AM | RU
USD
EUR
RUB

ՍՏԾՀԿ-ն քաղաքականացնելու որոշ անդամ երկրների փորձերը հարցականի տակ են դնում կազմակերպության հեղինակությունը. ԱԳ նախարար

 
 

ՀՀ արտգործնախարար Էդվարդ Նալբանդյանը ելույթ է ունեցել Սևծովյան տնտեսական համագործակցության կազմակերպության արտաքին գործերի նախարարների խորհրդի նիստին: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից: Ներկայացնում ենք ելույթն ամբողջությամբ.

«Պարո՛ն նախագահ,
Գլխավո՛ր քարտուղար,
Տիկնա՛յք և պարոնա՛յք,

Կցանկանայի շնորհակալություն հայտնել ուկրաինական նախագահությանը նախարարական խորհրդի նիստը հյուրընկալելու համար:

Հայաստանը, հանձնառու լինելով Սևծովյան տնտեսական համագործակցության կազմակերպության ռազմավարական նպատակներին, վերահաստատում է իր աջակցությունը կազմակերպության տնտեսական օրակարգին, որն ուղղված է համատեղ տարածաշրջանային համագործակցության ընդլայնմանը, ինչը բխում է ՍԾՏՀԿ կանոնադրական նպատակներից ու բուն էությունից: Անկասկած Սևծովյան տնտեսական համագործակցության կազմակերպության արդյունավետության բարձրացումը կախված է անդամ պետությունների` այս ոգով գործելու հանձնառությունից:

Նույն մոտեցումները պետք է լինեն ՍԾՏՀԿ բարեփոխման գործընթացի առանցքում, ինչը սակայն չի նշանակում Կազմակերպության էության վերափոխում: Մեր համոզմամբ այս փուլում իր հիմնական առաքելությունն իրականացնելու համար ՍԾՏՀԿ-ին անհրաժեշտ են գործնական և իրատեսական քայլեր: Մենք հավատացած ենք, որ Կազմակերպությունն ի զորու է բարձրացնել իր արդյունավետությունը Նախարարների խորհրդի կողմից հաստատված որոշումների և բանաձևերի անվերապահ իրականացման միջոցով: Հետևաբար, նախագահության ընթացքում մենք կկենտրոնանանք հանձնառությունների կատարման և Կազմակերպության գործունեության բովանդակության վրա:

Կազմակերպության գործունեությունը քաղաքականացնելու ՍԾՏՀԿ որոշ անդամ երկրների համառ փորձերը բացասաբար են ազդում ոչ միայն տարածաշրջանի բազմակողմ տնտեսական համագործակցության, այլև Կազմակերպության բուն հիմքերի, դրա հիմնական նպատակների վրա և հարցականի տակ դնում ՍԾՏՀԿ հեղինակությունը՝ որպես տարածաշրջանային տնտեսական արդյունավետ կազմակերպություն:

Պարո՛ն նախագահ,

Հայաստանը մեծ կարևորություն է տալիս Կազմակերպությունում իր նախագահությանը և որպես նախագահող երկիր հաջորդ վեց ամիսների ընթացքում կղեկավարի Կազմակերպությունը՝ ուշադրության կենտրոնում պահելով ՍԾՏՀԿ տարածաշրջանում տնտեսական համագործակցության ընդլայնումը և առկա մեխանիզմների միջոցով առաջ նպատակասլաց մղելով նախագծային օրակարգը:

Հայաստանը զգալի ներուժ ունի տեղեկատվական տեխնոլոգիաների բնագավառում և, լինելով ծրագրային ապահովման մշակման հանգույց, որպես նախագահող երկիր և ՍԾՏՀԿ ՏՀՏ աշխատանքային խմբի համակարգող, իր ջանքերը կուղղորդի տեղեկատվական և հեռահաղորդակցության տեխնոլոգիաների, գիտության, տեխնոլոգիաների և նորարարության բնագավառներում նպատակաուղղված համագործակցության առաջ մղմանը:

Օրեր առաջ Հայաստանը ստանձնեց նաև Ֆրանկոֆոնիայի միջազգային կազմակերպության նախարարական համաժողովի նախագահությունը, որը միավորում է 84 պետությունների, այդ թվում և ՍԾՏՀԿ որոշ անդամ երկրների, և հաջորդ տարի հոկտեմբերին պատիվ կունենա Երևանում հյուրընկալել այս կազմակերպության գագաթաժողովը: Մենք մտադիր ենք գագաթաժողովի շրջանակներում կազմակերպել ֆրանկոֆոն տարածքի գործարար ֆորում և կցանկանայինք ՍԾՏՀԿ գործարար շրջանակների ուշադրությունը հրավիրել այս միջոցառմանը: «Թվային Ֆրանկոֆոնիան» կլինի երևանյան գալիք գագաթաժողովի հիմնական թեմաներից մեկը:

Կցանկանայի նաև նշել, որ 2019 թվականին Հայաստանը կհյուրընկալի Տեղեկատվական տեխնոլոգիաների համաշխարհային կոնգրեսը:

Նոյեմբերի 24-ին Հայաստանը Եվրոպական միության հետ կնքեց Համապարփակ և ընդլայնված գործընկերության համաձայնագիրը: Լինելով Եվրասիական տնտեսական միության ակտիվ անդամ՝ Հայաստանը զարգացնում է իր հարաբերությունները նաև ինտեգրացիոն այլ ձևաչափերի հետ: Հուսով ենք, որ այսպիսի իրատեսական և նպատակաուղղված երկխոսությունը կդառնա տնտեսական համագործակցության շարժիչ ուժը և թույլ կտա լիովին օգտագործել ինտեգրացիոն ձևաչափերի ընձեռած հնարավորությունները, այդ թվում և ՍԾՏՀԿ տարածքում:

Տիկնա՛յք և պարոնա՛յք,

Մենք համոզված ենք, որ ՍԾՏՀԿ-կապակցված մարմինների, դիտորդների և ոլորտային երկխոսության գործընկերների հետ արդյունավետ փոխգործակցությունը շատ կարևոր է:

Այս կապակցությամբ կցանկանայի ընդգծել, որ ՍԾՏՀԿ խորհրդարանական վեհաժողովի շրջանակներում որոշ անխոհեմ փորձերը` բարեփոխումների քողի ներքո ներգրավվելու Կազմակերպությունից առանձին ինչ-որ գործողություններում, հակասում են Կազմակերպության կանոնադրությանը, ՍԾՏՀԿ ԽՎ նպատակներին և ընթացակարգային կանոններին և բացասաբար են ազդում Կազմակերպության հեղինակության վրա: Խորհրդարանական վեհաժողովը պետք է աջակցի Կազմակերպության հիմնական նպատակների իրականացմանը, այլ ոչ թե ներքաշվի զուգահեռ գործընթացներում՝ ՍԾՏՀԿ գործունեությունից անկախ:

Պարո՛ն նախագահ,

Ես արդեն ընդգծեցի, որ նրանք, ովքեր շահագործում են այս հարթակը՝ տնտեսական համագործակցության հաշվին իրենց նեղ քաղաքական շահերն առաջ մղելու համար, ոչ միայն հակասում են Կազմակերպության էությանը և նպատակներին, այլև խոչընդոտում ՍԾՏՀԿ շրջանակներում տարածաշրջանային տնտեսական համընդգրկուն համագործակցությանը: Սա լիովին վերաբերում է Ադրբեջանին, որը կրկին չարաշահում է նախարարական այս խորհուրդն իր անհիմն մեղադրանքները բաձրաձայնելու համար, ինչն անհարգալից է խորհրդի նպատակների հանդեպ, որոնք բացարձակապես կապ չունեն հակամարտությունների կարգավորման հետ: Մենք դժվար թե կարողանանք ձեռքբերում ակնկալել մեր համագործակցությունից ՍԾՏՀԿ շրջանակներում, եթե այս հարթակը շարունակում է շահագործվել քարոզչության նպատակներով:

Դեկտեմբերի 7-ին ԵԱՀԿ նախարարական խորհրդի իմ ելույթում ես մանրամասն անդրադարձել եմ Լեռնային Ղարաբաղի հակամարտության կարգավորման գործընթացին՝ ընդգծելով այն պատճառները, որոնք բացահայտորեն ի ցույց են դնում Ադրբեջանի անզիջում և առավելապաշտական դիրքորոշումը, նրա՝ միջնորդ երկրների, Մինսկի խմբի համանախագահների առաջարկների մերժումը, ինչը խոչընդոտում է հակամարտության հանգուցալուծմանը և սպառնում տարածաշրջանի անվտանգությանը, կայունությանը և տնտեսական համընդգրկուն համագործակցությանը:

Տիկնա՛յք և պարոնա՛յք,

Մենք համոզված ենք, որ տարածաշրջանային համակողմանի փոխգործակցությունը հանդիսանում է տարածաշրջանային համագործակցության և տնտեսական փոխկապվածութան հիմնական նախապայման:

Իր նախագահության ընթացքում Հայաստանը կապավինի այն համատեղ ջանքերին, որոնք միտված են մեր նպատակներին հասնելուն: Վստահեցնում եմ Ձեզ, որ Հայաստանը լիովին հավատարիմ է այդ վեհ նպատակին:

Շնորհակալություն»:

Լրահոս
ՀԱՊԿ գլխավոր քարտուղարի նշանակման հարցը չի լուծվել Շրի Լանկայի բժշկական խորհուրդը կճանաչի ԵՊԲՀ դիպլոմը Երևան-Մեղրի ավտոճանապարհին վթար է տեղի ունեցել. կա 3 զոհ Դեսպան Տիգրան Գևորգյանը հավատարմագրերը հանձնել է Սիրիայի նախագահ Բաշար Ալ-Ասադին Հայաստանում են ՌԴ օդատիեզերային պաշտպանության զորքերի ներկայացուցիչները ՀՀ ԶՈւ ներկայացուցիչները մեկնել են Մինսկ ՊԵԿ-ը պարզաբանում է ներկայացրել ֆիզիկական անձանց կողմից նվիրատվությամբ ավտոմեքենաներ տրամադրելու դեպքում եկամտային հարկի հաշվարկման վերաբերյալ Արցախի խորհրդարանի հերթական նիստում տեղի է ունեցել 2019թ. պետական բյուջեի քննարկման առաջին փուլը Դատարանն Արմեն Գևորգյանին կալանավորելու միջնորդության վերաբերյալ որոշումը կհրապարակի դեկտեմբերի 14-ին Կիևի Սոֆիայի տաճարում օծված խաչքարն իր տեղը գտավ Ազգային արգելոցում Թուրքիայի մայրաքաղաքում գնացքի վթարի հետևանքով զոհերի թիվը հասել է 7-ի Ադրբեջանից բռնագաղթած և ՀՀ քաղաքացիություն ստացած անձինք կսեփականաշնորհեն զբաղեցրած տարածքները ԵՄ-ն Հայաստանում տնտեսական առանցքային բարեփոխումների իրականացման նպատակով կհատկացնի 7,5 մլն եվրո Ռուսաստանը ՀՀ նոր կառավարության և խորհրդարանի հետ կառուցողական երկխոսության է տրամադրված. Զախարովա ԵՄ-ն Հայաստանին կտրամադրի 6.5 մլն եվրո միջուկային անվտանգության խթանման նպատակով Կառավարությունը մասնակի կփոխհատուցի բարձր առաջադիմություն ունեցող և ապրիլյան պատերազմի մասնակից ուսանողների ուսման վարձը Արմեն Գևորգյանը չի ընդունում իրեն առաջադրված մեղադրանքները Թերեզա Մեյը մնում է Մեծ Բրիտանիայի վարչապետ, բայց խոստանում Է ավելի ուշ հեռանալ «Հրապարակ». Վլադիմիր Վարդանյանը՝ Արդարադատության նախարա՞ր «Ժամանակ». Հունվարի 1-ից գազը կթանկանա՞ «Հրապարակ». Նաիրա Զոհրաբյանն այնքան էլ Նիկոլ Փաշինյանի ճաշակով չէ «Ժողովուրդ». Աղետի ենթարկված ՍՈՒ-25-ի սև արկղը փորձաքննության կուղարկվի ՌԴ «Հրապարակ»․ԱԺ առաջին նիստի օրը՝ վեճի առարկա Առաջնորդվեք պաշտոնական հաղոդրագրություններով. Դավիթ Բաբայան ՕՐՎԱ ԽՈՐՀՈՒՐԴԸ: Դեկտեմբերի 13 Ստրասբուրգում տուժածների թվում, նախնական տվյալներով, Հայաստանի քաղաքացիներ և ազգությամբ հայեր չկան Նիկոլ Փաշինյանը նոր որոշում է ստորագրել Վիգեն Չալդրանյանը թատրոնի տնօրենի պաշտոնից ազատման դիմում է ներկայացրել Թուրքիան պատրաստվում է առաջիկա օրերին Սիրիայում նոր ռազմական գործողություններ իրականացնել Թուրքիայի խորհրդարանում պատգամավորները վիճել և քաշքշել են միմյանց Բքի պատճառով Վարդենյաց լեռնանցքը ծանրաքաշ և կցորդիչով տրանսպորտային միջոցների համար փակ է Թուրքիայի մեջլիսի պատգամավորն առաջարկել է ուսումնասիրել Մեծամորի ատոմակայանի ռիսկերը ՀՀ նախագահը Սյունիքի մարզի առաջին ատյանի ընդհանուր իրավասության դատարանի նոր դատավոր է նշանակել Ստեփանծմինդա-Լարս ավտոճանապարհը փակ է տրանսպորտային բոլոր միջոցների համար ՀՔԾ-ն նոր մեղադրանքներ է առաջադրել Արմեն Գևորգյանին. պաշտպան Նոր խորհրդարանում հնարավոր է լինի 133 պատգամավոր Կաթողիկոսը կոչ է արել ռեժիսոր Հովհաննես Գալստյանին դադարեցնել հացադուլը Մարտին Էռնեկյանը ընտրվել է Օդանավակայանների միջազգային խորհրդի նախագահ Թոմ Քաթինան նշանակվել է «Ավրորա» մարդասիրական նախաձեռնության նախագահ Ստրասբուրգում սուգ է հայտարարված Սուրբծննդյան տոնավաճառում տեղի ունեցած հրաձգությունից հետո. DNA
Խմբագրի ընտրություն
website by Sargssyan