Հայաստանը չորս ամսում Ացախին հատկացրել է 18 մլրդ դրամի միջպետական վարկ
13/06/2017 15:35
Նմանատիպ
Հայաստանը հունվար-ապրիլին 18 մլրդ դրամի միջպետական վարկ է հատկացրել Արցախի Հանրապետությանը:
Ըստ ՀՀ ֆինանսների նախարարության բյուջեի ամսական հաշվետվության տվյալների, ցուցանիշը ՀՀ պետական բյուջեի կիսամյակային ծրագիրն ապահովել է 68.9 տոկոսով: Վրաստանի կողմից ՀՀ նկատմամբ ունեցած վարկային պարտավորությունների գծով ստացվել է 140.7 մլն դրամ՝ ապահովելով կիսամյակային ծրագրի 47.9%-ը: Բաժնետոմսերի և կապիտալում այլ մասնակցության ձեռք բերման նպատակով հունվար-ապրիլ ամիսներին տրամադրվել է շուրջ 2.0 մլրդ դրամ՝ ամբողջությամբ ապահովելով կիսամյակի համար ծրագրված ցուցանիշի կատարումը: Հաշվետու ժամանակահատվածում 332.1 մլն դրամ է օգտագործվել արտաքին աղբյուրներից ստացված վարկային և դրամաշնորհային միջոցների մնացորդից՝ ծրագրով նախատեսված 4.8 մլրդ դրամի փոխարեն:
Հետևեք մեզ նաև Telegram-ում