Լե Պենի կարծիքով՝ ընտրություններում իր պարտվելու դեպքում Ֆրանսիան ղեկավարելու է Մերկելը
Նմանատիպ
«Ազգային ճակատի» առաջնորդ Մարին լե Պենը մայիսի 3-ի երեկոյան կայացած հեռուստաբանավեճի ընթացքում կարծիք է հայտնել, որ եթե ինքը հաղթանակ չտանի երկրի նախագահական ընտրություններում, ապա Ֆրանսիան ղեկավարելու է Գերմանիայի կանցլեր Անգելա Մերկելը, տեղեկացնում է «Արմենպրես»-ը:
«Բանն ինչով էլ ավարտվի, հետագայում Ֆրանսիան կին է ղեկավարելու՝ կամ ես, կամ Անգելա Մերկելը»,– ասել է լե Պենը՝ որը քննադատել է Էմանուել Մակրոնին Եվրամիության հիման վրա ֆրանս-գերմանական դաշինքն ամրապնդելու նրա մտադրության համար:
«Իրականությունն այն է, որ դուք արդեն այցով եղել եք տիկին Մերկելի մոտ եւ օրհնություն խնդրել նրանից, քանի որ դուք մտադիր չեք որեւԷ բան ձեռնակել առանց նրա համաձայնության»,- հայտարարել է լե Պենը՝ ընդգծելով, որ ընտրություններում իր մրցակիցը «Եվրամիությանն անվերապահորեն ենթարկվելու» ուղեգիծ է բռնել:
Ի պատասխան Մակրոնը, մասնավորապես, ասել է, որ «բարեբախտաբար, Ֆրանսիայում միշտ էլ եղել են քաղաքական գործիչներ, որոնք կարողացել են տեսնել ապագան: Եվ գեներալ դե Գոլը, եւ կանցլեր Ադենաուերը կարողացան միասին աշխատել եւ այդ կերպ կառուցեցին ներկայիս Եվրոպան», հաղորդել է ՏԱՍՍ-ը:
Հետևեք մեզ նաև Telegram-ում