AM | RU
USD
EUR
RUB

Նմանատիպ համաժողովները հավակնում են վերածվել ԵԱՏՄ ուղեղային կենտրոնի

Հոկտեմբերի 5-7-ը Երևանում կանցկացվի Եվրասիական գործընկերության երկրորդ միջազգային համաժողովը: «Եվրասիական գործընկերության միջազգային համաժողով» ՀԿ և Ռուսաստանի հայերի միության նախագահ, ՅՈւՆԵՍԿՕ-ի բարի կամքի դեսպան Արա Աբրահամյանի նախաձեռնությամբ անցկացվող համաժողովի նպատակը ԵԱՏՄ, ԱՊՀ, ԲՐԻԿՍ, ՇՀԿ, ԵՄ գործարար շրջանակների միջև երկկողմ և բազմակողմ համագործակցության համար մշտապես գործող տեղեկատվական և քննարկումների հարթակ ստեղծելն է:

Ինչպես 2016թ.-ին, այս տարի նույնպես Համաժողովը բավական ներկայացուցչական կազմ ունի։ Քննարկումներին մասնակցելու են ԵԱՏՄ երկրների կառավարությունների, գործարար և փորձագիտական շրջանակների ներկայացուցիչներ, համաշխարհային հայտնի ընկերությունների ղեկավարներ Հայաստանից, Ռուսաստանից, Բելառուսից, Ղազախստանից, Ղրղզստանից, ինչպես նաև ԱՄՆ-ից, Չինաստանից, Քաթարից, Հարավային Կորեայից, Հնդկաստանից և այլ երկրներից:

Համաժողովի շրջանակում տեղի կունենա ԵԱՏՄ անդամ երկրների Արդյունաբերության նախարարների խորհրդակցություն, ինչպես նաև առանձին քննարկումներ` բժշկական արդյունաբերության և Եվրասիական տարածքում արտադրական ինտեգրացիայի, եվրասիական տարածքում ոսկերչական իրերի արտադրության և սպառման շուկաների ընդլայնման, կապի և ՏՏ ոլորտում համագործակցության և այլ թեմաներով:

Համաժողովին ելույթներով հանդես կգան ՀՀ վարչապետ Կարեն Կարապետյանը, ԵՏՀ կոլեգիայի նախագահ Տիգրան Սարգսյանը, ՌԴ նախագահի խորհրդական Սերգեյ Գլազևը, ՌԴ արդյունաբերության և առևտրի նախարար Դենիս Մանտուրովը, Բելառուսի Հանրապետության արդյունաբերության նախարար Նատալիա Վոլկովան և ուրիշներ:

Նմանատիպ համաժողովները կարևոր են նաև այն առումով, որ հավակնում են վերածվել նորաստեղծ ԵԱՏՄ ուղեղային կենտրոնի ու հատկանշական է, որ նմանատիպ ուղեղային կենտրոն կարող է ձևավորվել Հայաստանի Հանրապետությունում:

Գաղտնիք չէ, որ ՀՀ-ն այնքան էլ հարուստ չէ իր ներկայիս տնտեսական ռեսուրսներով, սակայն հաշվի առնելով առկա ինտելեկտուալ ներուժը, ապա նմանատիպ միջոցառումները կարող են առիթ հանդիսանալ, որպեսզի նշված ներուժը վերածվի տնտեսական և քաղաքական կապիտալի:

Սովորաբան յուրաքանչյուր տարածաշրջան ունենում է իր անվտանգության կամ տնտեսական կենտրոնները, ինչպես Դավոսի ֆորումը, Մյունխենի անվտանգության ժողովը, Կրինիցայի տնտեսական ֆորումը...Այդ առումով այս համաժողովը, որը Հայաստանում անցկացվում է արդեն երկրորդ տարին անընդմեջ, բարենպաստ պայմաններ է ստեղծում, որպեսզի Հայաստանը վերածվի ԵԱՏՄ տնտեսական կենտրոնի: Կարևոր է նշել, որ համաժողովները չեն սահմանափակվում տարեկան մեկ անգամյա հանդիպումներով: Համաժողովից համաժողով ընկած ժամանակահատվածում տեղի են ունեցել մի շարք բիզնես քննարկումներ, տնտեսական ուղղվածության հանդիպումներ և համեմատաբար փոքր ֆորմատի կոնֆերանսներ:

Հիշեցնենք, որ Եվրասիական գործընկերության միջազգային առաջին համաժողովն անց է կացվել 2016թ. հոկտեմբերին, որի ընթացքում ստորագրվել են մի շարք փաստաթղթեր, մասնավորապես` ՌԴ Ռոստովի շրջանի և ՀՀ կառավարության միջև առևտրատնտեսական, գիտատեխնիկական և մշակութային համագործակցության, ինչպես նաև Կլաստերների և տեխնոլոգիական պարկերի ասոցիացիայի ու ՀՀ արդյունաբերական զարգացման հիմնադրամի միջև համագործացկության մասին: Համաժողովի աշխատանքները շարունակվել են նաև նրա ավարտից հետո: Գործարար կապերի ընդլայնման, ներդրումային միջավայրի բարելավման նպատակով ամբողջ տարվա ընթացքում կազմակերպվել են փոխադարձ այցելություններ ու քննարկումները, որոնց մասնակցել են ինչպես տարբեր պաշտոնյաներ, այնպես էլ գործարարներ:

Արման ԳՐԻԳՈՐՅԱՆ

 

