Times.am | «Ելք» դաշինքն այլևս գոյություն չունի
AM | RU
USD
EUR
RUB

«Ելք» դաշինքն այլևս գոյություն չունի

 
 

Հավանաբար կարող ենք փաստել, որ ԱԺ դաշինքներից մեկը՝ «Ելք»-ն այլևս գոյություն չունի: Իհարկե իրավաբանորեն այն կմնա, գուցե փորձ արվի երկարացնել նրա փաստացի գոյությունը, բայց դա արդեն կնմանվի մահացածին արհեստական ապարատի միջոցով սրտի աշխատանքները մի քանի օր երկարացնելուն:

Եվ սա օրինաչափ է, քանի որ այդ դաշինքի հետագա համատեղ գործունեությունն այլևս մոտիվացված չէ ու աննպատակահարմար:

Սովորաբար դաշինքները կազմավորվում են կամ կարճաժամկետ կամ երկարաժամկետ ծրագրերի շուրջ: Երկարաժամկետ համագործակցության համար անհրաժեշտ է գաղափարական, ծրագրային միասնություն և սուր ամբիցիաների մեղմում, ինչը չկա տվյալ դաշինքում:

Միայն ընդդիմադիր լինելը դեռ գաղափար չէ, ոչ էլ ծրագիր: Հայաստանում հաճախ ընդդիմադիր են սոսկ այն պատճառով, որ իշխանություն չեն (սա ընդամենը հիշեցման կարգով, ինչը չի վերաբերվում դաշինքի մաս կազմող ուժերին):

Բացի այդ քաղաքականությունը արվեստ է, որը պահանջում է ոչ միայն քաղաքական գրագիտություն, այլև քաղաքական կենսագրություն, անցած ուղի, հետագիծ: Միայն քաղաքական կենսափորձը, քաղաքական գրագիտության հետ համատեղ, կարող են ապահովել արդյունավետ գործունեություն ու հեռահար նպատակների իրականացում:

Սովորաբար ԱԺ պատգամավոր ընտրվելը քաղաքական գործունեության հետևանք է, գործունեության արդյունքում` ամրագրված քաղաքական կարգավիճակ: Իսկ մեզ մոտ հաճախ շատերը նախ ընտրվում են պատգամավոր, հետո նոր սկսում զբաղվել կամ չզբաղվել քաղաքականությամբ (Սա նույնպես հիշեցման կարգով, ինչը վերաբերվում է ԱԺ-ում ներկայացված բոլոր քաղաքական ուժերի կողմից առաջադրված որոշ պատգամավորների):

Կարճաժամկետ համագործակցության համար ընդամենն անհրաժեշտ է մոտակա նպատակի ուրվագծում ու շահերի ժամանակավոր համադրում, ինչն էլ տեղի ունեցավ տվյալ դեպքում: Ուժերը մեկը մյուսի աջակցությամբ անցան խորհրդարան, ծրագիրն իրագործվեց, շահերը սպասարկվեցին, ամբիցիաները բավարարվեցին ու հետագա միասնության մոտիվացիան վերջացավ:

Համագործակցության շարունակության համար անհրաժեշտ է նոր մոտիվացիա, ինչը չկա: Անհրաժեշտ են նոր շահեր, որոնք տվյալ դեպքում տարբեր են: Անհրաժեշտ է նաև ամբիցիաների համադրում, սակայն շատ դժվար է բոլորին համոզել հրաժարվել սեփական պատկերացումներից, սեփական մոտեցումներից ու ամբիցիաներից և բոլորով լծվել մեկ մարդու ամբիցիաների բավարարմանը:

