱՊԿ զորավարժությունների կազմակերպման շտաբային բանակցություններին Վալերիյ Օսիպյանը ներկայացրել է ոստիկանության պետի նորանշանակ տեղակալին «Դուրս եմ եկել և այդ կազմակերպության հետ որևէ կապ չեմ ունեցել». ՀՀ նախագահը՝ «Լիդիան Արմենիա» ընկերության հետ իր կապի մասին Ալեն Սիմոնյանն իր պատգամավորական մանդատը վայր դնելու որոշումը չի քննարկել ՀՀ վարչապետ Նիկոլ Փաշինյանի հետ Գերմանիան պատրաստակամ է քայլեր ձեռնարկել Հայաստանի հետ համագործակցության զարգացման ուղղությամբ Արցախում առաջին անգամ իրականացվել է ստորին վերջույթների զարկերակների ինտերվենցիոն միջամտություններ Զեյնալյանը Գերմանիայի դեսպանի հետ քննարկել է վստահելի խորհրդարանական ընտրություններ անցկացնելուն ուղղված հարցեր ՏՏ ոլորտն անհնարինության պատնեշները ջախջախելու առաջամարտիկ է. ՀՀ վարչապետ Կոռուպցիոն հանցագործությունների կատարման համար քրեական հետապնդում է հարուցվել աննախադեպ թվով պաշտոնատար անձանց նկատմամբ Ալեն Սիմոնյանը ևս 7 օր շարունակելու է պատգամավոր մնալ Արցախում վիրավորված զինվորի վիճակը կայուն է. քննարկվում է զինվորի վիրահատության հարցը Ունաի Էմերին` «Արսենալ»-ի գլխավոր մարզիչ Նախագահ Արմեն Սարգսյանը հանդիպեց «Ամուլսարն առանց հանքի» նախաձեռնության ակցիայի մասնակիցներին (տեսանյութ) Fitch-ը ԱԿԲԱ-ԿՐԵԴԻՏ ԱԳՐԻԿՈԼ Բանկին շնորհել է «B+» վարկանիշը Ռուսաստանը կշարունակի ակտիվ դերակատարությունը ԼՂ խնդրի կարգավորման գործում. Զախարովա Նախարարը մտադիր է հետաձգել դեղատոմսով դեղերի բաց թողնման որոշումը, բացի անտիբիոտիկներից Նաիրա Զոհրաբյանը հավանական է համարում աշնանը արտահերթ ընտրություններ անցկացնելու տարբերակը Շարմազանովը Տարոն Մարգարյանին Երևանի հաջողված քաղաքապետ է համարում Սփյուռքահայ բժիշկները պատրաստ են Հայաստանում տարբեր ծրագրեր իրագործել ԵԽԽՎ համազեկուցողները գալիս են Հայաստան Տարոն Մարգարյանի հրաժարականի դեպքում Ալեն Սիմոնյանը կմտածի Երևանի քաղաքապետի պաշտոնը զբաղեցնելու մասին Գլխավոր դատախազը չի բացառում դատական վարույթում գտնվող քրեական գործերի առումով քննարկումների անցկացումը Հայաստանում ամենաբարձր միջին ամսական աշխատավարձը Սյունիքում է, ամենացածրը՝ Արագածոտնում ու Շիրակում Զինծառայող Մարտին Խաչատրյանի մահվան հանգամանքները պարզելու համար քննություն է տարվում Խախտվել են ջրամատակարարման կանոնները. «Վեոլիա Ջուր»-ը տուգանվել է 5 մլն դրամով Ինձ համար անհասկանալի է, որ կան քաղաքացիներ, ովքեր պատշաճ ձևով չեն արձագանքում իմ կոչին Վահրամ Բաղդասարյանի առաջարկը պատգամավորների միջև բանավեճի առիթ դարձավ
Խմբագրի ընտրություն
website by Sargssyan