Արցախի գերխնդիրներից է անվտանգության կենսունակ համակարգի ձեւավորումը

«Հեռուստամարաթոն-2017»-ի ծրագրում Արցախի Հանրապետության Նախագահ Բակո Սահակյան առաջարկով կներառվեն խորքային հորերի հորատման, նոր ոռոգման ցանցի կառուցման եւ արեւային էներգիայի համակարգի ներդրման նախագծերը:

Բակո Սահակյանը մայիսի 27-ին Երեւան քաղաքում կայացած «Հայաստան համահայկական հիմնադրամի» հոգաբարձուների խորհրդի նիստին նշել է, որ ժա մանակակից ոռոգման ցանցի կառուցումը նոր որակ կհաղորդի Արցախի պարենային անվտանգության բարձր մակարդակի ապահովմանը, գյուղատնտեսության զարգացմանը, կնպաստի գյուղական բնակչության բարեկեցության մակարդակի բարձրացմանը, մշտական ու երաշխավորված աշխատատեղեր կապահովի շրջաններում:

«Արցախի Հանրապետության պետականաշինության գերխնդիրներից է անվտանգության կենսունակ համակարգի ձեւավորումը եւ պահպանումը: Այն նաեւ համայն հայության կարեւորագույն առաջադրանքներից մեկն է, որի իրականացման համար ջանք ու եռանդ չեն խնայում Մայր Հայաստանը եւ Սփյուռքը: Այս ուղղությամբ մեծածավալ աշխատանք է իրականացվում նաեւ «Հայաստան» համահայկական հիմնադրամի խողովակներով»,-ասել է Արցախի նախագահը:

Հետևեք մեզ նաև Telegram-ում