Ի դեպ, այս ամենը նորմալ է ու լիովին տեղավորվում է քաղաքական տրամաբանության շրջանակներում: Քաղաքական դաշինքները խորանի առջև տրված ամուսնական երդումներ չեն, որպեսզի մինչ ի մահ հավատարիմ մնան մեկը մյուսին: Քաղաքական միավորը կոչված է սպասարկելու նրա անդամների մոտեցումներն ու պատկերացումները: Այլ խոսքով, քաղաքական միավորը գործիք է ծրագրերն իրականացնելու համար ու այն օրը, երբ այդ գործիքը դառնում է ոչ արդյունավետ պետք է հրաժարվել դրանից: Կառչած մնալով անարդյունավետ գործիքից, մեծ է հավանականությունը, որ ժամանակի ընթացքում անարդյունավետ կդառնան և այդ գործիքն օգտագործողները:

Սա «Ելք» դաշինքի փլուզման կանխատեսում չէ, այլ իրականություն, որի մասին ազդարարում են հենց իրենք, դաշինքի մաս կազմողները:

Երբ Մանե Թանդիլյանը լրագրողներին հայտարարում է, որ ԱԺ-ում գունավոր ծուխ բաց թողնելը համաձայնեցված չէր ու նման քայլը գործընկերային չէ, դա նշանակում է, որ այդ երկու ուժերն այլևս չեն կարող ընթանալ նույն ճանապարհով (Լուսավոր Հայաստան-Քաղաքացիական Պայմանագիր):

Երբ «Հայկական Ժամանակն» իր էջում ներկայացնում է հատված Նիկոլ Փաշինյանի հարցազրույցից ու հարցը սկսում է Քոչարյանի վարչապետ Արամ Սարգսյան ձևակերպմամբ (նույնիսկ եթե այդ հարցը տրվել էր ուրիշի կողմից, գործընկերային նորմալ հարաբերությունները ենթադրում էին հարցը տպագրելիս ձևափոխել: Չեմ կարծում մեր ներկա քաղաքական դաշտում կան այն աստիճանի գերօբյեկտիվ մարդիկ, ովքեր առաջնորդվում են Պլատոնն ընկերս է, բայց ճշմարտությունն ավելի կարևոր է մոտեցմամբ), դա նշանակում է այդ երկու ուժերի համագործակցության մոտալուտ ավարտ (Հանրապետություն-Քաղաքացիական Պայմանագիր):

Առավել ևս, որ Արամ Սարգսյանին Քոչարյանի վարչապետ համարելը կատարյալ տգիտություն է, եթե ոչ շանտաժ:

Ինչ վերաբերվում է ԱԺ մյուս՝ «Ծառուկյան» դաշինքին, ապա այն երբեք չի փլուզվի, քանի որ ըստ էության նման դաշինք գոյություն չունի, կա ընդամենը «Բարգավաճ Հայաստան» կուսակցություն:

Կարեն ԿԱՐԱՊԵՏՅԱՆ

Լրահոս
Ձյուդոյի Եվրոպայի գավաթի առաջնությունում Կարո Մարանդյանը դարձել է բրոնզե մեդալակիր ՀՀ ԱԺ նախագահ Արար Բաբլոյանը հայտարարություն է տարածել ներքաղաքական իրավիճակի վերաբերյալ «Ժառանգություն»-ը Երևանի քաղաքապետի պաշտոնում առաջադրում է Րաֆֆի Հովհաննիսյանի թեկնածությունը Արտակ Զեյնալյանը պարզաբանել է դատական գործերի և օրինական ուժի մեջ մտած դատավճիռների վերանայման կարգը Ռոբերտ Քոչարյանի առանձնատանը խուզարկություն է կատարվել. ՀՔԾ-ն հաստատում է Հայաստանում օգոստոսի 21-25-ը ջերմաստիճանն աստիճանաբաև կբարձրանա 5-7 աստիճանով Դատախազությունը Քոչարյանին կալանքից ազատելու որոշման դեմ բողոք կներկայացնի Վճռաբեկ դատարան օգոստոսի 20-ին Հորդառատ անձրևի հետևանքով արտակարգ իրավիճակ է ստեղծվել Շենիկ, Քարակերտ և Դալարիկ համայնքներում Թբիլիսիում վթարի հետևանքով տուժած ՀՀ քաղաքացիներից մեկը մահացել է (թարմացված) Միջուկային գործարքին Թեհրանի համաձայնելը կարող Էր սխալ լինել. Զարիֆ Փաշինյանի ելույթը. «կոպեկ»֊ով գնվող դեսպոտիզմ Էդվարդ Նալբանդյան. «Հողերի հանձնման մասին խոսակցությունները սին են և մոլորեցնող» 6 ամսում երկիրը լքել է 51 հազար ՀՀ քաղաքացի, որից միայն ապրիլ-հունիսին` 48 հազար «Չէ, Դուք այս 100 օրվա ընթացքում վարչապետ այդպես էլ չդարձաք. Անգամ շարքային». Արմեն Աշոտյանը՝ Նիկոլ Փաշինյանին Լուկաշենկոն Բելառուսի վարչապետ է նշանակել Սերգեյ Ռումասին Կյանքից հեռացել է ՄԱԿ-ի նախկին գլխավոր քարտուղար Քոֆի Անանը Էրդողանը հայտարարել է, որ Թուրքիան մտադիր չէ տնտեսական ճնշումների հետևանքով փոխել ընտրված կուրսը Գեղարքունիքի մարզպետը ծանոթացավ մարզում իրականացվող շինարարական աշխատանքների ընթացքին Մեկ շաբաթում հակառակորդը հրադադարը խախտել է շուրջ 170 անգամ ԿԸՀ-ն մանրամասնել է Երևանի ավագանու ընտրությունների քարոզչական վահանակների տեղադրման կարգը Լեհաստանում ավտոբուսի շրջվելու հետևանքով զոհվել է երեք մարդ Բակո Սահակյանը ՀՀ ԶՈՒ գլխավոր շտաբի պետի հետ քննարկել է բանակաշինության ոլորտում համագործակցության հարցեր Չփորձեք մատ թափ տալ պատգամավորների վրա. Աժ փոխնախագահը՝ Փաշինյանին Թուրքիան արդիականացված տանկեր է կուտակել Սիրիայի սահմանին Հանրահավաքը Հանրապետության Հրապարակում. ուղիղ ԱԱԾ-ն չեզոքացրել է առանձնապես խոշոր չափերով թմրամիջոցների մաքսանենգությամբ զբաղվող հանցավոր խումբ Գերմանիայի կանցլեր Անգելա Մերկելը կայցելի Հայաստան ՀՀԿ-ում Քոչարյանի հետ համագործակցության տրամադրությունները «դրական են». Շարմազանով «Հակառակորդի ձախողված հարձակման փորձերը ցույց են տալիս ՊԲ-ի պատրաստվածության բարձր աստիճանը». Դավիթ Բաբայան Եղանակը ցրտելու է Ժամկետային զինծառայողներն արդեն ունեն բջջային հեռախոսներից օգտվելու հնարավորություն՝ ըստ կանոնակարգի. Արծրուն Հովհաննիսյան Մանվել Գրիգորյանի կալանքը երկարացվել է երկու ամսով ՊԲ դիրքապահները կանխել են հակառակորդի 15 հոգանոց խմբի հարձակման փորձը Պետդեպում նշել են Թրամփի՝ Իրանի հետ երկխոսության մեջ մտնելու պայմանները Չինական Psearcher պարբերականը Հայաստանի մասին հատուկ թողարկում է պատրաստել Ռուս սահմանապահները ձերբակալել են հայ-թուրքական սահմանը հատած Գվինեայի քաղաքացու Հայ բարերարները շարունակում են աջակցել Արցախի զարգացմանը Կասպից «սահմանադրություն». ի՞նչն է մտահոգում Հայաստանին 100 օրում մենք լուծել ենք մեր հիմնական խնդիրը. վարչապետ Անահիտ Ֆարմանյանի մեղադրանքը և նրան կալանավորելու որոշումը իրավական հիմքեր չունեն. Փաստաբանների հայտարարությունը
Խմբագրի ընտրություն
website by Sargssyan