Լրահոս
Ամենայն Հայոց Կաթողիկոսն ընդունել է ՀՀԿ-ի կողմից նախագահի թեկնածու առաջադրված Արմեն Սարգսյանին Տոկիոյում և Երևանում դեսպանությունների հիմնումը նոր լիցք է հաղորդել տարբեր բնագավառներում հայ-ճապոնական համագործակցությանը Նախագահ Սարգսյանը Մյունխենում իր ելույթում շեշտադրել է ՀՀ արտաքին և անվտանգության քաղաքականության կարևորագույն հարցերը ՀՀ ԱԳ նախարարը Եգիպտոսի իր գործընկերոջ հետ կարևորել են միջազգային հարթակներում փոխգործակցության ընդլայնումը ՀՀ տարածքում ավտոճանապարհները հիմնականում անցանելի են Սուրեն Կարայանն ընդունել է Ճապոնիայի արգործնախարարության պատվիրակությանը Արցախյան շարժման մասնակիցները հանդիպել են ՊԲ զինծառայողների հետ Երևանում առաջիկա օրերին սպասվում են կարճատև անձրևներ Անցած շաբաթ Ադրբեջանը առաջնագծում հրադադարի ռեժիմը խախտել է շուրջ 250 անգամ Մեքսիկայում ուժգին երկրաշարժ է տեղի ունեցել Նախագահը աշխատանքային այցով մեկնել է Գերմանիայի Դաշնային Հանրապետություն Օրենքը նորակառույց շենքերի անվտանգությունը սահմանում, իսկ կատարումը թողնում է կառուցապատողների խղճին «168 Ժամ». Նորատ Տեր Գրիգորյանց. «Ադրբեջանը կարող է հարձակվել ցանկացած պահի» «Ժողովուրդ». Երևանի կամուրջների ցանցապատելու մասին խոստումը անկատար է մնացել «Ժողովուրդ». Ինչո՞ւ չէր լուծվում «Նուբարաշեն» ՔԿՀ-ի կոյուղու հարցը «Հրապարակ». Բարձրագույն դատական խորհրդի ընտրություններում քանի անդամ կառաջադրվի ՕՐՎԱ ԽՈՐՀՈՒՐԴԸ: Փետրվարի 17 Հայաստանում կներդրվի բժշկական համակարգի հաշտարարի ինստիտուտը Դավիթ Լոքյանը ՀՀ Նախագահին զեկուցել է հանձնարարականների կատարման ընթացքի մասին Հայաստանը ներկայացված է Նյուրբերգում անցկացվող օրգանական սննդի առաջատար BIOFACH ցուցահանդեսում Տարոն Մարգարյանը կոչ է արել վերականգնել Շենգավիթ վարչական շրջանի արդյունաբերական ներուժը Հայաստանից արտահանվել է 9843 տոննա թարմ պտուղ-բանջարեղեն ԱԺ-ն մերժեց Հարկային օրենսգրքում փոփոխությունների «Ելք»-ի նախագիծը Քննարկվել է Հայաստանի և Բելառուսի միջև օդային փոխադրումների ոլորտին վերաբերող հարցերի լայն շրջանակ Արա Բաբլոյանն ընդունել է Ճապոնիայի արտաքին գործերի նախարարի խորհրդարանական հարցերով տեղակալին Վահրամ Բաղդասարյանն անդրադարձել է Երևանի ավագանու նիստի ընթացքում գրանցված սկանդալային միջադեպին Հրայր Թովմասյանն անդրադարձել է ՍԴ նախագահ դառնալու խոսակցություններին Մխիթարյանը ճանաչվել է «Էստերսունդ»-«Արսենալ» խաղի լավագույն ֆուտբոլիստ Նախատեսվում է վարչական պատասխանատվության ենթարկել ավտոմեքենաներում գազաբալոնների տեղադրման և շահագործման անվտանգությունը խախտողներին Իսրայելի Քնեսեթի նախագահը Հայաստան այցելելու նախնական համաձայնություն է տվել Էդվարդ Միլիտոնյանը ընթերցանության և գրքերի սպառման ոլորտում դրական փոփոխություն է տեսնում Հայաստանում ՌԴ ԱԳՆ խոսնակ Մարիա Զախարովան անդրադարձել է Իլհամ Ալիևի «Երևան և Զանգեզուր վերադառնալու» վերաբերյալ անհեթեթ հայտարարություններին Ափսոս, հազար ափսոս, որ Վրաստանի իշխանությունները ռուսամետ չեն Բասկետբոլիստ Կարեն Չիվիչյանը 25 միավոր վաստակեց «Սակրամենտո Սթեյթի» հետ խաղում Արա Բաբլոյանը ՍԴ անդամի թափուր պաշտոնում առաջարկել է Հրայր Թովմասյանի թեկնածությունը Նիդեռլանդների խորհրդարանի ստորին պալատը ճանաչել է Հայոց ցեղասպանությունը Մերկելը հորդորել է Թուրքիային հավատարիմ մնալ իրավական պետության սկզբունքներին «Ելք»-ն առաջարկում է վերադառնալ բենզինի և սեղմած գազի նախկին դրույքաչափերին և նվազեցնել եկամտահարկը Հայաստանում արևային եղանակը կգերիշխի Թուրքիայի քրդամետ կուսակցության ևս մեկ պատգամավոր կարող է զրկվել մանդատից
Խմբագրի ընտրություն
website by Sargssyan