«Ժողովուրդ». Մի խոսքով, շոուն կա, բիզնեսը դեռ չի ստացվում

«Ժողովուրդ» օրաթերթն օրերս հարցում էր ուղարկել ՀՀ կառավարություն՝ փորձելով իմանալ, թե Կարեն Կարապետյանի վարչապետության ընթացքում Հայաստանում որքա՞ն ներդրում է իրականացվել։

«ՀՀ տնտեսական զարգացման և ներդրումների փոխնախարար Տիգրան Խաչատրյանի պատասխանը, սակայն, ուշագրավ էր, 2017թ. առաջին եռամսյակի ընթացքում արված ներդրումների մասին ԱՎԾ-ն կհրապարակի մայիսին։ Իսկ նախորդ տարվա հոկտեմբեր-դեկտեմբեր ամիսներին, ըստ նրա, արվել է 100 690 մլրդ դրամի ներդրում։ Նկատենք, սակայն, որ այս ցուցանիշը տարօրինակ է, ըստ ԱՎԾ-ի՝ 2016թ. ողջ ընթացքում Հայաստանում կատարվել է 62 մլրդ 679 մլն դրամի ուղղակի ներդրում, իսկ միայն հունվար-սեպտեմբեր ամիսներին՝ 44 մլրդ 432.1 մլն դրամի ներդրում։ Ասել է, թե վերջին եռամսյակում Կարեն Կարապետյանի պաշտոնավարման երեք ամիսներին իրականացվել է 18 մլրդ 247.2 մլն դրամի ուղղակի ներդրում (62 679.3-44 432.1=18 247.2)։ Մի խոսքով, շոուն կա, բիզնեսը դեռ չի ստացվում»,- գրել է թերթը: